လွတ်မြှောက်လာသူများ အထဲတွင် စစ်တွေမြို့မှ ကိုကျော်ဇောဦး၊ ဒေါ်မညိုအေးနှင့် ကျောက်ဖြူ မဒေးကျွန်းမှ ကိုထွန်းကြည် အပါအ၀င် ၁၀ ဦး လည်း ပါဝင်သည်ဟု သတင်း ရရှိသည်။
ယင်းပြင် တောင်ကုတ်မှ ကိုစိုးဝင်း အပါအ၀င် လေးဦးလည်း လွှတ်မြှောက်လာသည်ဟု သိရသည်။
“ ကျွန်တော်တို့ သိရတာက အခုလွတ်လာတဲ့သူတွေဟာ ပုဒ်မ ၁၈ သမားတွေလို့သိရတယ်။ တောင်ကုတ်က ကိုစိုးဝင်းတို့အဖွဲ့လို့ဘဲသိရတယ်။ အားလုံး နာမည်တွေတော့ အတိကျမသိပါဘူး” ဟု သံတွဲမြို့နယ် ရခိုင် တိုင်းရင်းသားများတိုးတက်ရေးပါတီ အတွင်းရေးမှုး ဦးမောင်ဖြူက ပြောသည်။
စစ်တွေထောင်ထဲရှိ ကျောက်တော်မှ ၄ ဦးနှင့် ရသေ့တောင်မှ ၂ ဦး လွှတ်မြောက်မူ ရှိ မရှိကို နိရဉ္စရာက ဆက်လက် စုံစမ်းဆဲ ဖြစ်သည်။
နိုင်ငံတော်သမ္မတ ဦးသိန်းစိန်၏ လွတ်ငြိမ်းချမ်းသာခွင့်ဖြင့် ယနေ့တွင် အကျဉ်းသား ၆၅ ဦး လွှတ်ပေးခဲ့သည်ဟု သိရသည်။
ထိုသို့ လွှတ်ပေးရာတွင် ရခိုင်ပြည်နယ်မှ လွှတ်ပေးသူ ၂၅ ဦး ပါဝင်ရာ ကျောက်ဖြူ အကျဉ်းထောင်မှ ၁၀ ဦး၊ စစ် တွေအကျဉ်းထောင်မှ ၉ ဦး၊ ဘူးသီးတောင် အကျဉ်းထောင်မှ ၂ ဦး၊ သံတွဲထောင်မှ ၄ ဦး ဖြစ်ကြောင်း သိရသည်။
No comments:
Post a Comment