သူတို့ကို ပြီးခဲ့တဲ့ ၂၀၁၂ ခုနှစ် ဇွန်လအတွင်းက ရိုးမသစ္စာကားပေါ်ပါလာတဲ့ မွတ်စလင် ၁၀ ယောက်ကို သတ်ခဲ့တဲ့အမှုကိစ္စနဲ့ ဇူလိုင် ၁၈ ရက်နေ့ မနက်လင်းအားကြီးအချိန်မှာ နေပြည်တော် မူခင်းအဖွဲ့ CID က ရဲမှူးကြီး ဦးစိုးမြင့် ဦးစီးတဲ့ ရဲတပ်ဖွဲ့ဝင်တွေကနေ တိုက်ရိုက်လာရောက်ဖမ်းဆီး ခဲ့တာဖြစ်တယ်လို့ အာဏာပိုင်နဲ့ နီးစပ်သူ တောင်ကုတ်မြို့ခံတစ်ယောက်က အခုလို ပြောပါတယ်။
“တောင်ကုတ်မှာ ၆ နေရာက ၆ ယောက်ဖမ်းလာတယ်၊ မနက် ၅ နာရီခွဲ ၆ နာရီလောက်က ထောင်ထဲမှာ ထည့်ထားတယ်။”
ဖမ်းဆီးခံရသူတွေကတော့ ကိုဝင်းနိုင် ၊ ကိုသိန်းမောင်၊ ကိုထွန်းမြင့်၊ကိုသိန်းရွှေမောင်၊ ဦးထွန်းကျော် နဲ့ ဦးထွန်းဝင်း တို့ ဖြစ်ကြတယ်လို့ ဖမ်းဆီးခံရတဲ့ ဆွေးမျိုးနီးစပ်သူတွေထံက သိရပါတယ်။ သူတို့ကို သံတွဲအကျဉ်းထောင်ကို ချက်ချင်း ပို့ ဆောင်လိုက်တယ်ပြီးဖြစ်ကြောင်း ဆိုပါတယ်။ ဒီကိစ္စနဲ့ပတ်သက်ပြီး တောင်ကုတ်မြို့နယ်ရဲစခန်းကို ဆက်သွယ်မေးမြန်းဖို့ ကြိုးစားခဲ့ပေမယ့် ဆက်သွယ်လို့ မရခဲ့ပါဘူး။
၂၀၁၂ ခုနှစ် မေလ ၂၈ ရက်နေ့က ရမ်းဗြဲမြို့နယ် ကျောက်နီမော်ဒေသ က သပြေချောင်းကျေးရွာသူ မသီတာထွေးကို မွတ်စလင် လူငယ် ၃ ဦးက မုဒိန်းကျင့် သတ်ခဲ့မှု ဖြစ်ပေါ်ပြီးနောက်ပိုင်း မွတ်စလင် ၁၀ဦး အသတ်ခံရတာဖြစ်ပါတယ်။
အခုလိုဖြစ်ခဲ့တဲ့ မုဒိန်းကျင့်မှု၊ လူသတ်မှုတွေကြောင့် ရခိုင်ပြည်နယ်မှာ ပဋိပက္ခ အကြီးအကျယ် ဖြစ်ပွားခဲ့ပြီး လူပေါင်းများစွာသေဆုံးခဲ့ရတဲ့အပြင် အိုးအိမ်မဲ့ ဒုက္ခသည်တွေအဖြစ်နဲ့ နေထိုင်နေရတာ ဖြစ်တဲ့ကြောင်း ရေဒီယို သြစတေးလျ သတင်းထောက် သန်းကျော်စိုး က သတင်းပေးပို့ ထားပါတယ်။
No comments:
Post a Comment