သံဖြူ ဇရပ်- ဘုရား သုံးဆူ မော်တော် ကားလမ်း တလျှောက်တွင် လက် နက်ကိုင် အဖွဲ့ များမှ ဝါးတား ဂိတ်များ ချထားပြီး ဂိတ်ကြေး အကောက် ကြမ်း လာသဖြင့် မော်တော် ကား သမားများ တွက်ခြေ မကိုက် ဖြစ်နေ ကြကြောင်း ဆယ်ဘီး ကားသမား ကိုအောင်နိုင်က ပြောသည်။သံဖြူ ဇရပ်မှ ဘုရား သုံးဆူ အထိ မိုင် ၆၀ ကျော်ရှိ မော်တော်ကား လမ်းတ လျှောက်တွင် ဝါးတားဂိတ် ၂၅ ဝန်း ကျင်ခန့် ရှိသည်ဟု မော် တော်ကား သ မား များက ပြောဆို နေကြ သည်။
“ကျနော့်လို ၁၀ ဘီးကား တစ်စီး သံဖြူ ဇရပ်မြို့ အထွက် အဖွဲ့စုံ ဂိတ်ကို ကျပ်သုံးသောင်း၊ ရေး-ဘုရား သုံးဆူ လမ်းခွဲ စစ်တပ် ဂိတ်ကို ကျပ်ခု နှစ် ထောင်၊ အပလုံ - မြိုင်သာယာ ကေအဲန် ယူဂိတ် ကျပ်ရှစ်သောင်း၊ တားဒိန် မွန်ဂိတ် ကျပ်နှစ်သောင်း၊ ချောင်းဆုံ အဖွဲ့ စုံဂိတ် ကျပ်ခြောက် သောင်း၊ ဒီကေ ဘီအေ သုံးသောင်း၊ သရက်ပင်ငြိမ်းချမ်းရေး ကောင်စီ ကျပ်နှစ် သောင်း၊ မြို့အဝင် မော်တော် ယာဉ်ဂိတ် ကျပ်သုံး သောင်း ကျန်တဲ့ အခြား ဂိတ်တွေ အပါ အဝင် အားလုံး စုစုပေါင်း ဂိတ်ကြေး သက်သက် ငွေ ၆ သိန်း ကျော်ပေး လိုက်ရတယ်” ဟု ကိုအောင်နိုင်က ဆက်ပြော သည်။
ထို့အတူ လူစီးမော်တော်ယာဉ်များတွင်လည်း ခရီးသည်တစ်ဦးအတွက် ကျပ်တစ်ထောင်ကောက်ခံနေသည့် ဝါးတား ဂိတ်များ လည်းရှိ နေသည်ဟု ကားသမားနိုင်မင်းက ပြောသည်။
“ကျနော်တို့ခရီးသည်တင် မော်တော်ယာဉ်တွေလည်း တွက်ခြေမကိုက်တော့ပါဘူး၊ ဂိတ်တွေကအကောက်ကြမ်းလာတယ်၊ ဈေးဆစ် ရင် လည်း ပစ္စည်းတွေဆွဲချတာတွေလုပ်သေးတယ်” ဟု နိုင်မင်းက ဆက်ပြောသည်။
သံဖြူဇရပ်-ဘုရားသုံးဆူမော်တော်ကားလမ်းတွင် လက်ရှိကာလ၌ သာမန်ခရီးသည်တစ်ဦးအတွက် ကားခ မြန်မာ ကျပ်ငွေ သုံးသောင်းခွဲ ဝန်းကျင်ဖြစ်နေသည်။
ဂိတ်များပြားလာသဖြင့် သံဖြူဇရပ်နှင့် ဘုရားသုံးဆူမြို့အဝင်အနီးတဝိုက်တွင် ဂိတ်များကိုပတ်ရှောင်ပြီး သွားလာ နေသည့် မော်တော် ယာဉ်များလည်း ရှိနေသည်ဟု သိရသည်။
“ဆယ်ဘီးကားတစ်စီးမှာ ကုန်ပစ္စည်းတင်ခ ၁၂ သိန်းလောက်ရတယ်၊ ဂိတ်ကြေး၊ စက်သုံးဆီဖိုးတွေနှုတ်လိုက်ရင် မော်တော်ကား ဒရိုင် ဘာ၊ စပယ်ယာ၊ အုံနာကြေးအတွက် ငွေသုံးသိန်းလောက်ပဲကျန်တော့တယ်၊ ကားပြင်ဆင်စရိတ်တွေမပါဘူးနော်” ဟု ကိုအောင်နိုင်က ပြောသည်။
ကုန်တင်ကားများအပြင် ခရီးသည်တင်ယာဉ်ဟိုင်းလတ်ထရပ်ကား ရ၀ စီးခန့် သံဖြူဇရပ်-ဘုရားသုံးဆူကားလမ်းတွင် လက်ရှိ ပြေးဆွဲ နေ ကြောင်း ဘုရားသုံးဆူမထသမှ တာဝန်ရှိသူတစ်ဦး ပြောကြားချက်အရသိရသည်။
သံဖြူဇရပ်-ဘုရားသုံးဆူမော်တော်ကားလမ်းပေါ်ရှိ လက်နက်ကိုင်ဂိတ်များမှာ အစိုးရစစ်တပ်၊ ရဲ၊ ပြည်သူ့စစ်၊ နယ်ခြားစောင့်တပ်နှင့် အစိုး ရနှင့်အပစ်ရပ်စဲထားသော ဒီကေဘီအေ၊ ကေအဲန်ယူ၊ ကရင်ငြိမ်းချမ်းရေးကောင်စီ၊ မွန်ပြည်သစ်ပါတီတပ်ဖွဲ့ဝင်များ ဖြစ်ကြသည်။
ဘုရားသုံးဆူမြို့မှ သံဖြူဇရပ်အကြား ဝါးတားဂိတ်များ
၁။ဌာနဆိုင်ရာအဖွဲ့စုံစစ်ဆေးရေးဂိတ်(သုံးဆူအဝေးပြေးကားဝင်း)
၂။ ဒီကေဘီအေ (ရွာသစ်)
၃။ နယ်ခြားစောင့် (၁၀၂၃)
၎။ နဂါးမောက်တောင်ခြေအမြှောက်တပ်၊
၅။ နယ်မြေခံတပ်ရင်း၊
၆။ ပြည်သူ့စစ်အဖွဲ့
၇။ ကရင်ငြိမ်းချမ်းရေးကောင်စီ KNU-KNLA/PC ဗျူဟာအဖွဲ့(မြို့အထွက်)
၈။ နယ်ခြားစောင့် (၁၀၂၁)
၉။ ငြိမ်းချမ်းရေးကောင်စီ (ဗိုလ်လက်ကိုင်အဖွဲ့)သရက်ပင်ဂိတ်။
၁၀။အစိုးရစစ်တပ်လှုပ်ရှားစစ်ကြောင်းတပ်ဖွဲ့(၁)
၁၁။အစိုးရစစ်တပ်လှုပ်ရှားစစ်ကြောင်းတပ်ဖွဲ့(၂)
၁၂။ နယ်ခြားစောင့် (၁၀၂၃)ချောင်းဆုံ
၁၃။ နယ်ခြားစောင့် (၁၀၂၁) ချောင်းဆုံ
(ဘုရားသုံးဆူမြို့အဝင်ရှောင်လမ်း-ကရင်စုကွက်သစ်တွင် တပ်၊ ပြည်သူ့စစ်၊ ငြိမ်းချမ်းရေးကောင်စီ၊ နယ်ခြားစောင့် ၂ ဖွဲ့ ပါရှိသည်)
၁၄။ တားဒိန်(မွန်ပြည်သစ်)
၁၅။ မြိုင်သာယာ(ကေအင်ယူ)
၁၆။ တောင်စွန်း (အစိုးရတပ်)
၁၇။ အနန်းကွင်း(အစိုးရတပ်)
၁၈။ ရာဖော(ကေအင်ယူ)
၁၉။ ရွတ်ရှမ်း(ဒီကေဘီအေ)
၂၀။ ဇီးနှစ်ပင်(မွန်အဖွဲ့)
၂၁။ ရဲတံခွန်(နယ်ခြားစောင့် ၂ ဖွဲ့)
၂၂။ ရေးလမ်းခွဲသံဖြူဇရပ်အဝင်(အစိုးရစစ်တပ်တပ်)
၂၃။ အမြောက်တပ်
၂၄။ ၀ဲကလိ(တပ်)၊
၂၅။ သံဖြူဇရပ်မြို့အဝင်ဌာနပေါင်းစုံ စုပေါင်းဂိတ်။
မှတ်ချက်။ ။ အချို့ဝါးတားဂိတ်တစ်ခုတွင် လက်နက်ကိုင်အဖွဲ့ ၃ ဖွဲ့အတူကောက်ခံနေသည်လည်းရှိသည်။ ။ (အယ်ဒီတာ)
No comments:
Post a Comment