ဒီမူကြမ်း ကိုလည်း လာမယ့် နိုဝင်ဘာလ ၂၅ ရက် နောက်ပိုင်းမှာ တိုင်းရင်းသား အဖွဲ့အစည်းတွေ အားလုံး ညှိနှိုင်း ဆွေးနွေးပြီး စတင် ရေးဆွဲသွားမှာ ဖြစ်တယ်လို့ ဆိုပါတယ်။
ပြီးခဲ့တဲ့ ဆွေးနွေး ပွဲတုန်းက ကန့်သတ် ခံရတဲ့ ပြည်ထောင်စု တပ်မတော် ဖွဲ့စည်းရေးနဲ့ နိုင်ငံတော် ဖွဲ့စည်းပုံ အခြေခံ ဥပဒေ ပြန်လည် ပြုပြင်ရေး အချက်တွေကို ဒုတိယ အကြိမ်ပြုလုပ်မယ့် ဒီဇင်ဘာလ ဆွေးနွေးပွဲမှာ ထည့်သွင်း ဆွေးနွေးသွားမှာ ဖြစ်တယ်လို့လည်း သိရပါတယ်။
အခုလို ငြိမ်းချမ်းရေး အတွက် နှစ်ဖက် ဆောင်ရွက် နေတဲ့အချိန်မှာပဲ ကချင်ပြည်နယ် မန်စီမြို့နယ်တွင်းမှာ အစိုးရနဲ့ KIA တို့ တိုက်ပွဲတွေ ဖြစ်ပွားနေတာနဲ့ ပတ်သက်ပြီး တိုက်ပွဲ ထိတွေ့မှု အတက်နိုင်ဆုံး လျော့ချဖို့ ကြိုးစား သွားမယ်လို့လည်း ဗိုလ်ချုပ် ဂွမ်မော်က ဆက်ပြောပါတယ်။
နောက်ပြီး လက်ရှိဖြစ်ပွားနေတဲ့ ကချင်ဒေသက စစ်ပွဲတွေကြောင့် တပြည်လုံး ငြိမ်းချမ်းရေး အစီအစဉ်ကို အထိအခိုက်ခံမှာ မဟုတ်ဘူးလို့ ရန်ကုန်ကိုရောက်ရှိနေတဲ့ ကချင်လွတ်မြောက်ရေး တပ်မတော် KIA ရဲ့ ဒုတိယ စစ်ဦးစီးချုပ် ဗိုလ်ချုပ် ဂွမ်မော် ပြောကြားလိုက်ပါတယ်။
တစ်ဆက် တည်းမှာပဲ မနေ့က နေလည်ပိုင်းမှာ အစိုးရရဲ့ ငြိမ်းချမ်းရေး ဖော်ဆောင်ရေး လုပ်ငန်း ကော်မတီက ပြည်ထောင်စု ဝန်ကြီး ဦးအောင်မင်းတို့နဲ့ အပစ် အခတ် ရပ်စဲရေး မူကြမ်း ကိစ္စကို အလွတ် သဘော တွေ့ဆုံခဲ့တယ် လို့လည်း သိရပါတယ်။
ကချင် လွတ်မြောက်ရေး တပ်မတော်က ဗိုလ်ချုပ် ဂွမ်မော် အပါအဝင် KIA ဘက်က ငြိမ်းချမ်းရေး အကျိုးဆောင်တွေဟာ အပစ် အခတ် ရပ်စဲရေး မူကြမ်းနဲ့ ပတ်သက်ပြီး UNFC က တာဝန် ရှိသူတွေနဲ့ ချင်းမိုင်မြို့ကို သွားရောက်တွေ့ဆုံဖို့ အတွက် မနေ့တုန်းက ရန်ကုန်မြို့ကို ရောက်ရှိ နေတာဖြစ်ပြီး နိုဝင်ဘာလ ၂၁ ရက်နေ့မှာတော့ ချင်းမိုင်ကို ထွက်ခွါမှာ ဖြစ်ပါတယ်။
ဒီကနေ့ မှာတော့ ဗိုလ်ချုပ်ဂွမ်မော်နဲ့ ရန်ကုန် အခြေစိုက် ကချင်လူ့မှု အဖွဲ့အစည်းတွေ တွေ့ဆုံဖို့ရှိပါတယ်။
ဒီသတင်းကို ရန်ကုန်အခြေစိုက် ရေဒီယို သြစတြေးလျ သတင်းထောက် စူးရှက သတင်းပေးပို့ထားတာ ဖြစ်ပါတယ်။
No comments:
Post a Comment