အားမီ။
ထိုင်းနိုင်ငံ မြောက်ပိုင်း၊ ချင်းမိုင်မြို့ ရှိ နာမည်ကြီး Night Bazaar ခေါ် ညဈေးတွင် နိုင်ငံခြားသားများ လာရောက် လည်ပတ်မှု နည်းပါး သဖြင့် ယင်းဈေးမှ မြန်မာ အလုပ် သမားများ ယခု လဆန်းပိုင်း မှစတင်ကာ အလုပ် လက်မဲ့ဖြစ်သူ များပြား လာသည်။
ညဈေးထဲတွင် ၄ နှစ်ကြာအလုပ်လုပ်နေသော မြန်မာရွှေ့ပြောင်းအလုပ်သမားတဦးမှာ ယခုလဆန်းပိုင်းတွင် စ တင်ကြုံတွေ့ရသော ပြဿနာအား ယခုလိုပြောပြသည်။
“ဒီလ ၁ ရက်နေ့ကနေစတာပေါ့ဗျာ။ လစာမရှိတော့ဘူး။ သူဌေးနဲ့တယောက်တဝက် ပေါ့နော်။ အခုချိန် မှာတော့ လုံးဝအဆင်မပြေဘူးဆိုတော့နော် သူဌေးလဲသူ့အတွက် အဆင်မပြေဘူးလေ။ ဘယ်သူ့အ တွက်မှ သိပ်အဆင်မပြေဘူးလေ၊ နားလည်မှုနဲ့ သည်းခံပြီးတော့ တယောက်နဲ့တယောက် ဆက်လုပ်နေ ကြတာလေ။”
လက်ရှိညဈေးတွင် အလုပ်လုပ်နေသော မြန်မာအလုပ်သမားများသည် အလုပ်ပြုတ်ခံရခြင်း၊ လစာအလျော့ခံရ ခြင်း၊ လစာဆိုင်းငံ့ခံရခြင်း အခက်အခဲများ ကြုံတွေ့နေကြရသည်။
အချို့ အလုပ်ရှင်များက ရောင်းရသည့်ပစ္စည်းအပေါ် အမြတ်ငွေများကိုတယောက်တဝက်ယူပြီး ရောင်းနေရသော အလုပ်သမားများရှိသလို အချို့မှာ လုပ်အားခလျော့ခံရသည်ဟု နာရီဆိုင်တွင်အလုပ်လုပ်နေသူ ကိုအားခေါင်က ပြောသည်။
“ကျနော် သူဌေးဆီမှာက မြန်မာအလုပ်သမား ၃ ယောက်ရှိတယ်။ တယောက်ကိုတော့ အလုပ်ဖြုတ် တယ်။ ကျနော် ကိုတော့ ရာခိုင်နှုန်းပေးနေတာမပေးတော့ဘူး။ လစာကလည်း ၅၀၀ လျော့လိုက်တယ် လေ။”
ယခင်က ပစ္စည်းများ ရောင်းအားကောင်းခဲ့ပြီး ယခု ဈေးဦးပေါက်ရန်ပင်မနည်း ကြိုးစား ရောင်းနေရသည့် အခြေ အနေမျိုးဖြစ်သဖြင့် သူဌေးများမှာ အလုပ်သမားမငှားတော့ဘဲ ကိုယ်တိုင်ရောင်းနေသည်ဟု ၎င်းကဆက်ပြော သည်။
“သူဌေးတွေက ဈေးမရောင်းကောင်းတော့ သူတို့ကိုယ်တိုင် ရောင်းတာလည်းရှိတယ်။ ဆိုင်ပိတ်လိုက် တာလည်း ရှိတယ်။ ဈေးရောင်းမကောင်းတော့ အလုပ်သမားမငှားတော့ဘူး။ ဧည့်သည်ကမရှိဘူးလေ။ ရှိနေတဲ့ ဧည့်သည်ကလည်း ဈေးမဝယ်ဘူးလေ။ အရင်တုန်းက ဆိုရင်တော့ ရောင်းရတာပေါ့ဗျာ။ ဒါ ပေမယ့် အခုဟာက ဈေးဦးပေါက်ဖို့တောင် တော်တော်လေးခက်တာ မနည်းကြိုးစားရောင်းရတာ လေ။”
အခြားအလုပ်သမားတဦးက နေထိုင်ရန် အခန်းခပေးရန်ပင် အခက်ကြုံနေရသဖြင့် အိမ်ပြန် ရန်သာရှိတော့ ကြောင်း ယခုလိုပြောသည်။
“ဈေးရောင်းမကောင်းတော့။ သူဌေးကိုနားလည်ပေးရတာပေါ့နော်။ အလုပ်သမားတွေ ကလည်း ခက် ကုန်တယ်လေ။ အခန်းခအတွက်လိုက်ချေးနေရတယ်။ ဒီလိုပဲသာဖြစ်နေမယ် ဆိုရင်တော့ အလုပ် ပြောင်းရှာ၊ ဒါမှမဟုတ် အိမ်ပြန်ရမလိုတောင်ဖြစ်နေတယ်။ တလ၊ နှစ်လတော့ စောင့်ကြည့်ပြီး ဘာ လုပ်ရမယ်ဆိုတာဆုံးဖြတ်မယ်။ လောလောဆယ်တော့ စုထားတာလေးနဲ့စားရုံပေါ့။”
ယခုလို ရောင်းအားကျသွားခြင်းသည် ထိုင်းနိုင်ငံရေးအခြေအနေကြောင့်ဖြစ်သည်ဟု ညဈေးထဲတွင် ကိုယ်ပိုင်ဆိ်ုင် ဖွင့်ထားသော မြန်မာအလုပ်သမားတဦးဖြစ်သည့် မနားနား က ယခုလိုပြောသည်။
“တော်တော်ကိုဆိုးတယ်။ ဧည့်သည်မှမလာတာ၊ ပုံမှန်ဆိုရင် ဒီရာသီက နိုင်ငံခြားသား ရှိတဲ့ရာသီပဲလေ၊ ဒါပေမယ့် ဒီနှစ်တော့မရှိဘူး။ ဒါပေမယ့် နိုင်ငံရေးအခြေနေကောင်းသွား ရင်တော့ ဧည့်သည်လာမှာပါ။ ထိုင်းနိုင်ငံကတော့လာဖို့ကို နိုင်ငံတကာကကြိုက်တယ်လေနော်။ဒါကတော့ နိုင်ငံရေးအခြေနေကြောင့် ပဲ လေ။”
ယခုနှစ် မတ်လ ၁၂ ရက်မှ မေလ ၁၉ ရက်နေ့ထိ ၂ လကျော်ကြာ ဆန္ဒုပြခဲ့သော ရှပ်အင်္ကျီ အနီနှင့် ထိုင်းအစိုးရ ကြားဖြစ်ပွားသည့် ပြဿနာကြောင့် နိုင်ငံခြားသား ခရီးသွားဧည့်သည် များ အလာနည်းပါးခဲ့သည်။
ပြီးခဲ့သည့်လအတွင်းက ညမထွက်ရအမိန့်ထုတ်ပြန်ခဲ့သောကြောင့် ဆိုင်ဖွင့်ချိန်၊ ပိတ်ချိန်များ အပြောင်းလဲရှိခဲ့ပြီး ယခုလဆန်းပိုင်းတွင်မူ ညဈေးတွင်အလုပ်လုပ်ကိုင်နေသော မြန်မာအလုပ်သမားများမှာ အလုပ်လက်မဲ့ ဖြစ်ကြ ရသည်။
ချင်းမိုင်ညဈေးတွင် လုပ်လုပ်ကိုင်နေသော မြန်မာရွှေ့ပြောင်းအလုပ်သမားဦးရေမှာ ၂၀၀ ကျော်ခန့် ရှိသည်။
No comments:
Post a Comment