ဉာဏ်မောင်
ကျောင်းအုပ် ဆရာမ ကြီးက ကျောင်းသား များထံ အကြောင်း အမျိုး မျိုးပြ ငွေကြေး ကောက်ခံခြင်းများ ပြုလုပ် နေသည့် အတွက် ကျောင်း သား မိဘများ စိတ်ညစ် နေရ သည်။
ရန်ကုန်တိုင်း၊ မရမ်းကုန်းမြို့နယ် အမက (၉) မှ ကျောင်းအုပ်ဆရာမကြီး ဒေါ်ကြီးမြင့်က ကျောင်းသားများထံ လေးလပတ် စာမေးပွဲကြေးအပြင် အဖြေလွှာများအတွက် စာအုပ်ဖိုးများ ထပ်မံတောင်းယူနေခြင်းဖြစ်သည်။
"အခု ကလေးတွေ လပတ်စာမေးပွဲဖြေရမှာကို စာမေးပွဲကြေးဆိုပြီးလည်း ငွေကောက်တယ်၊ နောက်ပြီး ကလေးတွေ စာမေးပွဲဖြေဖို့က စာအုပ်ထဲမှာ ဖြေရမယ်ဆိုပြီး စာအုပ်ဖိုး ၈၀၀ တောင်းတယ်၊ အမှန်က ဒီအဖြေလွှာစာရွက်တွေက ကျောင်းက ပေးရမှာ၊ အထက်က ချပေးပြီးသားပါ၊ အခုဟာက တခါဖြေရင် တခါပေးရတယ်၊ နောက်ပြီး တခြားခေါင်းစဉ်းတတ်ပြီးလည်း ကလေးတွေဆီက တောင်းတာတွေလည်းရှိတယ်" ဟု ကျောင်းသားမိဘတဦးက ပြောသည်။
ယင်းကဲ့သို့ ကျောင်းအုပ်ဆရာမကြီးက ငွေးကြေးကောက်ခိုင်းနေခြင်းကြောင့် အတန်းပိုင်ဆရာမများပင်လျှင် ကျောင်းသားများကို အားနာနေပြီး အခြား အဆင်မပြေသည့် ကျောင်းသားကျောင်းသူများမှာ အခက်ခဲဖြစ်နေရကြောင်း ၎င်းက ဆက်ပြောသည်။
"သူတို့ကျောင်းက တောင်းသမျှခေါင်းစဉ်တွေအတိုင်း ပေးလိုက်တာ ၁,၄၀၀ တောင် ပေးလိုက်ရတာ၊ ဒါကလည်း တနေ့ထဲ အလုပ်မဟုတ်ဘူး၊ နောက်တခါမရိုးအောင် ဘာနာမည်ပေးပြီး ကောက်အုံးမလဲမသိပါဘူး၊ ကျောင်းတက်တာမှ တလကျော်ကျော်လောက်ပဲ ရှိသေးတာ၊ ဟိုဟာတောင်း ဒီဟာတောင်းနဲ့ မပြီးနိုင်တော့ဘူး၊ အိမ်က မိဘမျက်နှာတွေတောင်သေးသေးလေးပဲ ကျန်တော့တယ်" ဟု ဆက်ပြောသည်။
ထိုကဲ့သို့ ငွေကြေးကောက်ခံရာတွင် မပေးသည့်သူများကို စာမေးပွဲဖြေခွင့် ပေးမည့်မဟုတ်ကြောင်း ပြောဆိုနေသည့်အတွက် ကျောင်းသားမိဘများမှာလည်း သားသမီးပညာရေးအတွက် အတော်လေးစိတ်ညစ်နေရသည်ဟု ပြောသည်။
မရမ်းကုန်း အမက (၉) ကျောင်းတွင် ယခင်ကျောင်းအုပ်များ လက်ထက်ကတည်းက နည်းအမျိုးမျိုးဖြင့် ငွေးကြေးကောက်ခံမှုများ ရှိခဲ့သော်လည်း ယခုတွင် ပိုမိုဆိုးရွားလျှက်ရှိကြောင်း ကျောင်းသားမိဘတဦးက ဆက်လက်ပြောသည်။
No comments:
Post a Comment