Saturday, April 7, 2012

ခြင်္သေ့၊ ဒေါင်းနဲ့ ဖယောင်းခြစ်သံ

ရန်ကုန်သားတာတေ

ဧပရယ်ဖူးလ် ကြားဖြတ် ရွေးကောက်ပွဲ ကြီးကား ခွပ်ဒေါင်း ပါတီကို အပြတ် အသတ် အနိုင်ပေး ခြင်းအားဖြင့် အရူး လုပ်လိုက် ချေပြီ။ ဝိဉာဉ် များ၏ မဲပေးသံ၊ ဖယောင်း ခြစ်သံ၊ မဲစာရင်း ထဲမပါ မဲမပေး ရ၍ ပူညံသံ တို့နှင့် ပြီးဆုံးခြင်း တိုင်လေပြီ။

အာဏာလက်ကိုင် ခြင်္သေ့ပါတီကား ခွပ်ဒေါင်းမပြိုင်နိုင်သော တနယ်မှာသာလျှင် ကပ်၍ ဘဲဥကွဲရုံ နိုင်လေသတတ်။ ခွပ်ဒေါင်းက သိမ်းကြုံး နိုင်လိုက်သဖြင့် နိုင်ငံတကာမှ (ပေါက်ဖော်ကြီးမှ အပ) ကောင်းလှေ့တည်းဟု ချီးကျူးကြလေ၏။

သို့သော် နေပူတော်၌ကား ဝမ်းသာအယ်လဲ မရှိနိုင် ဖြစ်လေသည်။ ၂၀၁၀ တွင် ခြင်္သေ့ပါတီမှ ဝင်ပြိုင်ပြီး သမ္မတများနှင့် ဝန်ကြီးဝန်ငယ်များ ပေါ်ထွက်ခဲ့ရာ သီရိ လေးပြင်လေးရပ်ဝယ် ယခုကြားဖြတ်၌ ခွက် ခွက်လန်ရှုံးရကား ခြင်္သေ့ပါတီ ခေါင်းဆောင်များ မျက်နှာ ဘယ်နားဝှက်ရမှန်းမသိ ဖြစ်နေလေသည်။

ထိုကဲ့သို့ရှိစဉ် အမှာတော်ဆင့်သဖြင့် နိုင်ငံတော် ထာဝရ အကြီးအကဲ၊ နိုင်ငံတော် သေနာပတိ (ငြိမ်း) ထံ ကေသရာဇာဟူသော ခြင်္သေ့မာန်ကို မထူနိုင်သည်ဖြစ်၍ အမြီးကုပ်သော အမူအရာနှင့် ခြင်္သေ့ပါတီ ခေါင်းခေါင်များ အခစား ဝင်ကြရလေသည်။

နိုင်ငံတော် သေနာပတိ ။ ။ မင်းတို့ တယ်ညံ့ကြပါလား … ဟင်။ သူတို့ မပြိုင်နိုင်တဲ့ နေရာကြမှပဲ မနိုင်ချင့် နိုင်ချင် နိုင်ရတယ်လို့။ မင်းတို့ပြောတော့ အကုန်နိုင်မှာပါဆို။ ၂၀၁၅ မှာ ဘယ့်နှယ့် လုပ်ကြမတုန်း။

ခြင်္သေ့ပါတီ အတွင်းရေးမူး၊ ခြင်္သေ့ပါတီ တာဝန်ချန်တို့မှာ ခေါင်းမဖောင်နိုင်ဘဲ ရှိပြီး တိရိစ္ဆာန်ရုံက ခြင်္သေ့အမြီးသာ ပြေးဆွဲလိုက်ချင်ရဲ့ဟု စိတ်ကူးပေါက်လျက်ရှိကြလေသည်။

နိုင်ငံတော် သေနာပတိ ။ ။ နေပြည်တော် လေး သီရိစလုံး ရှုံးရတယ်လို့။ မင်းတို့က သေနတ် ခါးမချိတ် တာနဲ့ တပြိုက်နက် ဘာမှ မလုပ်တတ် တော့ပါလား။ တပ်မတော် အင်အား ရှိမှ တိုင်းပြည် အင်အား ချိ မယ် … အဲလေ အင်အား ရှိမယ်ကွ။ ဟေ့ … ကာချုပ် ဗိုလ်ချုပ် ပုကလေးကို ရာထူး တိုးပေး လိုက်ကြကွာ၊ တပ်မတော် အင်အား ရှိသွားအောင်။

ခြင်္သေ့ပါတီပါတီ ခေါင်းဆောင်များ၊ ဝန်မင်းများ တယောက်မျက်နှာ တယောက်ကြည့်ရင်း ဖြေရခက်နေကြသည်။

စစ်ရာထူးခန့်ဝန်မင်း ။ ။ သူ့အထက်မှာ အဘတို့ ရာထူးတွေပဲ ရှိတော့တာ ဆိုတော့ … ဆိုတော့ …

နိုင်ငံတော် သေနာပတိ ။ ။ အာ … ဒါဖြင့် ဒု နိုင်ငံတော် သေနာပတိ ရာထူးခန့်လိုက်ကွာ။ သူက လူပုသလောက် စိတ်တိ်ု … အဲ စိတ်ပြတ်တယ်ကွ။ မင်းတို့ သမ္မတ စကားတောင် သုံးခွက် တခွက်တင် ကျို ပြီး မှ နားထောင်တာ မဟုတ်လား။

ဤသို့ဖြင့် နောက်တနေ့ အစိုးရဂေဇက် သတင်းစာဝယ် ကာချုပ်၏ အမည်ရှေ့မှ “ဒု နိုင်ငံတော် သေနာပတိ” ဟူသော ရာထူးအမည် ပါလာလေတော့သည်။ ဒု နိုင်ငံတော် သေနာပတိ ဆိုလျှင် သူ့အပေါ် က “နိုင်ငံတော် သေနာ ပတိ” က အရင် အဟောင်း ပေပဲ လားဟူ သော သို့လော သို့လော များသည် လည်း ပေါ်ပေါက် လာလေ တော့၏။

အဆက်အသွယ် ပြတ်တောက်နေသော နိုင်ငံတော် သေနာပတိ (ငြိမ်း) ထံ ဖုန်းခေါ်ရန် ဦးရုက္ခစိုး သတိရလေသည်။ ဟယ်လို … ဟယ်လို … ဟု နှစ်ဖက် အပြန်အလှန် လည်ချောင်းနာအောင် အသံစမ်း ပြီး နောက် ချင်းမိုင်နှင့် နေပူတော်တို့ အဆက်အသွယ် ရကြလေသည်။

ဦးရုက္ခစိုး ။ ။ မတွေ့တာကြာပြီပဲဗျ။ ဘယ်နှယ့်တုန်း နိုင်ငံတော် သေနာပတိရဲ့။

နိုင်ငံတော် သေနာပတိ ။ ။ ဒီကောင်တွေကို ထားခဲ့ရတာ စိတ်တယ်မဖြောင့်ပါဘူး ဦးရုက္ခစိုးရယ်။ အခု ခြင်္သေ့က ခွပ်ဒေါင်းဆိတ်တာ ခံနေရတယ်ဗျ။

ဦးရုက္ခစိုး ။ ။ လွှတ်သဘင်မှာ ခြင်္သေ့တွေ စီးထားတာပဲ နိုင်ငံတော် သေနာပတိရဲ့။ ဒီလောက်နဲ့တော့ စာမဖွဲ့လောက်ဘူး မဟုတ်လား။

ဦးရုက္ခစိုးကား နိုင်ငံတော် သေနာပတိကို သွေးတိုးစမ်းလျက် ရှိလေသည်။

နိုင်ငံတော် သေနာပတိ ။ ။ ကျုပ်လက် ထက်မှာ ၉ ဒဿမ ၉၉၉၉၉ နဲ့ နိုင်ခဲ့ သမျှ ဒင်းတို့ လက်ထက် ကျမှ ဘဲဥတောင် မကွဲချင် ကွဲချင်ဗျ။

ဦးရုက္ခစိုး ။ ။ မပူပါနဲ့ နိုင်ငံတော် သေနာ ပတိရယ်။ နေရာ ကလေး ၄၀ ကျော်ပေး လိုက်မယ့် ပြန်ရမှာ အများ ကြီးပါ။ ခုပဲ အီးယူက ဆန်ရှင်တွေ ဖြုတ်ပြီး လာဖို့ အိတ်ပြင် နေကြပြီ မဟုတ်လား။ အမေရိကန် ကလည်း လျှော့ချင် ချင်ပဲ မဟုတ်လား။

နိုင်ငံတော် သေနာပတိ ။ ။ ဦးရုက္ခစိုးရဲ့ … ပထဝီနိုင်ငံရေး၊ သမိုင်းနိုင်ငံရေး၊ အုတ်ကျင်းနိုင်ငံရေး … အဲလေ ဒါတွေက ရှိတယ်ဗျ။ ပြည်ပအားကိုး ဒေါ်လာရိုး ဖြစ်သွားမယ်။ ယွမ်လည်း မဆိုးပါဘူးဗျာ။ ပေါက်ဖော်ကြီး နဲ့ ခွာပြဲလို့ မဖြစ် ဘူးဗျ။ ဘဲလန့် လုပ်ရမယ်။ ဦးရုက္ခစိုးကား အကွက်ဆိုက်သဖြင့် သတင်းနှိုက်လေပြီ။

ဦးရုက္ခစိုး ။ ။ ဒါဖြင့် ရပ်ထားတဲ့ ဧရာဝတီ မြစ်ဆုံ ဘက်မှာ ကားတွေ တဝုန်းဝုန်း၊ ယန္တယားတွေ တဂျုန်းဂျုန်း ပြန်ကြား နေရတော့ နိုင်ငံတော် သေနာ ပတိ လက်ချက် ထင်ပါ ရဲ့ဗျာ။

နိုင်ငံတော် သေနာပတိ ။ ။ ပေါက်ဖော်ကြီးက ဘယ်လောက် ကောင်းခဲ့သလဲဗျ။ သူတို့ ချောင်းလေး မြောင်းလေး ပိတ်ချင် တူးချင်တာ တူးပါစေ။ ဦးရုက္ခစိုး … ကြည့် … ကျုပ်က နည်းနည်း မျက်နှာလွှဲတာနဲ့ ဒီမိုကရေစီ ဗန်းပြပြီးလုပ်နေကြတာ တိုင်းပြည်ဟာ ဂျောက်ထဲ ပြန်ကျတော့မယ်ဗျ။ ကြည့် … အခု။ ကျုပ်ချခဲ့တဲ့ ဖွံ့ဖြိုးရေး စီမံကိန်းတွေကို ဘတ်ဂျက်ကြောင့်ဆိုပြီး ရပ်ထားပြီ။ ကျုပ်လက်ထက်မှာ တံတား ကြီးတွေ၊ တက္ကသိုလ် ကြီးတွေ … တနိုင်ငံလုံး တပြေးညီ ဖွံ့ဖြိုး တိုးတက် စည်ပင် သာယာ ဝပြော ထွန်းကား …. “တီ … တီ … တီ … တီ”

ဖုန်းလိုင်း များရော လျှပ်စစ် မီးလိုင်း များပါ နေပူတော်တွင် ရုတ်တရက် ပျက်သွား လေပြီ။ ပြန်လည် စတင်တော့မည့် အရင် ကတည်းက မမှန်သော အလှည့်ကျ လျှပ်စစ် မီးမေး စနစ် မှားယွင်းခြင်း ဖြစ် ကောင်း ဖြစ်နိုင်သည်။

နိုင်ငံတော် သေနာ ပတိကား ဒေါသူပုန် ထလျက် လျှပ်စစ်ဝန်၊ ဆက်သွယ်ရေး ဝန်တို့ကို အော်ဟစ် ငေါက်ငန်း မည်ဟု ကြံဆဲ မှာပင် ယိုယွင်းသော ခန္ဓာကိုယ် အတ္တဘောက ဒေါသကို မလိုက်နိုင် သည်ဖြစ်၍ အမော ဖောက်လာ သဖြင့် ဆေးရုံသို့ ပို့ရလေ တော့သည်။

ဦးရုက္ခစိုးကား “သြော် … ကိုယ့်ကိုယ် ကိုယ်ဖျက် တနိုင် ငံလုံးလည်း သံချေး တက်နေပြီ။ ခုထိ မကျွတ်ရှာ သေးသည့် နိုင်ငံတော် သေနာ ပတိပေတကား” ဟု ရေရွတ်ကာ သံဝေဂ ယူနေ လေတော့ သ တည်း။

No comments: