ပင်လုံ ကဲ့သို့သော တိုင်းရင်းသား ညီလာခံ တစ်ရပ် ကျင်းပရန် KIO တောင်းဆို

ဂျူရီချိုင်း

KIOနှင့် မြန်မာ အစိုးရ နှစ်ဖက် ကိုယ်စား လှယ်တို့ ယမန်နေ့ ပထမနေ့ ဆွေးနွေး ပွဲ၌ နိုင်ငံ ရေးကို ဦးဆောင်နေသည့် ပုဂ္ဂိုလ် များနှင့် တိုင်းရင်း သား ခေါင်းဆောင်များ ပါဝင်သည့် ပင်လုံ ကဲ့သို့သော ညီလာခံ တစ်ရပ် ကျင်းပ ပေးရန် KIOမှ တင်ပြ ခဲ့သည်။

ယင်း ဆွေးနွေး ပွဲတွင် မြန်မာ အစိုးရမှ ပြည်ထောင်စု ငြိမ်းချမ်းရေး ဖေါ်ဆောင်ရေး အဖွဲ့ခေါင်းဆောင် ဦးအောင်သောင်း၊ ပြည်တွင်း ငြိမ်း ချမ်းရေး ဖေါ်ဆောင်မှု ကော်မတီ ဥက္ကဋ္ဌ ဖြစ်သူ ဦးသိန်းဇော်နှင့် KIO ကိုယ်စားလှယ် ဦးဆွမ်း လွတ်ဂမ် ခေါင်းဆောင် သောအဖွဲ့ ဝင်များ ယမန်နေ့ မွန်းလွဲ ပိုင်းတွင် တရုတ် နိုင်ငံ၊ရွှေလီ မြို့၌ ဆွေးနွေး ပွဲပြု လုပ်ခဲ့ရာ သဘောတူ ညီမှု မရရှိပဲ ယနေ့တွင် ဆက်လက် ဆွေးနွေး ကြဦး မည်ဟု သိရသည်။

KIOမှ ပြောရေး ဆိုခွင့်ရှိသူ ဦးလနန်က “လက်နက်ကိုင် အဖွဲ့ အစည်း အားလုံး ပါဝင်တဲ့ ဆွေးနွေးပွဲ လုပ်ရမယ်၊ နိုင်ငံရေး ခေါင်းဆောင် ပုဂ္ဂိုလ် တွေနဲ့ တိုင်းရင်းသား ခေါင်းဆောင် တွေအပါ အဝင် ညီလာခံ တစ်ခု ကျင်းပ ရမယ်၊ အဲဒီ ညီလာခံ ဖြစ်ဖို့ အဆင့်ဆင့် အချိန်ယူပြီး အဖွဲ့ အလိုက် ဆွေးနွေးမှု လုပ်ရမယ်” ဟု ပြောသည်။

ယမန်နေ့နှစ်ဖက်တွေ့ဆုံပွဲတွင် KIO တင်ပြတောင်းဆိုခဲ့သည့် အချက် (၃) ချက်မှာ နှစ်ဦးနှစ်ဖက် ယုံကြည်မှု ရရှိအောင်လုပ်ဆောင်ရန်၊ တစ်ဖက်နှင့်တဖက် ပုတ်ခတ်ပြောဆိုမှုများ မပြုလုပ်ရန်၊ ဆွေးနွေးပွဲပြုလုပ်ပြီးနောက် ပြည်သူလူထုကိုမှန်ကန်သည့် သတင်းများ ထုတ် ပြန်ခြင်းတို့ ဖြစ်သည်။

ယမန်နေ့ဆွေးနွေးပွဲတွင် နိုင်ငံရေးပါတီဖွဲ့ပြီး လွှတ်တော်ထဲဆွေးနွေးရန်ကိစ္စ မပါဝင်ကြောင်း၊ လွှတ်တော်ထဲ ဆွေးနွေးရန် ကိစ္စသည် တိုင်း ရင်းသားများ လိုချင်သည့်သဘောနှင့် ဆန့်ကျင်ဘက်လမ်းကြောင်း ဖြစ်နေသည်ဟု ဦးလနန်က ပြောသည်။

KIO နှင့် အစိုးရတို့ ငြိမ်းချမ်းရေးဆွေးနွေးပွဲ လုပ်ဆောင်နေဆဲယခုကာလတွင် KIA ဌာနချုပ်တဝိုက်နှင့် တပ်မဟာ ၅ ဒေသ၌ နှစ်ဖက်တပ်ဖွဲ့အကြား တိုက်ပွဲများဆက်လက်ဖြစ်ပွားနေကြောင်း သိရသည်။

ဦးလနန်က “ပြဿနာဖြစ်ပွားနိုင်တဲ့ဒေသမှာ တပ်တွေကို ခွဲခွဲခြားခြားနေရာသတ်မှတ်ပြီး ဆုတ်ခွါသွားမယ်ဆိုရင်တော့ တိုက်ပွဲတွေ ငြိမ်း သွားမှာပါ၊ ဒီအချက်တွေက နိုင်ငံရေးဆွေးနွေးနိုင်မယ့် လမ်းကြောင်းပေါ်ကို ရောက်နိုင်အောင် နှစ်ဦးနှစ်ဖက်ယုံကြည်မှုတည်ဆောက်တဲ့ ကိစ္စတွေပါ” ဟု ပြောသည်။

နှစ်ဖက်ကိုယ်စားလှယ်တို့သည် ၂၀၁၂ ခုနှစ် ဇန်နဝါရီလဆန်းပိုင်း၌ တရုတ်နိုင်ငံ ရွှေလီမြို့တွင် တစ်ကြိမ်၊ ၂၀၁၁ ခုနှစ် နိုဝင်ဘာလ ၂၉ ရက်နေ့တွင်တစ်ကြိမ် တွေ့ဆုံခဲ့ကြပြီးဖြစ်သည်။

KIO ကချင်လွတ်မြောက်ရေးအဖွဲ့သည် ၁၉၆၁ ခုနှစ်တွင် စတင်ဖွဲ့စည်းခဲ့ပြီး ၁၉၉၄ ခုနှစ်၌ မြန်မာစစ်အစိုးရနှင့် အပစ်အခတ် ရပ်စဲမှုပြု လုပ်ခဲ့သော်လည်း ၂၀၁၀ ခုနှစ် နယ်ခြားစောင့်တပ်ပြောင်းလဲဖွဲ့စည်းကိစ္စကြောင့် တိုက်ပွဲများဆက်လက်ဖြစ်ပေါ်နေသည်။