ရှေ့တပတ် လွှတ်တော်အစည်းအဝေး NLD မတက်သေး

အောင်သက်ဝိုင်း on April 20, 2012

နိုင်ငံတော် ဖွဲ့စည်းပုံ အခြေခံဥပဒေ ခုံရုံးက ကျမ်းကျိန်လွှာတွင် စကား အသုံးအနှုန်း ပြင်ဆင်ပေးရန် အခြေအနေ မရှိသေးဟု ဆိုသဖြင့်အ မျိုးသား ဒီမိုကရေစီ အဖွဲ့ချုပ် (NLD) အမတ်များအနေဖြင့် ဧပြီ ၂၃ ရက်နေ့တွင် ကျင်းပမည့် လွှတ်တော် အစည်းအဝေး များသို့ မတက် ရောက်ရန် ရာခိုင်နှုန်း များနေ ကြောင်း သိရှိ ရသည်။

ရန်ကုန်မြို့ ရွှေဂုံတိုင်ရှိ NLD ရုံးချုပ်တွင် ယနေ့ ကျင်းပသည့် သတင်းစာရှင်းလင်းပွဲ၌ NLD ပြောခွင့်ရပုဂ္ဂိုလ် ဦးဉာဏ်ဝင်းကNLDတောင်း ဆိုထားသည့်အတိုင်း ဖွဲ့စည်းပုံ အခြေခံ ဥပဒေ တွင် “ထိန်းသိမ်း ကာ ကွယ် စောင့်ရှောက် ပါမည်” ဆိုသည့် စကားရပ် အစား “လေးစား လိုက်နာ ပါမည်” ဆိုသော စကားရပ်ကို ပြင်ဆင်ပေးရန် အခြေအနေမရှိသေးကြောင်း၊ “ထိန်းသိမ်းကာကွယ် စောင့်ရှောက်ပါမည်” ဆို သော အသုံးအနှုန်းသည် နိုင်ငံတကာတွင် အသုံးပြုသော အသုံးအနှုန်းဖြစ်ကြောင်း ဖွဲ့စည်းပုံအခြေခံဥပဒေဆိုင်ရာ ခုံရုံးက ယမန်နေ့က နေပြည်တော်တွင် ခေါ်ယူတွေ့ဆုံပြီး ပြောကြောင်း ပြောကြားသွားသည်။

“၂၃ ရက်နေ့ ကျင်းပမယ့် လွှတ်တော်အစည်းအဝေးတွေကို NLD လွှတ်တော်ကိုယ်စားလှယ်တွေ တက်ဖို့ မသေချာသေးဘူး။ ဘာကြောင့် မသေချာလဲ။ ကျနော် မနေ့က ဖွဲ့စည်းပုံအခြေခံဥပဒေဆိုင်ရာ ခုံရုံး ကိုသွားပါတယ်။ ခုံရုံးက ဖိတ်လို့။ ဖွဲ့စည်းပုံအခြေခံဥပဒေ ထိန်းသိမ်း ကာကွယ် စောင့်ရှောက် ပါမယ် ဆိုတဲ့ ကိစ္စ။ အင်္ဂလိပ် ဘာသာ ပြန်ရင် Uphold လို့သုံးတယ်။ Uphold ဆိုတဲ့ အသုံး အနှုန်းကို နိုင်ငံ တကာ မှာလည်း သုံးတယ်လို့ ပြောတယ်” ဟု ဦးဉာဏ်ဝင်းက ပြောသည်။

ရှင်းပြသည့် အချက်များတွင် သဘောမတူသည်များ ရှိ်ကြောင်း၊ သို့သော် သဘောမတူသည့် အချက်များကို ပြန်လည် မပြောခဲ့ကြောင်း၊ အဘယ့်ကြောင့်ဆိုသော် ခုံရုံးက ရှင်းပြသည်ကို နားထောင်ရန် သွား ခြင်းသာဖြစ်၍ နားထောင်ပြီး ပြန်ခဲ့ကြောင်းလည်း ဦးဉာဏ်ဝင်းက ဆက်လက်ပြောသည်။

ကျမ်းကျိန်လွှာတွင် စကားလုံးများ ပြင်ဆင်ရေး အဆင်မပြေသေးသည့်အတွက် NLD က သမ္မတရုံး၊ လွှတ်တော်နှစ်ရပ်နှင့် ဖွဲ့စည်းပုံအခြေ ခံ ဥပဒေ ခုံရုံးသို့ စာရေးသား တင်ပြရန် ရှိကြောင်း၊ ယင်းသို့ ရေး သား တင်ပြမှုနှင့် ညှိနှိုင်းများ ပြုလုပ် မည်ဖြစ်ရာ ဧပြီလ ၂၃ ရက်နေ့ လွှတ်တော် အစည်း အဝေးများသို့ တက်ရောက်ရန် အချိန်မီ လိမ့်မည် မဟုတ်ကြောင်း ၄င်းက ဆိုသည်။

“ကျနော်တို့ ပြေလည်အောင် ကြိုးစားမယ်။ နိုင်ငံရေးအကျပ်အတည်းတခု အသွင်မျိုး ဖြစ်မလာအောင် ကြိုးစားလုပ်ဆောင်သွားမယ်။ ဒေါ် အောင်ဆန်းစုကြည် အပါအ၀င် လူကြီးတွေရဲ့ ညွှန်ကြားချက်အရ ကျနော်စာတစောင် ရေးနေပါတယ်။ သက်ဆိုင်ရာတွေ ပို့ပါ့မယ်။ ၂၃ ရက်နေ့ဆိုတာက ဒီနေ့ပဲ ၂၀ ရက်နေ့ ဖြစ်နေပြီ။ စာတွေ သွားတာလာတာနဲ့ ၂၃ ရက်နေ့ လွှတ်တော်အစည်းအဝေး မီနိုင်လောက်တဲ့ အ နေအထား မတွေ့ဘူး။ မတက်ဖြစ်တဲ့ ရာခိုင်နှုန်းက များပါတယ်။ လိပ်မူမှာကတော့ ဖွဲ့စည်းပုံအခြေခံဥပဒေဆိုင်ရာ ခုံရုံး၊ သမ္မတရုံးကို ပို့မယ်။ လွှတ်တော်နှစ်ခုကို ပို့မယ်။ သဘောမတူတဲ့ အချက်တွေကိုတော့ မပြောပါရစေနဲ့။ ကျနော်တို့က သတင်းဌာနကို ပြောပြီး ဖိအား ပေးတယ် ဖြစ်မှာ စိုးလို့ပါ” ဟု ဦးဉာဏ်ဝင်းက သတင်းစာ ရှင်းလင်း ပွဲတွင် ပြောသည်။

လတ်တလောတွင် ဒေါ်အောင်ဆန်း စုကြည် အပါအဝင် NLD လွှတ်တော် ကိုယ်စားလှယ်များသည် ဖွဲ့စည်းပုံအခြေခံဥပဒေ ပြင်ဆင်ရေး အတွက် ဥပဒေပိုင်း ဆိုင်ရာ လေ့လာသည့် သင်တန်း တရပ်ကို ရုံးချုပ် တွင် ဧပြီလ ၁၉ ရက်နေ့မှ ၂၂ ရက်နေ့ အထိ ပြုလုပ်လျက်ရှိသည်။