ABC
ဖွဲ့စည်းပုံအခြေခံဥပဒေ လေ့လာသုံးသပ်ရေး ပူးပေါင်းကော်မတီအဖွဲ့ ဝင် ၁၀၉ ဦးနဲ့ ဖွဲ့လိုက်တဲ့ အကြောင်း အဲဒီအထဲမှာ ပြည်ခိုင်ဖြိုးပါတီက ကိုယ်စားလှယ် ၅၀ကျော် နဲ့ အမျိုးသားဒီမိုကရေစီ အဖွဲ့ချုပ်က ၇ယောက် ပါဝင်တယ်လို့ သိရပါတယ်။
လွှတ်တော်က အတည်ပြုထားပြီးဖြစ်တဲ့ ၀က်လက်မြို့နယ်ပြည်သူ့ လွှတ်တော်ကိုယ်စားလှယ် သူရဦးအေးမြင့် အဆိုတင်သွင်းမှုရဲ့ ပထမဆုံးခြေလှမ်း ဖြစ်တယ်လို့ ဆိုပါတယ်။
ဖွဲ့စည်းပုံအခြေခံ ဥပဒေလေ့လာရေး ပူးပေါင်း ကော်မတီမှာပါတဲ့ လွှတ်တော်ကိုယ်စားလှယ် စာရင်းတွေနဲ့ ပတ်သက်ပြီး အမျိုးသားဒီမိုကရေစီအဖွဲ့ချုပ် ပြည်သူ့လွတ်တော်ကိုယ်စားလှယ် ဦးအောင်ကြည် ညွှန့်က အခုလိုပြောပါတယ်။
“၁၀၉ ဦး ပါဗျာ၊ ပြည်ခိုင်ဖြိုးပါတီက ကိုယ်စားလှယ် ၅၀ကျော်ပါတယ်ဗျာ၊ အမျိုးသားဒီမိုကရေစီ အဖွဲ့ချုပ်က ၇ယောက်ရတယ်၊ ကျန်တဲ့တိုင်းရင်းသား လူမျိုးစုပါတီတွေနဲ့ တသီးပုဂ္ဂလတွေက သူ့ပါတီ လွှတ်တော်ကိုယ်စားလှယ်ရတဲ့ အရေအတွက် အချိုးအစားတွေအပေါ်မှာ မူတည်ပြီးတော့ ညှိနှိုင်းပြီးတော့ ကိုတာခွဲပြီးတော့ ဆွဲတာဖြစ်ပါတယ်။ တသီးပုဂ္ဂလက ၃ယောက်က သူတို့ကိုယ်တိုင်ပဲ အမည်စာရင်းသွင်းတဲ့အတွက် မူလ ၁၀၇ ယောက် ရာထားတဲ့ နေရာကနေပြီးတော့ အခု ၁၀၉ယောက် ရာထားဖပြီးကြေညာပါတယ်၊ မူကြမ်းဖြစ်ပါတယ်။”
လွှတ်တော်အစည်းအဝေးဟာ ဇူလိုင်လ ၂၃ရက်နေ့မှ ပြန်လည်စတင်မှာ ဖြစ်တယ်လို့ ရေဒီယို သြစတြေးလျ သတင်းထောက်မြတ်မိုးက သတင်းပေးပို့ခဲ့ပါတယ်။
No comments:
Post a Comment