ABC
ရှမ်းပြည်တောင်ပိုင်း မိုင်းတုံမြို့နယ် အတွင်းမှာရှိတဲ့ UWSA ဝ ပြည်သွေးစည်းညီညွတ်ရေး တပ်မတော်က စခန်းတစ်ခုကို ဆုတ်ခွာပေးဖို့ အစိုးရတပ်ဖက်က တောင်းဆိုခဲ့ပေမယ့် UWSA ဖက်က ဆုတ်ပေးခြင်းမရှိတဲ့အတွက် အစိုးရတပ်တွေက UWSA စခန်းကို ဝိုင်းထားပြီး စစ်ရေးတင်းမာမှု ဖြစ်ပေါ်နေတယ်လို့ တရုတ် မြန်မာ နယ်စပ်က စစ်ရေး လေ့လာစောင့်ကြည့်သူ ဦးအောင် ကျော်ဇော်က ရေဒီယို သြစတြေးလျ ကိုပြောပါတယ်။
“ထူးထူးခြားခြား တော့ မဟုတ်ဘူး။ စစ်ရေးတင်မာ မှု တွေ ကတော့ ရှိတယ်။ နှစ်ဖက်တပ်ဖြစ်နေတာကို နီးလည်းနီးနေတယ်လေ။ စစ်ပွဲဖြစ်အောင်တော့ မဖြစ်သေး ပါဘူး။”
လတ်တလော စစ်ရေးတင်းမာနေတဲ့ အခြေအနေကို ဖြေလျော့ဖို့အတွက် UWSA ခေါ်ဝပြည်သွေးစည်းညီညွှတ်ရေး တပ် ခေါင်းဆောင်တွေနဲ့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တို့ဆွေးနွေးသွားမယ်လို့ UWSA ခေါင်းဆောင်တွေကပြောပါတယ်။
တွေ့ဆုံမဲ့နေ့ရက်ကို အတိအကျ မသိရသေးပေမဲ့ တောင်ပိုင်းဒေသ ၀ပြည်သွေး စည်းညီညွတ်ရေး တပ်မတော် ပြဿနာကိစ္စကို ဆွေးနွေးသွားမယ်လို့ UWSA ဝိန်းကောင်ခရိုင် အတွင်းရေးမှူး ဦးစောလွင် က ပြောပါတယ်။
ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ က ဒုဥက္ကဌ ဦးသိန်းဇော်နဲ့ ကာကွယ်ရေး ဦးစီးချုပ်တို့ဟာ ဒီ ၀ပြည်သွေးစည်းညီညွတ်ရေး တပ် ခေါင်းဆောင်တွေနဲ့ ဆွေးနွေး ဖို့ လုပ်ထားပေမဲ့ ၀ ဘက် က မအား တာ ကြောင့် ဇူလိုင်လ ၅ ရက်နေ့ မှာတော့ မတွေ့ဆုံဖြစ်ပဲ ၆ ရက်နေ့ နောက်ပိုင်း မှာတွေ့ ဖြစ်ဖို့ ရှိတယ်လို့ ဦးအောင်ကျော်ဇော်က ပြောပါတယ်။
“အစကတော့ သူတော့ လာဖို့ မရှိပါဘူး။ ၀ဘက်က ဆွေးနွေးမှ ဖြစ်တော့မယ်ဆိုပြီး ပြေလို့ သူတိ်ု့ လာတာပါ။ သူတို့ က ချက်ခြင်းအကြာင်း ပြန်တယ် မနက်ဖန်တွေ့ဖို့ (ဇူလိုင် ၅)၊ ဘာလို့ လည်း ဆိုတော့ မနက်ဖန်တော့ မတွေ့နိုင်ဘူး။ ၂ ရက်၃ ရက်လောက်တော့ ခွာမယ်။ ကျနော်တို့ အဆင်သင့် မဖြစ်သေးလို့”
လတ်တလောမှတော့ မြန်မာစစ်တပ်ဟာ တိုင်းရင်းသား လက်နက် ကိုင်တွေနဲ့ မကြာခန ဆိုသလို စစ်ရေး တင်းမာမှု တွေ ရှိနေတာဟာ တမင်ပြသာနာ လုပ်နေတဲ့ ပုံစံနဲ့တောင် တူတယ်လို့ ဦးအောင်ကျော်ဇော်ကပြောပါတယ်။။
“ဗမာ အစိုးရ စတဲ့ ဇာတ်လမ်းလေ သူတို့ စတာ ၂ လ ၃ လ လောက်ရှိပြီ။ ကချင်နဲ့ အေးသွားရင် ၀ ကို စလိုက် ၀နဲ့ အေးသွား ရင် ရှမ်းကို စလိုက်၊ ရှမ်းနဲ့ အေးသွားရင် ၀ ကို စလိုက်နဲ့ ဒီလိုဖြစ်နေတာလေ။ဗုံတီး သလို ပဲ ပတ်မ တီးသလိ်ု ပဲ”
လက်ရှိ နိုင်ငံ ဖွဲ့စည်းပုံ အခြေခံဥပဒေ ပုဒ်မ ၅၆ (စ)အရ “ရှမ်းပြည်နယ်ရှိ ဟိုပန်မြို့နယ်၊ မိုင်းမောမြို့နယ်၊ ပန်ဝိုင်မြို့နယ်၊ နားဖန်းမြို့နယ်၊ မက်မန်းမြို့နယ်နဲ့ ပန်ဆန်းမြို့နယ် ခြောက်မြို့နယ်ကို ခရိုင် နှစ်ခရိုင်ဖွဲ့ပြီး ဝ ကိုယ်ပိုင် အုပ်ချုပ်ခွင့်ရ တိုင်း” အဖြစ်သတ်မှတ်ထားပါတယ်။
UWSA အနေနဲ့ ကိုယ်ပိုင်အုပ်ချုပ်ခွင့်ရပြည်နယ်အဖြစ် အသိမှတ်ပြုဖို့ နိုင်ငံတော်အစိုးရကို တောင်းဆိုခဲ့ပေမဲ့ တစုံတရာ တုန့်ပြန်မှုမရှိသေးပါဘူး။ ဝ တပ်ဖွဲ့ဟာ ၁၉၈၉ ခုနှစ် မေလမှာ ဗမာပြည်ကွန်မြူနစ်ပါတီ (ဗကပ) ကနေ ခွဲထွက်ခဲ့ပြီး နဝတ အစိုးရနဲ့ အပစ်အခတ်ရပ်စဲရေးလုပ်ခဲ့တဲ့ အဖွဲ့တစ်ဖွဲ့ ဖြစ်ပါတယ်။
ဝတပ်ဖွဲ့ဟာတိုင်းရင်းသားလက်နက်ကိုင်တပ်ဖွဲ့အနက်က အင်အားအကြီးမားဆုံးတပ်ဖွဲ့ဖြစ်ပြီး လက်နက်ကိုင် အင်အား ၃ သောင်းလောက် ရှိမယ်လို့ ခန့်မှန်းထားကြကြောင်း ရေဒီယိုသြစတြေးလျ သတင်းထောက် မဝေစန္ဒာကျော်က သတင်းပေးပို့ခဲ့ပါတယ်။
No comments:
Post a Comment