ညမထွက်ရ အမိန့်ကို အချိန်ပြောင်းလဲ လိုက်တာနဲ့ ပတ်သက်လို့ တာဝန်ရှိတဲ့သူတွေက စစ်တွေမြို့မှာ လှည့်လည် ကြေညာ ခဲ့တာဖြစ်တယ်လို့ ပြည်နယ် လွှတ်တော် အမတ်တစ်ဦးဖြစ်တဲ့ ဦးအောင်မြကျော်က အခုလိုပြောပါတယ်။
“လျော့လိုက်ပါတယ်၊ ည ၉နာရီကနေ မနက် ၅နာရီအထိ ၊ မနေ့ကနေစပါတယ် ၉ရက်နေ့ပေါ့၊ တရားဝင်ကြေညာ ချက် ထုတ်ပြန် တာပါ၊ မြို့ကို လှည့် ပြီး လှော် စပီ ကာ တွေနဲ့ ကြေညာ တာ၊ ခုတော့ အကုန်လုံးက အေးအေး ဆေးဆေး ဆိုတော့ ကာဖြူးကို လျော့ချလိုက်တဲ့ သဘောမျိုးပါပဲ။”
မတ်လ ၂၆ -၂၇ ရက်နေ့က စစ်တွေမှာ ဖြစ်ပွား ခဲ့တဲ့ ပဋိပက္ခ တွေကြောင့် ညမထွက်ရ အမိန့်ကို ည ၆ နာရီ ကနေ မနက် ၆ နာရီထိ တိုးမြှင့် ခဲ့တာ ဖြစ်ပြီး အခု ဧပြီလ ၉ ရက်နေ့ ကနေ စပြီးတော့ ညမထွက်ရ အမိန့် အချိန်ကို ည ၉ နာရီကနေ မနက် ၅နာရီ အထိ လျော့ချ လိုက်တာ ဖြစ်ပါတယ်။
ရခိုင်ပြည်နယ် အတွင်းမှာ ပြီးခဲ့တဲ့နှစ်က ဖြစ်ပွားခဲ့တဲ့ ပဋိပက္ခ တွေကြောင့် မြို့နယ် ၁၀ မြို့နယ်ကျော်မှာ ညမထွက် ရအမိန့်တွေ ထုတ်ပြန် ထားရဆဲဖြစ်ပြီး အခြေအနေ တည်ငြိမ်လာတဲ့ တချို့ဒေသတွေကို အခုလို အချိန်လျော့ချ ပြောင်းလဲ သတ်မှတ် လိုက်တာဖြစ်ပါတယ်။
လက်ရှိ အခြေအနေမှာတော့ ရခိုင်ပြည်နယ် အတွင်း လုံခြုံရေးကိုလည်း ပုံမှန်အတိုင်း ယူထားရဆဲ ဖြစ်သလို ဧပြီလ ၁၀ရက်နေ့မှာ သန်းခေါင် စာရင်းကောက်ခံမှု ပြီးဆုံးသွားပြီ ဖြစ်တဲ့အတွက် ညမထွက်ရ အမိန့်ကို လျော့ပေါ့လိုက်တာ ဖြစ်နိုင်တယ်လို့လည်း ဦးအောင်မြကျော်က ပြောတဲ့အကြောင်း ရေဒီယို သြစတြေးလျ သတင်းထောက် မြတ်မိုးက သတင်းပေးပို့ထားပါတယ်။
No comments:
Post a Comment