အစိုးရနဲ့တိုင်းရင်းသား ငြိမ်းချမ်းရေးဆွေးနွေးမှုကို ကုလကြိုဆို

ABC

မြန်မာ ​အစိုးရနဲ့ ​တိုင်းရင်းသားလက်နက်ကိုင်တွေရဲ့အကြားမှာ ​ငြိမ်းချမ်းရေးဆွေးနွေးပွဲတွေ ​လုပ်နိုင်ခဲ့တာဟာ ​အမျိုးသားရင်ကြားစေ့ရေးအတွက် ​အရေးပါတဲ့ ​ခြေလှမ်းလို့ ​ကုလသမဂ္ဂက ​ပြောကြားလိုက်ပါတယ်။
 
အရင်စစ်အစိုးရလက်ထက်ကတည်းက ​မြန်မာအစိုးရနဲ့ ​တိုင်းရင်းသားလက်နက်ကိုင် ​တွေအကြား ​မကြာခဏဆိုသလိုပဲ ​တိုက်ပွဲတွေဖြစ်ပွားနေခဲ့ရာကနေ ​နိုဝင်ဘာလ ​၄ ​ရက်နေ့နဲ့ ​၅ ​ရက်နေ့တွေမှာ ​ပထမဆုံးအကြိမ် ​တိုင်းရင်းသားလက်နက်ကိုင်အဖွဲ့ ​အားလုံနီးပါး ​နဲ့ ​အစိုးရတို့ ​မျက်နှာဆုံညီတွေ့ဆုံဆွေးနွေးနိုင်ခဲ့ကြတာ ​ဖြစ်ပါတယ်။

ဆွေးနွေးပွဲအတွင်း ​ရလဒ်တွေ ​အခိုင်အမာ ​မရခဲ့ပေမယ့် ​ရှေ့ဆက် ​ဆောင်ရွက်သွားရမယ့် ​အခြေခံ ​လမ်းညွှန်ချက်တရပ်ကို ​အစိုးရနဲ့ ​တိုင်းရင်းသားတွေအကြား ​ရရှိခဲ့တယ်လို့ ​မြန်မာအစိုးရဘက်က ​ထုတ်ပြန်ပါတယ်။

အခုလို ​တိုင်းရင်းသား ​လက်နက်ကိုင်အဖွဲ့တွေနဲ့ ​မြန်မာအစိုးရအကြား ​တိုက်ရိုက် ​တပြိုက်တည်း ​တရားဝင်ဆွေးနွေးမှုဟာ ​ဆယ်စုနှစ်တွေအတွင်း ​ဒါ ​ပထမဆုံးအကြိမ်လည်းဖြစ်ပါတယ်။

နောက်တကြိမ်ဆွေးနွေးပွဲကိုတော့ ​လာမယ့် ​ဒီဇင်ဘာလအတွင်း ​ကရင်ပြည်နယ် ​အတွင်းမှာ ​လုပ်ဆောင်သွားဖို့ ​ရှိကြောင်း ​သတင်းရရှိပါတယ်။


လမ်းပိတ်ထားတာကြောင့် ​ဒေသခံနဲ့ ​ဒုက္ခသည်တွေ ​ရိက္ခာပြတ်လပ်နေ

ကချင်ပြည်နယ် ​မန်စီမြို့နယ်ထဲမှာရှိတဲ့ ​နမ့်လင်းပါ ​ကျေးရွာကို ​အစိုးရစစ်တပ်က ​ပိတ်ဆို့မှုတွေ ​ပြုလုပ်ထားတာကြောင့် ​ကျေးရွာအတွင်းက ​ဒေသခံတွေနဲ့ ​ဒုက္ခသည် ​၁၀၀၀ ​ကျော်လောက်ဟာ ​ရိက္ခာပြတ်လပ်နေတယ်လို့ ​ကချင်ငြိမ်းချမ်းရေး ​ကွန်ယက်က ​ပြောပါတယ်။

အောက်တိုဘာလ ​၂၂ ​ရက်နေ့ကတည်းက ​မန်စီမြို့နယ်တစ်ဝိုက်မှာ ​အစိုးရစစ်တပ်က ​မှောင်ခိုလမ်းကြောင်းတွေ ​ရှင်းလင်းဖို့ ​အတွက် ​တပ်ဖြန့်တာတွေကို ​ပြုလုပ်ခဲ့ပြီး ​ကျေးရွာတော်တော်များများကိုလည်း ​ပိတ်ဆို့ထားပါတယ်။

နမ့်လင်းပါ ​ကျေးရွာဟာ ​အောက်တိုဘာလ ​၂၂ ​ရက်နေ့ကတည်းက ​စတင်ပိတ်မိနေတာဖြစ်ပြီး ​ရိက္ခာ ​ထောက်ပံ့ဖို့ ​အဆင်သင့်ရှိနေပေမယ့် ​အစိုးရဘက်က ​အခုချိန်ထိ ​ပိတ်ဆို့ထားတယ်လို့ ​ကချင်ငြိမ်းချမ်းရေး ​ကွန်ယက်က ​မခွန်ဂျာက ​အခုလိုပြောပါတယ်။

“နမ့်လင်းပါ ​ကျေးရွာက ​စပြီးပိတ်မိနေတာ ​၂၂ ​ရက် ​အောက်တိုဘာလ ​ဖြစ်တယ်ပေါ့နော်။ ​၂၂ ​ရက် ​အောက်တိုဘာလ ​ကတည်းကနေပြီးတော့မှ ​မိုင်းခေါင်ရဲ့ ​အထက်ပိုင်းကို ​ဒီ ​ဗန်းမော်မြို့နယ်နဲ့ ​မန်စီမြို့နယ်ကနေပြီးတော့မှ ​ဘယ်လိုမှ ​လာခွင့်မရတော့ဘူးရှင့်။ ​အဲတော့ ​လာခွင့်မရတော့ဘူးဆိုတော့အခါမှာ ​အဲဒီ ​နမ့်လင်းပါ ​ကျေးရွာမှာ ​မူလကတည်းကနေ ​IDP ​ကန့်ရှိတယ်။ ​လူဦးရေ ​၁၀၀၀ ​နည်းနည်းကျော်တယ်။ ​သူတို့ဆီမှာ ​ဘာမှ ​မကျန်တော့ဘူးလို့ ​သိရတယ်။ ​အဲတော့ ​သူတို့ဆီကို ​ဆန်ပို့ဖို့အတွက် ​ဗန်းမော်ကနေပြီးတော့မှ ​UNDP ​ယာဉ်တန်းကလည်း ​ထွက်ဖို့ ​အတွက် ​အဆင်သင့်ဖြစ်တယ်။ ​သို့သော်လည်းပဲ ​မြန်မာ့တပ်မတော်က ​သွားခွင့်မပြုဘူးပေါ့။ ​စစ်တပ်က ​လေးဘက်လေးတန် ​ပိတ်ထားတယ်။ ​ပြီးလို့ရှိရင် ​ရွာတိုင်းမှာလည်း ​ပိတ်မိနေတဲ့လူတွေ ​ရှိသေးတယ်။”

မန်စီမြို့နယ်တစ်ဝိုက်ဟာ ​ကချင်လွတ်မြောက်ရေး ​တပ်မတော် ​KIA ​ရဲ့ ​ထိမ်းချုပ်နယ်မြေ ​ဖြစ်ပြီး ​အခုလို ​အစိုးရဘက်က ​နယ်မြေရှင်းလင်းရေး ​လုပ်ငန်းတွေ ​ပြုလုပ်တာကြောင့် ​တိုက်ပွဲငယ်အချို့လည်း ​နေ့စဉ် ​ဖြစ်ပေါ်နေတယ်လို့ ​ဆိုပါတယ်။

ယခုလို ​ကျေးရွာတွေကို ​ပိတ်ဆို့တာတွေ၊ ​တိုက်ပွဲတွေ ​ပြန်လည်ဖြစ်ပွားတာတွေဟာ ​KIA ​နဲ့ ​အစိုးရတို့ရဲ့ ​ပြည်ထောင်စု ​အဆင့်ပါ ​သဘောတူညီချက်တွေကို ​ဖောက်ဖျက်တာ ​ဖြစ်တယ်လို့လည်း ​မခွန်ဂျာက ​ပြောတဲ့အကြောင်း ​ရေဒီယိုသြစတြေးလျ ​သတင်းထောက် ​စူးရှက ​သတင်းပေးပို့ထားတာ ​ဖြစ်ပါတယ်။