နယ်ခြားစောင့်တပ် ငြင်းဆန်နေသည့် သျှမ်းပြည်တပ်မတော် (မြောက်ပိုင်း) လက်အောက်ခံ ဗိုလ်ချုပ်ပန်ဖ ဦးစီး သော တပ်မဟာ ၁ တပ်ဖွဲ့ နှင့် နအဖစစ်တပ်တို့ကြား ယမန်နေ့ ညနေ ၄ နာရီခန့်က သီပေါမြို့နယ် နမ့်မကျန်း ဒေသတွင် တိုက်ပွဲစတင်ဖြစ်ပွားခဲ့ရာ သျှမ်းတပ်မှ တစ်ဦးဒဏ်ရာရရှိခဲ့ကြောင်း သိရသည်။မိုင်းရူးမြို့နယ်အတွင်းရှိ တပ်မဟာ ၁ ၀မ်ဟိုင်းဋ္ဌာနချုပ်အား နအဖ တပ်မ ၅၅ လက်အောက်ခံတပ်များ စက်တင်္ဘာလဆန်း ကတည်းက ၀န်းရံပိတ်ဆို့ထားရာ မကြာမီ စစ်ဖြစ်လာတော့မည်ဟု တပ်မဟာ ၁ က ကြိုတင်တွက်ဆနေချိန်တွင်နှစ်ဘက် တိုက်ပွဲဖြစ်ပွားလာခြင်း ဖြစ်သည်။
ဖုန်းလှိုင်းအခက်အခဲကြောင့် တိုက်ပွဲအခြေအနေ အသေးစိတ်အား တင်ပြရန် အခက်အခဲရှိသော်လည်း ယခု တိုက်ပွဲ ဖြစ်ပွားမှု သတင်းမှန်ကန်ကြောင်း တပ်မဟာ ၁ က သျှမ်းသံတော်ဆင့်သို့ အတည်ပြုပြောဆိုသည်။
“မနေ့က ညနေ ၃ နာရီ ၅၀ လောက်မှာ တိုက်ပွဲစဖြစ်တယ် သီပေါမြို့နယ်ထဲမှာပဲ ရန်သူဘက်က အကျအဆုံး မသိရသေး ဘူး ကျနော်တို့ဘက်က တစ်ယောက် ဒဏ်ရာရတယ်” ဟု တပ်မဟာ ၁ မှ အရာရှိတစ်ဦးက ပြောသည်။
ယခုအခြေအနေ မတိုင်မီကတည်းက အပစ်ရပ်လက်နက်ကိုင် အဖွဲ့နယ်မြေများအတွင်း နအဖစစ်တပ်လှုပ်ရှားမှု များ သိသိသာသာတွေ့မြင်လာရပြီး ယခုအခါနှစ်ဘက်စစ်ရေးလှုပ်ရှားမှုများ ပိုမိုပြင်းထန်လာကြောင်းသိရသည်။
စက်တင်္ဘာလ ၁၂ ရက်က သျှမ်းပြည် (မြောက်ပိုင်း) ကျောက်မဲမြို့ အခြေဆိုက် နအဖ စကခ ၁ လက်အောက်ခံ နည်းဗျူဟာတစ်ခုအား အပစ်ရပ် ဝ နယ်မြေအနီးသို့ စေလွတ်ထားသည့်အပြင် ရမခနယ်မြေအတွင်းရှိ နအဖ တပ် အားလုံးတိုက်ပွဲဝင် အသင့်ဖြစ်စေရေး စစ်ရုံးချုပ်က ညွန်ကြားချက်ထုတ်ထားကြောင်း သိရသည်။
No comments:
Post a Comment