NEJ / ၂၀ ဖေဖော်ဝါရီ ၂၀၀၉
ကုလသမဂ္ဂ လူ့အခွင့်အရေး ကိုယ်စားလှယ် ကင်တားနား မလာခင်က ချထားသည့် ရန်ကုန်မြို့တွင်း လုံခြုံရေးများကို ကင်တားနား ပြန်သည်ထိ ဆက်ပြီး တင်းတင်းကျပ်ကျပ် ချထားသည်ဟု မြို့ခံများက ပြောသည်။
သံဃာတော်များတက်ရောက်သင်ကြားနေသော ပါဠိတက္ကသိုလ်တည်ရှိရာ ကမ္ဘာအေးဘုရား လမ်းမကြီး ဘေး၊ ၀ဲယာနှင့် ဒေါ်အောင်ဆန်းစုကြည် အိမ်ရှိရာ တက္ကသိုလ်ရိပ်သာလမ်း တလျောက်တွင် ထူးထူးခြားခြား လုံခြုံရေးချထားခြင်း များကြောင်း၊ မြို့နယ်အသီးသီး တွင်လည်း လုံခြုံရေးများကို မီးပွိုင့်ထောင့်များတွင် ချထားကြောင်း သိရသည်။ အထူးသဖြင့် ကမ္ဘာအေးဘုရား၊ ရွှေတိဂုံဘုရားလမ်း၊ တက္ကသိုလ်ရိပ်သာလမ်း ၊ ရွှေဂုံတိုင်လမ်း တလျေက် တွင် သံချပ်ကားအပြည့် တင်ဆောင်ထားကာ လုံထိန်းရဲများ သေနတ်ကိုယ်စီဖြင့် အသင့်အနေ အထား စောင့်ကြပ် ရှိနေကြောင်း မျက်မြင်သက်သေတွေက ပြောသည်။
ပြည်ထဲရေး ရဲအရာရှိတဦးက "မစ္စတာကန် ရန်ကုန်ကိုလာတဲ့အတွက် သူရှိနေတဲ့ အချိန်တွေ မှာ ဆူပူမှုတွေ မဖြစ်စေလိုတဲ့ သဘောနဲ့ လုံခြုံရေးချထားတာပါ" ဟု ပြောသည်။ ရန်ကုန်ရှိ စီးပွားရေး လုပ်ငန်းရှင်တဦးကလည်း "အဲဒီမစ္စတာကင်တားနား လာတော့ကော ဘာဖြစ်မှာလဲ၊ ရန်ကုန်က လူတွေကတော့ ကုလသမဂ္ဂကိုတောင် မယုံချင်ကြတော့ဘူးလို့ ကျနော်မြင်တယ်၊ ဆန္ဒပြတာတွေ မဖြစ်အောင် လုံခြုံရေးကို ရန်ကုန်ရဲ့ အဓိကလမ်းတွေမှာ ချတာပေါ့ဗျာ၊ အစိုးရ ပြောထားတာတွေကတော့ ရန်ကုန်ဟာ အလွန်အေးဆေးတယ်၊ ငြိမ်းချမ်းတယ်လို့ ပြောထား မှာပေါ့ ၊ ဒါကြောင့် နည်းနည်းလေး လှုပ်တယ်ထင်ရင် ဆွဲစိပစ်မယ့် ပုံစံတွေနဲ့စောင့်နေတာပဲ" ဟု သူ့အမြင်ကို ပြောသည်။
ကင်တားနား ပြန်သွားသော်လည်း ၈၈မျိုးဆက်သစ်ကျောင်းသားများ၊ အန်အယ်လ်ဒီပါတီဝင် များ၊ လူ့အခွင့်အရေးလှုပ်ရှားသူများအား ထောင်ဒဏ်နှစ်ရှည် အသီးသီးချမှတ်ထားသည့် အတွက် နောက်ထပ်ဆူပူမှုများ ဖြစ်ပေါ်လာမည်ကို စိုးရိမ်သည့်အတွက် လုံခြုံရေး ဆက်ယူ ထားရန် ပြည်ထဲရေးဝန်ကြီးဌာနက ညွှန်ကြားထားကြောင်း ရန်ကုန်ရှိ ပြည်ထဲရေး ရဲအရာရှိ တဦးကပြောသည်။ “ပြီးခဲ့တဲ့ ရက်တွေကဆိုရင် မြို့ထဲမှာ (၈) နာရီကျော်တာနဲ့ လူတွေ ကျဲသွားတော့တာပဲ၊ ညမောင်းတဲ့ ကားသမားတွေဆိုရင် ရပ်ပြီးတော့ စစ်ဆေးတာတွေလုပ် တယ်၊ ကျနော်ကိုယ်တိုင်ပဲ အစစ်ခံရတယ်” ဟု တောင်ဥက္ကလာပ မြို့နယ်နေ တက္ကစီ ယာဉ်မောင်း တစ်ဦးကလည်း ပြောသည်။
No comments:
Post a Comment