ယနေ့ မှစ၍ ကြိုတင်မဲ ထည့်ခွင့် ရ မည် ဖြစ်၍ ကြိုတင် မဲပေး ခွင့်ရှိသည့် သူများ အား မနေ့ ညက တည်းက လှုံ့ဆော် တိုက်တွန်း သွားမည်ဟု မွန် ဒေသလုံး ဆိုင်ရာ ဒီမို ကရေစီ ပါတီက ဆိုသည်။ “ကြိုတင် မဲစည်း ရုံးဖို့ ကျွန်တော်တို့ ဒီနေ့ ညပိုင်းမှာ စဆင်း တော့မယ်၊ ညဆိုလဲ သွားရ မှာပဲ ဘာဖြစ် လို့လဲ ဆိုတော့ အချိန်လဲ မရှိတော့ ဘူး” ဟု မွန်ပါတီ ရွေးကောက်ပွဲ အောင်နိုင်ရေး ဥက္ကဌ နိုင်အောင် ချမ်းက မနေ့ က မွန် သတင်း အေဂျင်စီကို ပြောကြား ပါသည်။
မွန်ပါ တီသည် မနေ့ ညနေ ခြောက်နာ ရီက အချိန် ကစပြီး မော်လ မြိုင်မြို့ ပေါ်ရှိ မွန် လူမျိုးများ နေထိုင်ရာ ရပ်ကွက် များသို့ အဓိက ရွေး ချယ်၍ ကြိုတင်မဲ ပေးရေးတွက် စည်းရုံး နေပါသည်။
ရွေးကောက်ပွဲ ကော်မရှင်က ကြိုတင်မဲ ကောက်ခံ ရာတွင် ယှဉ်ပြိုင်မည့် ပါတီ ကိုယ်စား လှယ်နှစ် ဦးက လိုက်ပါခွင့် ရမည်ဖြစ် သော် လည်း ယင်းကိုယ်စား လှယ်များက ကြိုတင်မဲ ကောက်မည့် အိမ်ပေါ်သို့ တက်ခွင့် ရမည် မဟုတ်ပဲ အိမ်ပြင် ၌သာ စောင့်ကြည့် ခွင့်ရ မည် ဟု ကော်မရှင် ဥက္ကဌက စည်းကမ်း သတ်မှတ် ထားကြောင်း နိုင်အောင် ချမ်းက ဆိုသည်။
တစ်နိုင် ငံလုံး အတိုင်း အတာ အရ ကြားဖြတ် ရွေးကောက်ပွဲ အတွက် ကြိုတင် မဲများကို ယခုလ (၃၀) နှင့် (၃၁) ရက်နေ့ များတွင် ပေး နိုင် မည်ဟု မွန်ပြည် နယ်ရွေးကောက် ပွဲကော်မ ရှင်က လွှတ်တော် ကိုယ်စား လှယ်လောင်း များကို ပြောကြား ထားသည်။
သို့သော် မဲဆန္ဒနယ်အတွင်းရှိ ရပ်ကွက်အချို့က ခရီးသွားရန်အစီအစဉ်ရှိသူများအနေဖြင့် အဆိုပါ ရက်များ မတိုင်မီ တစ်ရက်ကြို၍ (ယ နေ့တွင်) ကြိုတင်မဲထည့်ရန် စီစဉ်သော်လည်း ကော်မရှင်က လက်မခံခဲ့ဘဲ သတ်မှတ်နေ့ရောက်မှသာ မဲထည့်ကြရန် ကော်မရှင် ဥက္ကဌက ညွန်ကြားထားခြင်း ဖြစ်သည်။
ကြိုတင်မဲကို မဲရုံသို့ လာရောက်နိုင်ခြင်း မရှိသူများ အထူးသဖြင့် တစ်ခြားဒေသ၌ သွားရောက် တာဝန်ထမ်းဆောင်နေကြရမည့် စစ်သား များ၊ ရဲသား၊ အစိုးရဝန်ထမ်းများ၊ ရောဂါကြောင့် အိပ်ယာလဲနေသူများ၊ မီးဖွားနေသူများနှင့် သက်ကြီးရွယ်အိုများအား ကော်မရှင်နှင့် ကျေး ရွာ၊ ရပ်ကွက်လူကြီးထံတွင် ရွေးကောက်ပွဲနေ့ မတိုင်ခင် မဲပေးနိုင်မည် ဖြစ်သည်။
မွန်ပြည်နယ် မော်လမြိုင် မဲဆန္ဒနယ်တွင် လစ်လပ်နေသော ပြည်သူ့လွှတ်တော်တစ်နေရာအတွက် မဲရုံ (၁၁၉) ရုံ ထားရှိပြီး မဲပေး နိုင်သူ ဦးရေ တစ်သိန်းခြောက်သောင်းကျော်ရှိသည်။
မော်လမြိုင်မြို့ရှိ ပြည်သူ့လွှတ်တော်လစ်လပ်မဲဆန္ဒနယ် အမျိုးသားဒီမိုကရေစီအဖွဲ့ချုပ် ၊ မွန်ဒေသလုံး ဆိုင်ရာဒီမိုကရေစီပါတီ၊ တိုင်းရင်း သားစည်းလုံး ညီညွှတ်ရေးပါတီနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီတို့ ဝင်ရောက်ယှဉ်ပြိုင်ကြမည်ဖြစ်သည်။
No comments:
Post a Comment