ပြီးခဲ့သည့်ရက်ပိုင်းတွင် မြန်မာစစ်တပ်ထံလက်နက်ချခဲ့သည့် မွန်လက်နက်ကိုင် နိုင်ဗင်းအဖွဲ့အတွက် အိမ်ယာ များနှင့် မိသားစု ထောက် ပံ့ ငွေများပေးအပ်ရန် ဒေသခံများထံမှ မြန်မာအာဏာပိုင်တို့က ငွေကြေးကောက်ခံနေ သည်။
မွန်ပြည်နယ်၊ ရေးမြို့နယ်တောင်းပိုင်း၊ ခေါ်ဇာမြို့နယ်ခွဲလက်အောက်ရှိ ကျေးရွာအုပ်စုတစ်စုလျှင် တစ်လလျှင် ငွေကျပ်သုံးသိန်း၊ ဆန် ဆယ်အိတ်၊ စားအုန်းဆီတစ်ပုံးထောက်ပံ့ရန် မြို့နယ်အုပ်ချုပ်ရေးမှ ကျေးရွာများသို့ ညွှန်ကြားထားကြောင်း ၄င်းအစည်းအဝေးသို့ တက် ရောက်ခဲ့သူ အမည်မဖေါ်လိုသော ကျေးရွာအုပ်ချုပ်မှူး တစ်ဦးက ပြောသည်။
“ခေါဇာမြို့နယ်ခွဲ ကနေ တစ်လငွေ ၁၈ သိန်း၊ ဆန်အိတ် ၆၀၊ ဆီ ၆ ပုံးကို ၃ လစာအတွက်ထောက်ပံ့ပေးဖို့ မြို့နယ်အာဏာပိုင်တွေပြော ထားတဲ့သတင်း ကျနော်တို့သိထားတယ်” ဟု မွန်ပြည်သစ်ပါတီ၊ ထားဝယ်ခရိုင် ဥက္ကဌ နိုင်ဗညားလယ်က အတည်ပြုပြောကြားသည်။
ခေါ်ဇာမြို့နယ်ခွဲလက်အောက်တွင် ကျေးရွာအုပ်စု(၆)အုပ်စုရှိပြီး စုစုပေါင်းအိမ်ခြေနှစ်ထောင်ဝန်းကျင် ရှိသည်ဟု ခန့်မှန်းကြသည်။
၎င်းလက်နက်ချသူများနေထိုင်ရန်အတွက် ခေါ်ဇာမြို့အနီးရှိ ရွှေဟင်္သာရွာသစ်တွင် အိမ် ၃၀ လုံးဆောက်လုပ်ရန် နှင့် စိုက်ပျိုး ခြံများ အ တွက် မြို့နယ်အာဏာပိုင်တို့မှမြေနေရာချပေးခဲ့ပြီး ဖြစ်သည်။
တစ်အိမ်လျှင်ဆန်လေးဗူး၊ ငွေကျပ် ၂၅၀၀ နှင့် ဝါးအလုံး၂၀ တို့ ရွှေင်္ဟသာ(ပေါ့ထော) ရွာသစ်ရှိ လက်နက်ချများ အတွက် အိမ်ဆောက် မည့်နေရာအရောက် ပေးပို့ရမည်ဖြစ်ကြောင်း မိမိတို့အုပ်ချုပ်ရေးမှူးက ၄င်းတို့ကိုညွှန်ကြား ခဲ့သည်ဟု ခေါ်ဇာမြို့ပေါ်နေ အမည် မဖော်လို သည့် အမျိုးသမီးတစ်ဦးက ပြောသည်။
၎င်းက “အိမ်တိုင်း မဖြစ်မနေအထောက်ပံ့ပေးရမယ်လို့ ပြောထားတယ်၊ တစ်ချို့ရွာတွေက ဝါးလုံးတွေ သွားပို့နေကြပြီ၊ ငွေလည်း ထည့် ပေး နေကြပြီ” ဟု ပြောသည်။
၁၉၉၅ ခုနှစ်နောက်ပိုင်း မွန်ပြည်သစ်ပါတီ ယခင်အပစ်ရပ်စဲထားသည့်ကာလများတွင် မွန်ပြည်နယ် ရေးမြို့နယ် တောင်းပိုင်းနှင့် ဆက်စပ် နေ သည့် တနင်္သာရီတိုင်း၊ ရေဖြူမြို့နယ်တို့တွင် အစိုးရစစ်တပ်၏ လယ်ယာခြံမြေ သိမ်းပိုက်မှုနှင့် ဖိနှိပ်မှုဒဏ်များမခံနိုင်သည့် ဒေသခံ များက မြန်မာအစိုးရစစ်တပ်တို့ကို ခုခံတိုက်ခိုက်ခဲ့သည့် မွန်လက်နက်ကိုင်များအနက် နိုင်ဗင်းအဖွဲ့လည်း အပါအဝင်ဖြစ်သည်။
ပြီးခဲ့သည့် မတ်လ ၆ ရက်နေ့ နံနက် ၉ နာရီခွဲတွင် နိုင်ဗင်းအဖွဲ့လက်နက်ချအခမ်းအနားကို ခေါ်ဇာမြို့နယ်ခွဲရှိ အမှတ် (၃၁) ခြေလျင် တပ် ရင်း၌ ကျင်းပပြုလုပ်ခဲ့ရာ ၎င်းတို့အတွက် ဆန်၊ ဆီနှင့် ငွေများ ထောက်ပံ့ပေးအပ်ခဲ့ ကြောင်း ပြည်တွင်းသတင်းဂျာနယ်တစ်ခုတွင် တွေ့ရှိရသည်။
အရှေ့တောင်တိုင်း စစ်ဌာနချုပ်နယ်မြေအတွင်း ဖေဖော်ဝါရီ ၂၈ ရက်က မွန်(ခွဲထွက်) ဓားပြအဖွဲ့မှနိုင်ဘင်းခေါင်း ဆောင်သော အင်အား ခြောက်ဦးသည် အမ်-၂၀ ပစ္စတိုတစ်လက်၊ ၄င်းကျည် ၁၀ တောင့်တို့ဖြင့်လည်းကောင်း၊ မတ် ၅ ရက်က အဆိုပါအဖွဲ့မှ နိုင်မွန်ချမ်း ခေါင်း ဆောင်သော အင်အား ၁၀ ဦးသည် အာရ်ပီဂျီ တစ်လက်၊ လက်နယ်ငယ်မျိုးစုံ ၁၀ လက်၊ ကျည်မျိုးစုံ ၁၆၂ တောင့်၊ အာရ်ပီဂျီ ဗုံးသီး သုံး လုံး၊ ပို့ကျည် ၂ တောင့်၊ ကျည်အိမ် မျိုးစုံ ရ ခု၊ ရှေ့ထွက်မိုင်း ၂ လုံး၊ လမ်းလျှောက်စကားပြောစက် ၃ လုံးတို့ဖြင့် လည်းကောင်း အသီး သီး လက် နက်နှင့် ငြိမ်းချမ်းရေး လဲလှယ်ဝင်ရောက်ခဲ့ကြကြောင်း ၂၀၁၂ ခုနှစ် မတ်လ ၁၂ ရက်နေ့ထုတ် ကြေးမုံနှင့် မြဝတီသတင်းစာတို့တွင် ဖော်ပြခဲ့သည်။
လက်ရှိတွင် အခြားမွန်လက်နက်ကိုင်အဖွဲ့များဖြစ်ကြသည့် တနင်္သာရီတိုင်း ရေဖြူမြို့နယ်အနီးတဝိုက်တွင် အလွန်နှင့်အစောင်းအဖွဲ့၊ မြိတ်ဒေသအနီးတဝိုက်တွင် ဟံသာဝတီပြန်လည်ထူထောင်ရေးပါတီအဖွဲ့၊ မွန်ပြည်နယ် သံဖြူဇရပ်နှင့်မုဒုံမြို့နယ်အနီးတဝိုက်တွင် ကိုယ် ရင်သန်းလွင်အဖွဲ့နှင့် ဘုရားသုံးဆူနယ်စပ် အနီးတဝိုက်တွင် အထွန်း(အောင်ထွန်း)အဖွဲ့တို့ လှုပ်ရှားလျှက်ရှိသည်။
No comments:
Post a Comment