သျှမ်းသံတော်ဆင့်
မြန်မာ နိုင်ငံအတွင်း လှည်ပတ် သုံးစွဲနေသည့် ပိုက်ဆံများ ပျောက်ကွယ် သွားလေပြီလား ( သို့မဟုတ်) ကျပ်ငွေ တွေ ဘယ်ရောက် ကုန်ပြီလဲ လို့ လက်ရှိ အခြေအနေကို အားမလို အားမရဖြစ် နေသည့် နယ်စပ် ကုန်သွယ် စီးပွားရေး သမားကြီး များက မေးခွန်းထုတ် ချင်နေကြသည်။
တချို့သော စီးပွားရေးသမားကြီးများကတော့ ကျပ်ငွေတွေမည်သူ့လက်ထဲရောက်ရှိနေသည်ကို သိနေကြသည် .. ပြည် တွင်းရှိ လူအများစုကတော့ ငွေနှင့်ပတ်သက်၍ စိတ်ဝင်တစားရှိကြသော်လည်း လက်ရှိ စီးပွားရေးကြပ် တည်း နေခြင်း အပေါ်သာအာရုံစိုက် ငြီးတွားသမှုပြုနေကြသည်။
သာမန်လက်လုပ်လက်စား မဆိုထားနှင့် ကျပ်သိန်းပေါင်းသောင်းချီ ရင်းနှီးမြုတ်နှံ စီးပွားရေးလုပ်ကိုင်နေသည့်လုပ်ငန်းရှင်များ ကိုယ်တိုင်ပင် လက်ရှိစီးပွားရေးအခြေအနေအောက်တွင် မလူးသာမလွန့်သာ ရှိနေကြသည်။
ယခင်နှစ်များက စီးပွားရေးကြပ်သည်ဟု ဆိုသော်လည်း လူးသာလွန့်သာ အခြေအနေရှိခဲ့ပြီး ယခုနှစ်စီးပွားရေး ကတော့ အဆိုးတကာ့အဆိုးဆုံးပါပဲဟု မြန်မာပြည်မြောက်ပိုင်းမှ တောင်သူတစ်ဦးက ငြီးငြူသံဖြင့်ပြောသည်။
သို့သော် နယ်စပ်ကုန်သွယ်စီးပွားလှိုင်းများကလည်း ယခုဆိုလျှင် ထူးမခြားနားဟုဆိုရမည်။
စက်တင်ဘာလ (၂၅) ရက်နေ့ ၅ဝဝဝ ကျပ်တန် ငွေစက္ကူအသစ်များအား ထုတ်ဝေသုံးစွဲတော့မည်ဟု ကြေငြာ လိုက်ပြီး နောက်ပိုင်း နယ်စပ်စီးပွားရေး အခြေအနေက ရုတ်တရက်ဆိုသလို တဆစ်ချိုးပြောင်းလဲ ကျဆင်းသွားခဲ့ ကြောင်း တရုတ်နယ်စပ်ရှိ ကုန်သယ်ကြီးတစ်ဦးက ဆိုသည်။
စီးပွားရေးလုပ်ငန်းများဟု ယေဘူယျဆန်ဆန်ခြုံငုံ ပြောသော်လည်း တကယ်တန်းတွင် လုပ်ငန်းအမျိုးအစား များ တူညီကြ သည်တော့ မဟုတ်ပါ ကုန်သယ်များ အခေါ် “လှိုင်း ”များကွဲနေကြသည်။
သို့သော် ယခုအခါ မည်သည့်လှိုင်းမဆို အများစုသည် ရောင်းသူမရှိ ဝယ်သူမရှိ အေးစက်ငြိမ်သက်နေသည်ဟု ဆိုသည် ...စီးပွားရေးလုပ်ငန်းများ ရပ်နားထားရသည်.... ရှေ့အလားအလားကို စောင့်ကြည့်နေကြသည်ဟု စီးပွားရေးသမား အများစုက ဆိုခြင်းဖြစ်သည်။
“၅ဝဝဝကျပ်တန် ငွေစက္ကူသစ်ထုတ်ဝေမှု ... မရေရာမသေချာလှသည့် မြန်မာ့နိူင်ငံရေး ရှေ့ခရီး ...ပြည်သူ လက်ထဲ မှ ငွေစက္ကူများ ဘယ်လိုပျောက်ကွယ်သွားလဲ ” စသည့် စဉ်းစားချက်များက သူတို့ခေါင်းထဲရောက်နေ ကြသည်ဟုဆိုလျှင်မှား မည် မထင်ပေ။
မြန်မာပြည်၏ သေချာရေရာမှုမရှိလှသော ရှေ့ခရီးက စီးပွားရေးသမားများကို စိန်ခေါ်နေသည်ဟု ပြောရမည် ထင်သည်။
၅ဝဝဝ ကျပ်တန် ထုတ်ဝေပြီးမှ လောလောလတ်လတ် စီးပွားရေးအေးစက်သွားခြင်းဖြစ်သည်ဟု သူတို့က ဆို သော်လည်း ၅ဝဝဝ ကျပ်တန် ထုတ်ဝေသည့် အကြောင်းအရင်းနှင့် ယခုစီးပွားရေးရပ်တန့်နေခြင်းက တိုက်ရိုက်ဆက်နွယ်မှုရှိနေသည် လို့တော့ စီးပွားရေးသမားအများစုက မယုံကြည်ကြ။
ကုန်သည်ကြီးတစ်ဦး ကတော့ ငါးထောင်တန်ထုတ်ဝေစဉ်က သူကြုံတွေ့ခဲ့ရပုံကို အခုလိုပြောသည် “အောက်တို ဘာလ (၂)ရက်နေ့ ဘဏ်ကနေ ၅ဝဝဝ တန်ငွေတွေ ထုတ်ပေးတော့ ကျနော်တောင်ရချင်လို့ ဘဏ်ဝန်ထမ်းတွေ ဆီကနေ ၅ဝဝဝ တန်၂ ရွက် တောင်းပြီးထုတ်လာရတယ် သိပ်များများမထုတ်ဘူး”
နောက်ပြီးတော့ သူ့ထင်မြင်ချက်ကိုလည်း အခုလိုထပ်ပြောသေးသည် “နအဖကလည်း သူတို့ကပိုင်ပြီလို့ ထုတ် တာဗျ မဟုတ်ရင် ငွေတွေဖေါင်းပွပြီး ကိုယ့်ရူးကိုယ်ပတ်မှာပေါ့ဗျ သူတို့ကလည်း ရိုက်ပြီးသားကို ဟန်ပြလောက် ထုတ်ပြလိုက်တဲ့ သဘောပဲ သိပ်များများစားစားမထုတ်ဘူး ထင်တယ် ” လို့ ပြောသည်။
၅ဝဝဝ တန် ငွေစက္ကူများ စတင်ထုတ်ဝေမည်ဟု ကြေငြာလိုက်ချိန်မှစ၍ နိုင်ငံနှင့်အဝှမ်း သာမက နယ်စပ်ဒေသ များတွင်ပါ လှုတ်ခတ်သွားတော့သည်။
မြန်မာ ငွေကြေးမတည်မငြိမ်မှုများ ဖြစ်ပွားခဲ့ကာ နိုင်ငံခြားငွေနှင့် လဲလှယ်နူန်းများတွင်လည်း ကျလိုက် တက်လိုက် အမျိုးမျိုး ပြောင်းလဲနေသည်။
ကုန်သည်နှင့်ဈေးသယ် အသိုင်းအဝိုင်းကပင် ငွေစက္ကူများထုတ်ဝေသုံးစွဲလျှင် ကုန်ဈေးနူန်းများ တက်လာမည် ဟုကြိုတင် ခန့်မှန်းပြောဆိုမှုများရှိခဲ့ကြသည် ရင်တမမနှင့်ငွေထုတ်မည့်အချိန်ကို စောင့်မျှော်နေကြရသည်။
တကယ်တန်း ငွေစက္ကူများထုတ်ဝေသည့် အခါမှာတော့ ကုန်ဈေးနူန်းသိသိသာသာ တက်လာခြင်း မရှိလာပဲထုတ်ဝေမည်ဟု ကြေငြာသည့်အချိန်က အမျိုးမျိုး အပြောင်းအလဲဖြစ်နေသည့် မြန်မာငွေနှင့်နိုင်ငံခြားငွေ လဲနှုန်း များလည်း ယခုဆိုလျှင် ပုံမှန်အခြေအနေသို့ ပြန်လည် ရောက်ရှိလာခဲ့ပြီ ဖြစ်သည်။
မြန်မာငွေကြေးပုံမှန်အခြေအနေသို့ ရောက်ရှိလာပြီဟု ပြောနိုင်သည်။ သို့သော် နယ်စပ်စီးပွားရေးလုပ်ငန်းများ ကတော့ ပြန်လည် ဦးမော့လာခြင်း မရှိသေးပဲ ဖင်ထိုင်ကျနေဆဲဖြစ်သည်။
အမှန်တကယ်တွင်လည်း စောစောက ကုန်သည် ပြောသလိုပင် ၅ဝဝဝကျပ်တန်ထုတ်ဝေခြင်းနှင့် နယ်စပ်စီးပွား ရေး ရပ်တန့် ခြင်းက တိုက်ရိုက်ဆက်စပ်ပုံမရှိဟူသည်မှာ ဖြစ်နိုင်ချေရှိသည်ဟု ယူဆရမည့်ပုံပေါ်နေသည်။
ဒါ့အပြင် နိုင်ငံ၏ ရှေ့ခရီးကလည်းမရေရာသည့်အပြင် ပြည်သူလူထုလက်ထဲ ငွေများများမကိုင်နိုင်အောင် ရှားပါး လာအောင် စစ်အုပ်စုက ပြုလုပ်ထားခြင်းကြောင့် ဖြစ်သည်ဆိုသည့် အဆို တရပ်လည်း ရှိနေပြန်သည်။
လူတိုင်းက အခြေအနေကိုတော့ မျက်ခြေမပြတ်စောင့်ကြည့်နေကြသည်သာ မြန်မာနိုင်ငံတွင် ငွေစက္ကူနှင့် ပတ်သက်၍ မှတ်မှတ် ရရ ပြောစရာ နောက်ခံသမိုင်းကြောင်းများကလည်း ရှိနေခဲ့သည် မဟုတ်ပါလား။
၁၉၈၇ စက်တင်ဘာလ (၅) ရက်နေ့က နိုင်ငံတစ်ဝှမ်းသုံးစွဲနေသည့် ရ၅ ကျပ်တန် ၃၅ ကျပ်တန် ၂၅ ကျပ်တန် ငွေစက္ကူများ အား တစ်ပြားတစ်ချပ်မှ လျှော်ကြေးမပေးပဲ တရားဝင်သုံးစွဲခွင့်ကို အုပ်စိုးသူ မဆလပါတီက ဖျက် သိမ်းပစ်လိုက်သည်။
ထိုသို့ငွေစက္ကူများအား ဖျက်သိမ်းပစ်လိုက်ခြင်းက မဆလအစိုးရအဖို့ ကြမ္မာငင်ခဲ့ရသည့် အကြောင်းအရင်းတစ်ခုဖြစ်ခဲ့ရသည်။
ထိုစဉ်က မြန်မာပြည် မြောက်ပိုင်း အရှေ့ပိုင်းနှင့် တောင်ပိုင်းတို့တွင် လှုပ်ရှားနေသည့် လက်နက်ကိုင်သူပုန်များ၏လှည့်လည် သုံးစွဲနေသည့် ဘဏ္ဍာငွေကြေးအား တိုက်ရိုက်တိုက်ခိုက်သည့် အနေဖြင့်၎င်း ငွေကြေးဖေါင်းပွမှုကို လျှော့ချလိုခြင်းကြောင့်၎င်း အဓိကကျသည့် ရ၅ ကျပ်တန်အပါအဝင် ငွေစက္ကူ ၃မျိုးကို ဖျက်သိမ်းပစ်လိုက်သည်။
အကျိုးဆက်အနေဖြင့် ငွေစက္ကူ ၈၀ ရာခိုင်နှုန်းလည်း ပြည်သူလူထုလက်တွင်းမှ ပျောက်ခြင်းမလှ ပျောက်ကွယ်သွားတော့ သည်။
နောက်တစ်နှစ်အကြာမှာတော့ မဆလစစ်အစိုးရသည် စိတ်ဆိုးဒေါသထွက်နေသည့်မြန်မာပြည်သူလူထုကြီး၏တော်လှန် အုံကြွမှု ကို ရင်ဆိုင်လိုက်ရပြီး တိုင်းပြည်အား (၂၆) နှစ် အုပ်စိုးခဲ့ရာမှ အာဏာကို လက်လွတ်ဆုံးရူံး ခဲ့ရ တော့သည်။
ဒီအဖြစ်အပျက်ကို လက်ရှိအာဏာသိမ်းယူထားသည့် နအဖစစ်အုပ်စုကလည်း ကောင်းကောင်းကြီး သိရှိသင်္ခန်းစာယူထား မည်သာဖြစ်သည်။
လွန်ခဲ့သည့် (၄) နှစ်လောက်ကတည်းက ၅ဝဝဝ ကျပ်တန်ငွေစက္ကူများထုတ်ဝေသုံးစွဲတော့မည် ဆိုသည့် ကောလ ဟာလ သတင်းများ ပြင်ပလောကသို့ ပျံ့နှံ့ခဲ့ဘူးသည်။
သို့သော် ကောလဟလသတင်းထွက်ပေါ်ပြီး နောက်(၅) နှစ်ခန့်ကြာလာသည့် ယခုအခါမှသာ အမှန်တကယ် ထုတ်ဝေခဲ့သည် ကိုကြည့်လျှင် နအဖစစ် အုပ်စုက ငွေစက္ကူနှင့်ပတ်သက်၍ ပြင်ဆင်မှု ရှိရှိ ဆောင်ရွက်ထားပုံပေါ် သည်။
နအဖစစ်အုပ်စုက ငွေစက္ကူနှင့်ပတ်သက်၍ မဆလကဲ့သို့သော အမှားမျိုး မကျူးလွန်မစေရန် သင်္ခန်းစာ ယူရာ တွင် ငွေစက္ကူဖျက်သိမ်းခြင်းကိုရှောင်ရှားခြင်းသည် တစ်ခုအပါအဝင်ဖြစ်သည်။
သို့သော်လည်း ပြည်သူလူထုလက်တွင်းမှ ငွေကြေးများအား နအဖစစ်အုပ်စုပိုင် ဘဏ္ဍာငွေအဖြစ် သိမ်းယူရာတွင်နည်းလမ်း မျိုးစုံနှင့်ဆောင်ရွက်ခဲ့သည်ကိုတော့ တွေ့မြင်ခဲ့ရသည်။
အထင်ရှားဆုံးကတော့ (၂ဝဝ၄)ခုနှစ်က တရားမဝင် လိုင်စင်မဲ့ယာဉ်များအား နိုင်ငံတော်ပိုင် သိမ်းဆည်းခဲ့ပြီး အဆိုပါ မော်တော်ယာဉ်များအား လေလံတင်ရောင်းချခြင်းများ နယ်စပ်မှဝင်ရောက်လာသည့် လိုင်စင်မဲ့ဆိုင်ကယ်များအား နိုင်ငံတစ်ဝှမ်းတွင် လိုင်စင်ပြုလုပ်ခြင်းများ နေပြည်တော်အပါအဝင် မြို့ကြီးများရှိ အိမ်ခြံမြေ အဆောက်အဦးများနှင့် စက်ရုံများအား လေလံတင်ရောင်းချခြင်းတို့ဖြစ်သည်။
၎င်းအပြင် မကြာသေးမှီကမှစတင်ခဲ့သော အခွန်ပညာပေးရေး အစီအစဉ်ဖြင့် စားသုံးသူများထံမှ ကုန်သွယ်ခွန်ကောက်ခံခြင်း နှင့် အခြားသောအခွန်အတုတ်မျိုးစုံတိုးချဲ့ကောက်ခံခြင်းတို့ အပါအဝင် ဖြစ်သည်။
ထိုသို့သော နည်းလမ်းပေါင်းစုံဖြင့် နိူင်ငံတစ်ဝှမ်းလှည်ပတ်နေသည့် ပြည်သူလူထုလက်ထဲမှ ကျပ်ငွေပေါင်း ဘီလျှံ ပေါင်းများစွာကို လက်တစ်ဆုပ်စာ နအဖစစ်အုပ်စုက အလကားနီးနီး သိမ်းကျုံးရယူလိုက် သကဲ့သို့ ဖြစ်နေလေ သည်။
ပြည်သူလူထုလက်ထဲ ငွေများများရှိနေမည်ကို မလိုလားခြင်းကြောင့် ယခုလိုပြုလုပ်ခြင်းဖြစ်နိုင်သည် အကြောင်း ကတော့ ပြည်သူလူထုကို မယုံကြည်၍ဖြစ်သည်ဟု ထောက်ပြကြသည်။
ငွေကြေးနှင့်စီးပွားရေးကို အာဏာအတွက် စစ်အုပ်စုကိုယ်တိုင်က ကစားစရာလက်နက်သဖွယ် သဘောထားနေ နေပုံပေါ်သည် လိုအပ်လျှင် ကုန်ဈေးနှုန်းကို သေနတ်ဖြင့်ခြိမ်းခြောက်မှုများကိုပင် မကြာခဏပြုလုပ်တတ်သည်။
တိုင်းပြည်အား အမွေပိုင်ပစ္စည်းကဲ့သို့ သဘောထားနေသော နအဖစစ်အုပ်စုက စိတ်ကြိုက် ရောင်းချင်သည့် ပစ္စည်း ထုတ်ရောင်း ပေါင်ချင်သည့်ပစ္စည်း ဖြုတ်ပေါင် ဆိုတာမျိုး ပြုလုပ်နေသောကြောင့် ပိုက်ဆံများ ပြည်သူ လူထု လက်ထဲမှ ပျောက်ဆုံးသွားခြင်းလောဟု မေးခွန်းထုတ်ဖွယ်ဖြစ်သည်။
အရပ်ထဲတွင် ပြောစကားအရ ပန်နီထဲကလာတဲ့ဟာ ပန်နီထဲရောက်သွားခြင်းသာဟု ပြောရလိမ့်မည်။
No comments:
Post a Comment