လယ်ယာမြေနဲ့ အခြားမြေများသိမ်းဆည်းခံရမှုများနဲ့ပတ်သက်ပြီး ပြည်သူများနစ်နာမှု မရှိစေရေး အတွက် စုံစမ်းရေးကော်မရှင်က ပြည်ထောင်စုလွှတ်တော်ကို တင်သွင်းခဲ့တာပြီးတော့ ပြီးခဲ့ဇူလိုင်လ ၁၆ရက်နေ့က နေပြည်တော်မှာ ကျင်းပတဲ့ ပထမအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေးမှာ အတည်ပြုခဲ့တာဖြစ်ပါတယ်။ အဆိုကိစ္စကို လွှတ်တော်မှာ တင်သွင်းခဲ့တာနဲ့ ပတ်သက်ပြီး ပြည်သူ့လွှတ်တော်ကိုယ်စားလှယ် ဦးဖြိုးမင်းသိန်းက အခုလိုပြောပါတယ်။
“ပြည်ထောင်စုလွတ်တော်မှာ အားလုံးက သဘောတူကြပါတယ်၊ လယ်ယာစုံစမ်းရေးကော်မရှင်က စုံစမ်းနေတဲ့ အပိုင်း၁၊ အပိုင်း၂လည်း အစီရင်ခံစာထွက်ပြီးပြီ၊ ဒါပေမဲ့ ဒီစုံစမ်းစစ်ဆေးမှုနဲ့ ပတ်သက်ပြီး တော့ စုံစမ်းရေးကော်မ ရှင်ရဲ့ ဆုံးဖြတ်ချက်ဟာ သဘောထားမှတ်ချက်အနေနဲ့ ထွက်သော်ငြားလည်း ရလာဒ်တွေကို အကောင်အထည် ဖော်တဲ့နေရာမှာ အုပ်ချုပ်ရေးအာဏာပိုင်တွေက လိုက်ပါဆောင် ရွက်ပေးခြင်း မရှိတဲ့အတွက် လယ်ယာမြေစုံစမ်း ရေးကော်မရှင်ရဲ့ ဆောင်ရွက်မှုဟာ ၁နှစ်တာ ကာလ ကို ရောက်လာသော်ငြားလည်း ပြည်သူလူထုကျေနပ်အောင် မလုပ်ပေးနိုင်ဘူးဖြစ်နေတယ်၊ ဒါကြောင့် မို့ ပြည်ထောင်စုလွတ်တော်ကနေပြီးတော့ ပြည်ထောင်စုအစိုးရကို ဖွဲ့စည်းပုံအခြေခံဥပဒေနဲ့ အညီ စုံစမ်းရေးကော်မရှင်ရဲ့ ဆောင်ရွက်ချက်တွေကို လုပ်ဆောင်ပေးဖို့အတွက် အဆိုတင်သွင်းတာပါ။”
ပြည်ထောင်စုလွှတ်တော်က တရားဝင်အတည်ပြုလိုက်ပြီးဖြစ်တဲ့အတွက် တနိုင်ငံလုံးက သိမ်းဆည်း ခံထားတဲ့ လယ်ယာမြေတွေနဲ့ ပတ်သက်ပြီး ပြည်ထောင်စုအစိုးရက အရေးယူဆောင် ရွက်ပေးရမှာဖြစ်တယ်လို့ ဦးဖြိုးမင်းသိန်းက ဆက်ပြောပါတယ်။
“တနိုင်ငံလုံးအတိုင်းအတာနဲ့ သိမ်းဆည်းထားတဲ့ စစ်တပ်ဆောက်လုပ်တာ၊ မြို့ပြတိုးချဲ့တာ၊ တချိန် တုန်းက ကုမ္ပဏီတွေကနေပြီးတော့ ပြည်သူလူထုဆီက မတရားသိမ်းယူခဲ့တာ၊ အုပ်ချုပ်ရေး အာဏာ ပိုင်တွေက လယ်သမားတွေ ဆီကနေ လယ်ယာမြေတွေကို သိမ်းယူတာ၊ မြို့ပြမှာ ဂရပ်ပေါက်ထား တာတွေကို အိုးအိမ်ကနေပြီး အတင်းအဓမ္မ ခရိုနီတွေနဲ့ ပေါင်းပြီးသိမ်းတာတွေ ဒီလိုအမှုတွေ အများကြီးကို ပြည်ထောင်စုလွတ်တော်က တရားဝင်အ တည်ပြုလိုက်ပြီဖြစ်တဲ့အတွက် စုံစမ်းရေး ကော်မရှင်ရဲ့ အစီရင်ခံစာတွေကို ဖွဲ့စည်းပုံအခြေခံဥပဒေနဲ့ အညီ ပြည်ထောင်စုအစိုးရက ဆောင်ရွက် ရမှာပါ။”
ဒီသတင်းကို ရေဒီယိုသြစတြေးလျသတင်းထောက် မြတ်မိုးကပေးပို့ခဲ့တာဖြစ်ပါတယ်။
No comments:
Post a Comment