ABC
မြန်မာနိုင်ငံတော် သမ္မတ ဦးသိန်းစိန်က ဒီနှစ်မကုန်ခင် နိုင်ငံရေးအကျဉ်းသား တစ်ယောက်မှမကျန်အောင် လွတ်ပေးမယ်လို့ ပြောလိုက်ပြီးနောက် သမ္မတအနေနဲ့ စကားနဲ့မဟုတ်ပဲ လက်တွေ့လုပ်ပြရမယ်လို့ လှုပ်ရှားရေးသမားတွေက ပြောပါတယ်။
သမ္မတဦးသိန်းစိန် ဦးဆောင်တဲ့ အစိုးရဟာ နိုင်ငံတကာ ထောက်ပံ့ကူညီမှုတွေ၊ နိုင်ငံခြားရင်းနှီးမြုပ်နှံမှု ရရှိဖို့အတွက် ခုလို နိုင်ငံရေးအကျဉ်းသားတွေကို လွတ်ပေးမယ်လို့ ဘန်းပြပြီး လုပ်ဆောင်လေ့ရှိတယ်လို့ စွပ်စွဲနေကြပါတယ်။
နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP က ကိုဘိုကြည်က သမ္မတ ဦးသိန်းစိန်ဟာ နာမည်ကောင်းရဖို့ လုပ်ဆောင်တဲ့ PR (Public Relation) စနစ်ကောင်းရှိတဲ့အကြောင်း သမ္မတဦးသိန်းစိန်အနေနဲ့ စကားနဲ့မဟုတ်ပဲ လက်တွေ့နဲ့ သက်သေပြဖို့ လိုတယ်လို့ အေအက်ဖ်ပီသတင်းကို ပြောလိုက်ပါတယ်။
မြန်မာနိုင်ငံအကျဉ်းထောင်တွေမှာ နိုင်ငံရေးအကျဉ်းသား အယောက်ပေါင်း ၁၅၀ လောက် ကျန်ရှိနေသေးတယ်လို့လည်း ဆိုပါတယ်။
ဒီနှစ်မကုန်ခင် နိုင်ငံရေးအကျဉ်းသား အားလုံးကို လွှတ်ပေးမယ်လို့ ပြောနေပေမယ့် ဒါဟာ ဖြစ်နိုင်ခြေနည်းတဲ့အကြောင်း ခုလောလောဆယ် နိုင်ငံရေးလှုပ်ရှားသူ ဖမ်းဆီးခံရမှုတွေ ရှိနေပြီး ဆန္ဒပြခွင့်မရပဲ ဆန္ဒပြကြသူတွေလည်း ဖမ်းဆီးခံနေရတုန်းပဲလို့ ပြောပါတယ်။
အမျိုးသားဒီမိုကရေစီအဖွဲ့ချုပ် NLD ကလည်း မြန်မာနိုင်ငံအကျဉ်းထောင်တွေမှာ နိုင်ငံရေးအကျဉ်းသား အယောက် ၁၀၀ လောက် ရှိဦးမယ်လို့ ပြောပြီး သမ္မတက အားလုံးကို လွှတ်ပေးမယ်လို့ ပြောလိုက်တဲ့အပေါ် ကြိုဆိုကြောင်း အဖွဲ့ရဲ့ ပြောခွင့်ရပုဂ္ဂိုလ် ဦးဥာဏ်ဝင်းက ပြောပါတယ်။
No comments:
Post a Comment