ပြီးခဲ့တဲ့လ ၂၆-၂၇ရက်နေ့က စစ်တွေမြို့မှာ ဖြစ်ပွားခဲ့တဲ့ ပဋိပက္ခတွေကြောင့် ရခိုင်ပြည်နယ်အတွင်းမှာ အခြေ စိုက်တဲ့ နိုင်ငံတကာ အဖွဲ့အစည်းက ၀န်ထမ်း တစ်ရာကျော် ထွက်ခွာခဲ့ရပြီးနောက် ရခိုင်ပြည်နယ် အတွင်းမှာ နိုင်ငံတကာ အကူအညီပေးရေး လုပ်ငန်းတွေ ပြန်လည် လုပ်ဆောင်နိုင်ဖို့ နည်းလမ်းတွေ ရှာကြတာဖြစ်တယ်လို့ စစ်တွေမြို့မိမြို့ဖတဦးဖြစ်တဲ့ဦးသန်းထွန်းက အခုလိုပြောပါတယ်။
“ပြည်နယ်ရုံးမှာ ဒီနေ့ NGO အဖွဲ့တွေနဲ့ တွေ့ပါတယ်၊ UNရယ်၊ ICRC ရယ်အတွက် ကျနော်တို့ စဉ်းစားပါတယ်၊ UNရယ်၊ ICRC ရယ် ဒီမှာပြန်ပြီးတော့ တကယ်ပွင့်ပွင့်လင်းလင်း လှုပ်ရှားနိုင်ဖို့ နည်းလမ်းတွေရှာကြအချိန် UNရယ်၊ ICRC မဟုတ်တဲ့ INGO ကိစ္စကိုလည်း UN ကတော့ တာဝန်ယူတဲ့အဓိပါယ်ပြောတာပေါ့နော်၊ ကျနော်တို့ အဲဒီကိစ္စကိုလည်း လုပ်ငန်းဆောင်ရွက်ခွင့်ကိုလည်း ဖြည်းဖြည်းချင်းစဉ်းစားပေးမယ်လို့ အဲလိုမျိုးပြောပါတယ်။”
ပြီးခဲ့တဲ့လက ဖြစ်ပွားခဲ့တဲ့ ပဋိပက္ခတွေကြောင့် နိုင်ငံတကာ အဖွဲ့အစည်းက ၀န်ထမ်းတွေက မြို့တွင်းက ငှားထားတဲ့ အိမ်တွေမှာ နေခွင့်မရတော့တဲ့ အတွက် စစ်တွေမြို့တောင်ပိုင်း ၀န်ကြီးများ အိမ်ရာဘေးမှာ အခန်း ၈ခန်းပေး ထားတဲ့အကြောင်း ဆွေးနွေးပွဲမှာ ပြောခဲ့တယ်လို့ ဆိုပါတယ်။
ဒါပေမယ့် နိုင်ငံတကာ ၀န်ထမ်းတွေအနေနဲ့ ထပ်မံပြီး အိမ်ငှား နေချင်သေးတယ် ဆိုရင်တော့ စစ်တွေမြို့ တောင်ဘက်စွန်းမှာ အိမ်ရှင်တွေနဲ့ ညှိနှိုင်းလို့ရကြောင်း အိမ်ရှင်တွေက ငှားချင်တယ် ဆိုရင်တော့ ပြည်နယ်အစိုးရနဲ့ ရခိုင်ဒေသခံတွေ အနေနဲ့ ကန့်ကွက်စရာ မရှိဘူးလို့ ဦးသန်းထွန်းက ပြောတဲ့အကြောင်း ရေဒီယို သြစတြေးလျ သတင်းထောက် မြတ်မိုးက သတင်းပေးပို့ခဲ့ပါတယ်။
No comments:
Post a Comment