ရွှေကျောင်းပြောင်ပြောင် ၀မ်းခေါင်ခေါင်

ဗိုလ်ထက်မင်း

တပ်မတော် အတွင်းမှာ အဆင့် ရာထူး တာဝန် အရ ဘယ်လို ဆက်ဆံပြောင်း လဲကြတယ်၊ အောက်ခြေ အဆင့် စစ်သည်တွေ ဘယ်လိုကြုံ တွေ့နေရတယ် ဆိုတာကိုလည်း ပြည်သူ အများ သိစေဖို့ တပ်တွင်း ဖြစ်စဉ် မှန်တွေကို တင်ပြ သွားပါမယ်။ တပ်မတော်မှာ အရာရှိနဲ့ အခြား အဆင့်ဆိုပြီး (၂) မျိုး ထားရှိပါတယ်။ အရာရှိ် ဆိုရင် အနိမ့် ဆုံးဟာ ဒုတိယ ဗိုလ်ဖြစ်ပြီးတော့ ဒုဗိုလ်၊ ဗိုလ်၊ ဗိုလ်ကြီး၊ ဗိုလ်မှူး၊ ဒုဗိုလ်မှူးကြီး၊ ဗိုလ်မှူးကြီး၊ ဗိုလ်မှူးချုပ်၊ ဗိုလ်ချုပ်၊ ဒုဗိုလ်ချုပ်ကြီး၊ ဗိုလ်ချုပ်ကြီး၊ ဒုဗိုလ်ချုပ်မှူးကြီး၊ ဗိုလ်ချုပ်မှူးကြီး ဆိုပြီး အဆင့်ဆင့် သတ်မှတ် ထားတာ ရှိပါတယ်။ ဒီအဆင့် တွေကြား ထဲမှာ တဆင့်မြင့် ရာထူးရဲ့ လစာစား (Officiating) ဆိုတဲ့ ရှင်လောင်း အဆင့် ဆိုတာလည်း ရှိပါသေးတယ်။

အခြား အဆင့် အနေဖြင့် အနိမ့်ဆုံး တပ်သား အဆင့်မှ ဒုတပ်ကြပ်၊ တပ်ကြပ်၊ တပ်ကြပ်ကြီး၊ တပ်ခွဲတပ်ကြပ်ကြီး၊ ဒုအရာခံဗိုလ်၊ အရာခံ ဗိုလ်ဆိုပြီး သတ်မှတ် ထားပါတယ်။ ရှေးဦးစွာ အောက်ခြေ အကျဆုံး အခြား အဆင့်များရဲ့ ဆက်ဆံရေးနဲ့ သူတို့ရဲ့ သဘာဝ ဓလေ့ စရိုက် တွေကို ရှင်းလင်း တင်ပြသွား ပါမယ်။ စစ်တပ်က အာဏာသိမ်း ထားတယ် ဆိုပေမယ့် စစ်သည် တွေရဲ့ ဘ၀ကတော့ အများ ထင်သလို မဟုတ်ဘဲ ပြည်သူလူ ထုနည်းတူ ဆင်းရဲဒုက္ခ မျိုးစုံကို ခံစား နေရလို့ တပ်တွင်း အောက်ခြေ စည်းရုံးရေး အတွက် ကြိုးပမ်း ကြဖို့နဲ့ တပ်အ တွင်း မှာလည်း ဒီမိုကရေစီ အရေးတကြီး လိုအပ် နေကြောင်း သိရှိစေ လိုပါတယ်။

တပ်မတော်မှာ ရဲဘော် (၂) မျိုးရှိရာမှာ ကိုယ်ပိုင်နံပါတ်ကို သိန်းဂဏန်းအဆင့် ကိန်းဂဏန်း (၆) လုံး ပေးခဲ့ပြီး နံပါတ် (၉) သိန်းကျော် ပြည့်သွားပြီးဖြစ်လို့ နောက်ပိုင်း ‘တ’ အက္ခရာကို ရှေ့ဆုံးမှာ စတင်စေပြီးမှ ကိန်းဂဏန်းအက္ခရာကို စတင်ခြင်းဖြင့် ဒုတိယအမျိုးအစား ကိုယ်ပိုင်နံပါတ်များဆိုပြီး ထားရှိပါတယ်။ ယခုဆိုရင် “တ” အက္ခရာနောက်မှာ (၅) သိန်းခန့်ရှိပြီလို့ သိရှိရပါတယ်။

ရဲဘော်တွေကို လေ့ကျင့်ရေးကျောင်းဆင်းနဲ့ တပ်မတော်တန်းမြင့် လေ့ကျင့်ရေးကျောင်းဆင်းဆိုပြီး ထားရှိပါတယ်။ ယခင်တုန်းက ရဲဘော်တွေကို (၆) လ သင်တန်းတက်စေပြီးမှ တပ်ရင်းတွေကို ပို့ခဲ့ပေမယ့် နောက်ပိုင်းမှာတော့ ရဲဘော်ရှားပါးနေလို့ (၄) လခွဲနဲ့ သင်တန်းဆင်းပေးလိုက်ပြီး တပ်ရင်းတွေကို ပို့ပါတယ်။ ရဲဘော်တွေဟာ တဆင့်မြင့်တဲ့ ဒုတပ်ကြပ်ရာထူး ရရှိဖို့အတွက် နှစ်ပေါင်းများစွာ စောင့်ဆိုင်းကြရပါတယ်။ အကျင့်စာရိတ္တပြစ်မှုရှိမရှိ၊ ပညာအရည်အချင်း၊ လုပ်ရည်ကိုင်ရည်၊ တိုက်ပွဲအတွေ့အကြုံ စတာတွေကို မူတည်ပြီး တပ်ခွဲမှူးများက ထောက်ခံတင်ပေးပါမှ တပ်ရင်းအဆင့် Promotion Board မှ အတည်ပြုပေးပြီးရင်တော့ ဒုတပ်ကြပ် ဖြစ်ကြရပါတယ်။

စစ်ဆင်ရေးတွေမှာ တိုက်ပွဲမှာ ထူးချွန်ရင် ခြွင်းချက်နဲ့ နှစ်ကာလချီပြီး စောင့်ရန်မလိုဘဲ ရာထူးတက်မြန်တာလည်းရှိပါတယ်။ ရဲဘော်ဘဝချင်း တူတာတောင် စစ်မြေပြင် အင်ဂျင်နီယာတပ်၊ ဆောက်လုပ်ရေးတပ် (G.E)၊ ကာကွယ်ရေးပစ္စည်းစက်ရုံတပ်၊ ထောက်ပံ့နှင့် ပို့ဆောင်ရေးတပ်၊ ပင်မခဲယမ်းမီးကျောက်တပ်၊ စစ်လက်နက်ပစ္စည်းတပ်၊ လေကြောင်းကာကွယ်ရေးတပ်၊ ဆေးတပ်၊ ဆက်သွယ်ရေးတပ်၊ သံချပ်ကာတပ်ရင်း၊ တင့်ကားတပ်ရင်း၊ အမြောက်တပ် စသည့် ပညာသည်တပ်ဖွဲ့များမှာ ထမ်းဆောင်ရတဲ့ ရဲဘော်တွေဟာ တိုက်ခိုက်ရေး ခြေလျင်တပ်က ရဲဘော်တွေထက် ရာထူးတက်ဖို့ နှစ်ပေါင်းများစွာ ပိုမိုကြာမြင့်စွာ စောင့်ရလေ့ရှိပါတယ်။ အဲဒါအပြင် ကာကွယ်ရေးဝန်ကြီးဌာန စခန်းရုံးရှိ ရဲဘော်တွေရဲ့ ကိုယ်ပိုင်နံပါတ်က ခြေလျင်တပ်မှာရှိတဲ့ တပ်ကြပ်ကြီးတွေရဲ့ ကိုယ်ပိုင်နံပါတ်နဲ့ တန်းတူဖြစ်နေတာကို တွေ့ရပါတယ်။

တပ်သားအဆင့်ဟာ တပ်အခေါ် ရဲဘော်ဖြစ်ပြီး စစ်တပ်ရဲ့ အခြေခံအကျဆုံး အဆင့်ဖြစ်ပါတယ်။ ရဲဘော်ဘဝဟာ ပင်ပန်းဆင်းရဲလွန်းလှပြီး ရုန်းကန်ရဆုံး အဆင့်လည်းဖြစ်ပါတယ်။ ကင်းစောင့်ရင်လည်း ရဲဘော်၊ ရှေ့တန်းမှာ Point လို့ခေါ်တဲ့ ရှေ့ပြေးထိပ်ဆုံး ရန်သူနဲ့ ဦးစွာတွေ့ရင်လည်း ရဲဘော်၊ လုပ်အားပေးခိုင်းစေခံရတာ အများဆုံးဟာလည်း ရဲဘော်၊ ကတုတ်ကျင်းနဲ့ ဆက်သွယ်ရေးမြောင်း အပါအဝင် အိမ်သာအဆုံး တူးဆွရတဲ့ သူဟာလည်း ရဲဘော်၊ ရိက္ခာခွဲတမ်းအရ ပုံမှန်ရတယ်ဆိုပေမယ့် တချို့ခေါင်းပုံဖြတ်ခံရပြီး ခွဲတမ်းအရအနည်းဆုံးဟာလည်း ရဲဘော်၊ အသေခံကွန်မန်ဒိုအဖြစ် ရန်သူ့စခန်းကုန်းတိုက်ရင်လည်း ရဲဘော်၊ မိုင်းခင်းထူပြောပြီဆိုရင်လည်း မိုင်းထိဖို့ ရာခိုင်နှုန်း အများဆုံးရှိတဲ့သူဆိုရင်လည်း ရဲဘော်၊ ဟင်းကောင်းရင် အရိုးအရင်းသာ ကိုက်ရတဲ့သူဟာလည်း ရဲဘော်၊ ထမင်းဟင်းကို ဒိုင်ခံချက်ပေးရတာလည်း ရဲဘော်၊ အကူသဘော နှိပ်နင်းပေးရတာ အပါအဝင် အရာရှိတွေရဲ့ ဝေယျာဝစ္စ အောက်ခြေသိမ်း လုပ်ပေးရတာဟာလည်း ရဲဘော်၊ ကိုယ်ရေးကိုယ်တာ ပြဿနာဖြစ်လို့ အရာရှိနဲ့ ဆရာတွေကိုယ်စား ထိုးကျွေးခံရတာလည်း ရဲဘော်၊ အရေးကြီး စာရွက်စာတမ်းများနဲ့ လျှို့ဝှက်ကိစ္စရပ်များ ထိန်းသိမ်းပေးရတာလည်း ရဲဘော်၊ အရာရှိအိမ်နဲ့ ခြံများက ရှိသမျှအလုပ်တွေကို သိမ်းကျုံးလုပ်ပေးရတာလည်း ရဲဘော်၊ ကလေးထိန်းရတဲ့ အိမ်အလုပ်တွေ အပါအဝင် ကိုယ်ရေးကိုယ်တာကိစ္စမှန်သမျှ လုပ်ပေးရတာလည်း ရဲဘော်၊ ဘဝမျိုးစုံကျင်လည်ရတဲ့ သနားစရာ ရဲဘော်တွေရဲ့ ဒုက္ခမျိုးစုံတွေကို ပြည်သူတွေကို သိစေချင်ပါတယ်။

ရဲဘော်တွေရဲ့ ဘဝဟာ ရုန်းကန်ရတာ ပင်ပန်းလွန်းလှလို့ ၎င်းတို့အချင်းချင်း တွေ့ဆုံတဲ့အခါဖြစ်စေ၊ ရင်းနှီးတဲ့ အရာရှိများနဲ့ တွေ့ဆုံတဲ့အခါဖြစ်စေ ညည်းတွားပြောဆိုနေတတ်ပြီး တပ်ထဲဝင်လာမိတာကို နောင်တတရားကြီးမားစွာရမိကြောင်း၊ ယခင်ဘဝက ဝဋ်ကြွေးရှိလို့ ဒီဘဝမှာ ရဲဘော်ဖြစ်ရကြောင်း၊ တပ်ကထွက်ခွင့်ရချင်ကြောင်း စသဖြင့် အမြဲတမ်း ပြောဆိုလေ့ရှိကြပါတယ်။

ရှေ့တန်းမှာဖြစ်ဖြစ်၊ နောက်တန်း မြို့ထဲမှာဖြစ်ဖြစ် ရဲဘော်တွေရဲ့ စိတ်ဓာတ်ရေးရာထိခိုက်မှု အပြင်းထန်ဆုံးကတော့ တချိန်က ရန်သူဖြစ်ခဲ့တဲ့ တိုင်းရင်းသားလက်နက်ကိုင် ငြိမ်းချမ်းရေးအဖွဲ့တွေဟာ ငွေကြေး၊ ဘီယာ၊ မိန်းမများနဲ့ ပျော်ရွှင်နေတာကို မြင်ရတိုင်း အဆင့်အတန်း ကွာခြားသွားချက်ကိုကြည့်ပြီး ရင်ထုမနာ ခံစားနေကြခြင်းပဲ ဖြစ်ပါတယ်။ လုပ်အားပေးဆိုရင်လည်း နေ့ရောညပါ အခကြေးငွေမရဘဲ အဓမ္မအခိုင်းခံနေရလို့ ရဲဘော်တွေရဲ့  စိတ်ဓာတ်ရေးရာကျဆင်းမှုတွေ ဖြစ်ပေါ်စေပါတယ်။

အရက်သောက်စားမှု စတဲ့ သေးငယ်တဲ့ ပြစ်မှု၊ ပေါ့တဲ့ ပြစ်မှုတွေဆိုရင်တောင် ရဲဘော်တွေဟာ ပြဿနာဖြစ်လာရင် အနည်းဆုံး လူမဆန်စွာ ထိုးကြိတ်ရိုက်နှက်ခံရပြီး အချုပ်ခန်းနဲ့ နှစ်ပါးသွားရကာ ဒီ့ထက် ပြင်းထန်ရင်တော့ ကိုယ်ရေးမှတ်တမ်းမှာ မှင်နီတားခံရပြီး ဘဝတက်လမ်း ဆုံးပါးရတာများပါတယ်။ တချို့ဆရာများနဲ့ အရာရှိတွေဟာ ရဲဘော်တွေကို လူလိုသဘောမထားဘဲ ကျေးကျွန်လို သဘောထားကာ ဆက်ဆံပြီး ထစ်ကနဲဆို ပုဒ်မ (၆၅) စစ်စည်းကမ်းဖောက်ဖျက်မှုဆိုတဲ့ အမြင်ကပ်ပုဒ်မနဲ့ နှိပ်ကွပ်တတ်ကြတာမို့ ရဲဘော်တွေဟာ နေ့စဉ်နှင့်အမျှ တပ်ကထွက်ပြေးနေကြတာ မဆန်းတော့ပါ။ ၂၀၀၆ ခုနှစ် စက်တင်ဘာ (၂၇) ရက်နေ့ စစ်ဆင်ရေးလေးလပတ် အစီရင်ခံစာအရ စစ်သည်ပြုန်းတီးအင်အားဟာ တပ်မတခုစာ (၇,ဝဝဝ) ဦးခန့်ရှိကြောင်း သိရှိရပါတယ်။ အခုဆိုရင် တပ်တွေမှာ ရဲဘော်တွေနည်းပြီး ဆရာတွေသာ များနေပါတယ်။

ဒီတင်ပြချက်တွေကိုကြည့်ရင် ခေတ်မီတဲ့ တပ်မတော်အဖြစ် ကမ္ဘာ့အလယ်မှာ ဂုဏ်သိက္ခာရှိရှိ ဝံ့ဝံ့ထည်ထည် ရပ်တည်နိုင်ဖို့ မြန်မာ့တပ်မတော်မှာ ပြုပြင်ပြောင်းလဲရေးတွေ လုပ်ဆောင်ဖို့ လိုအပ်နေသေးတယ်ဆိုတာ တွေ့မြင်လာကြမှာဖြစ်ပါတယ်။ စစ်အာဏာရှင်တွေက ခေတ်မီတပ်မတော်ပါလို့ ဘယ်လိုပဲ ကြွေးကြော်နေပါစေ ရဲဘော်တွေရဲ့ဘ၀ကို ထိရောက်စွာ မြှင့်တင်မပေးသရွေ့ကာလပတ်လုံး ရွှေကျောင်းပြောင်ပြောင် ၀မ်းခေါင်ခေါင်သာ ဖြစ်နေပါကြောင်း တင်ပြလိုက်ရပါတယ်။