လျှပ်စစ်မီတာခတွေ တိုးမြင့်မယ့် ကိစ္စကို ၂၀၁၄-၂၀၁၅ ဘဏ္ဍာနှစ်ကုန်ထိ ဆိုင်ငံ့ထားမယ်ဆိုပြီးတော့ လျပ်စစ်ဝန်ကြီး ဦးခင်မောင်စိုးက ပြည်ထောင်စု လွှတ်တော် အစည်းအဝေးမှာ ထွက်ဆိုခဲ့တာ ဖြစ်ကြောင်း မလှိုင်မြို့နယ် ပြည်သူ့လွှတ်တော် ကိုယ်စားလှယ် ဦးအေးမောက်ကပြောပါတယ်။
အန်ကယ်တို့ တင်ပြတဲ့ မီတာခတွေ အားလုံးကို ၂၀၁၄-၂၀၁၅ အထိ ဆိုင်းထားဖို့ သဘောတူပါတယ်။
မီတာခတွေ တိုးမြင့်တာကို ပြန်လည် စဉ်းစားသုံးသပ်ပေးဖို့ လွှတ်တော်မှာ အရေးပေါ် တင်ပြပြီး ၄ ရက်အကြာမှာပဲ အခုလို ဆုံးဖြတ်လိုက်တာဖြစ်ပါတယ်။
လျပ်စစ်ဝန်ကြီးဌာန အနေနဲ့ အရှုံးခံပြီး ဓာတ်အားဝန်ဆောင်မှုတွေ ပေးနေရတာကြောင့် ဓာတ်အားခ တိုးမြင့်ဖို့ လုပ်ဆောင်ရတာဖြစ်တယ်လို့ ၀န်ကြီးက ပြောဆိုခဲ့သလို နှစ်စဉ် စီမံကိန်းတွေ ဆောင်ရွက်ဖို့ စီစဉ်ခဲ့ပေမဲ့လည်း ဘဏ္ဍာငွေ အခက်အခဲရှိတဲ့ အတွက် အကောင်အထည်ဖော်ဖို့ခက်ပြီး လျှပ်စစ်မီးမလုံလောက်တဲ့ပြဿနာတွေနဲ့ ရင်ဆိုင် နေခဲ့ရတာလို့လည်း လျှပ်စစ်ဝန်ကြီးက ရှင်းပြခဲ့ပါတယ်။
အခုလို ဓာတ်အားသုံးစွဲခတွေ မတိုးမြင့်တော့ ဘူးလို့ လွှတ်တော်မှာ တရားဝင် ပြောဆိုလာတာကို စီးပွားရေးလုပ်ငန်းရှင်တွေနဲ့ တက်ကြွလှုပ်ရှားသူတွေကလည်း ကြိုဆိုလိုက်ပါတယ်။
ပြည်သူတွေရဲ့ တစ်ဦးခြင်းဝင်ငွေ နိမ့်ပါးနေချိန်မှာ အစိုးရကနေ မီတာခလျော့ချပေးလိုက်တာကို ကြိုဆိုဆယ်လို့လည်း မီတာခ လျော့ကျရေးတက်ကြွလှုပ်ရှားသူ တစ်ဦး ဖြစ်တဲ့ ကိုစည်သူကပြောပါတယ်။
အဲဒီအပေါ် ကျနော်တို့ လက်ခံတယ်။ အခုလောလောဆယ် အခြေအနေအရ လျှပ်စစ်မီတာခကို အရှုံးအမြတ် တွက်ရမယ့် အချိန်မဟုတ်ဘူး။ ဘာလို့လည်းဆိုတော့ နိုင်ငံရဲ့ အခြေအနေကလည်း ဒီမိုကရေစီ ပြောင်းလဲနေတယ်လို့ ဘယ်လိုပဲ ပြောပြော ခိုင်မာတဲ့ အခြေအနေရှိတဲ့ နိုင်ငံတော် မဟုတ်သေးဘူး။ လူတွေ တစ်ဦးချင်းရဲ့ ဝင်ငွေကတည်း တိုးတက်လာတာ မရှိသေးတဲ့အတွက် ဒီအချိန်မှာ မူလအတိုင်း ထားရှိပြီးတော့ လာမယ့်နှစ်ကြမှ တိုးမယ် ဒါမှမဟုတ် ပြည်သူတွေကို ချပြပြီး အဆင်ပြေတဲ့ နှုန်းထားကို ကောက်မယ်လို့ ပြောတဲ့စကားကို ကျနော်တို့ ကြိုဆိုတယ်။
မီတာခတွေ လတ်တလောမှာတိုးမြင့်ဖို့ မရှိတော့တဲ့ အတွက် စီးပွားရေးသမားတွေ အနေနဲ့ လည်း အသက်ရှု မနည်းငယ်ချောင်သွားခဲ့တယ်လို့လည်း မြန်မာနိုင်ငံငါးလုပ်ငန်း အဖွဲ့ချုပ် အထွေထွေ အတွင်းရေးမှူး ဦးဝင်းကြိုင်ကပြောဆိုခဲ့တဲ့ အကြောင်း ရေဒီယို သြစတြေးလျ သတင်းထောက် မဝေစန္ဒာကျော် က သတင်းပေးပို့ထားပါတယ်။
No comments:
Post a Comment