ထို ဆွေးနွေးပွဲတွင် အများစုက ကိုယ်စားလှယ်စေလွှတ်ရေး ကန့်ကွက်ခဲ့သောကြောင့် ထပ်မံ ဆွေးနွေးရန် စီစဉ်နေကြကြောင်း ရခိုင်လူမှုကွန်ရက် (စစ်တွေ) ဆော်သြရေးအဖွဲ့ဝင် ကိုထွန်းလင်းက ပြောသည်။
" ECC မှာ ရခိုင်လူမှုကွန်ရက် (စစ်တွေ) က ကိုယ်စားလှယ် (၃) ဦး ပါဝင်မယ်၊ မပါဝင်ဘူးဆိုတာ ကျနော်တို့ ဆုံးဖြတ်ချက် မကျသေးပါဘူး။ လူမှုကွန်ရက်ဝင် အများစုက သဘောမတူကြတဲ့အတွက် ကျနော်တို့ ဒီကိစ္စကို ထပ်ပြီးတော့ ဆွေးနွေးရဦးမှာ ဖြစ်ပါတယ်။ "
ECC တွင် အစိုးရဘက်မှ အရာရှိဝန်ထမ်းများနှင့် နိုင်ငံခြား လူမှုကူညီရေးအဖွဲ့မှ တာဝန်ရှိသူများ ပါဝင်ပြီး ဒေသခံ ရခိုင်လူမျိုးများထဲမှလည်း ကိုယ်စားလှယ်များ ပါဝင်နိုင်ရန် ဖိတ်ခေါ်ကမ်းလှမ်းချက်သည် ပထမဦးဆုံးအကြိမ်ဖြစ်ပြီး ကွန်ရက်ဝင်အများစုက ထိုသို့ ကမ်းလှမ်းချက်ကို သံသယရှိနေကြကြောင်း သိရသည်။
No comments:
Post a Comment