ကရင်နီ အမျိုးသား တိုးတက်ရေး ပါတီ (ကေအဲန် ပီပီ)နှင့် အစိုးရ အဖွဲ့တို့ မတ်လ (၇) ရက် နေ့နံနက် ၉ နာရီတွင် ကယား ပြည်နယ် လွိုင်ကော် မြို့၌ ပြည်နယ် အဆင့် အပစ် အခတ် ရပ်စဲရေး အတွက် သဘော တူလက် မှတ် ရေး ထိုး ခဲ့ကြ သည်။ပြည်ထောင်စုအဆင့် ငြိမ်းချမ်းရေးအဖွဲ့တွင် ရထားပို့ဆောင်ရေးဝန်ကြီး ဦးအောင်မင်း ဦးဆောင်သော အစိုးရ ကိုယ် စားလှယ် အဖွဲ့ဝင် များ နှင့် ကေ အဲန်ပီပီအတွင်းရေးမှူး (၁) ဦးခူးဦးရယ် ဦးဆောင်သော ငြိမ်းချမ်းရေး ကိုယ်စားလှယ်အဖွဲ့တို့သည် အပစ် အခတ် ရပ်စဲရေး အပါ အဝင် အချက် သုံးချက်ကို သဘောတူလက်မှတ် ရေးထိုးခဲ့ခြင်းဖြစ်သည်ဟု ကေအဲန်ပီပီ အတွင်းရေးမှူး (၂)ဦးအောင်ဆန်းမြင့်က ပြော သည်။
“နှစ်ဦးနှစ်ဖက် အချက် ၃ ချက်နှင့် မူအာဖြင့် သဘောတူ လက်မှတ်ရေး ထိုး ခဲ့တယ်၊ ကျန်ရှိ သေးတဲ့ အချက်တွေ ပြန်ညှိ နှိုင်းဖို့ရှိသေး တယ်” ဟု သူက ပြောသည်။
နှစ်ဖက်ပစ်ခတ်တိုက်ခိုက်မှု ရပ်ဆိုင်းရန်၊ ဆက်ဆံရေးစခန်းကို သဘောတူသည့် သင့်တော်ရာ နေရာ၌ ထားရှိရန်၊ ပြည်ထောင်စုအဆင့် ငြိမ်းချမ်းရေး ဆွေးနွေးရေးအဖွဲ့နှင့် ဆွေးနွေးမည့် နေ့ရက်၊ အချိန်နှင့် နေရာတို့ကို သဘောတူညီခဲ့ကြခြင်း ဖြစ်သည်။
ထိုဆွေးနွေးပွဲတွင် ကေအဲန်ပီပီဘက်က အချက် (၂၀)တင်ပြတောင်းဆိုခဲ့ပြီး အစိုးရဘက်က အချို့ အချက်များကို မူအာဖြင့် သဘောတူ လက်ခံခဲ့သည်၊
သို့သော်လည်း ကရင်နီပြည်နယ်အတွင်း စစ်ဆင်ရေးများ အားလုံးကို ရပ်ဆိုင်းရန်၊ တပ်ဖွဲ့ တပ်ရင်းနှင့် တပ်စခန်းများ ထပ်မံတိုးချဲ့ခြင်း မ ပြုလုပ်ရန်၊ လူထုအား ဝန်ထုပ်ဝန်ပိုး ဖြစ်စေသည့် တပ်စခန်းများကို အပစ်အခတ် သဘောတူညီပြီး နောက် ရက်ပေါင်း (၆၀)အတွင်း ပြန် လည်ရုပ်သိမ်းပေးရန်၊ ကရင်နီ ပြည်နယ်အတွင်း စစ်ရေးလေ့ကျင့်မှုများနှင့်
စစ်ဘက်ဆိုင်ရာသင်တန်းကျောင်းတည်ဆောက်မှုများကို ရပ်တန့်ထားရန် အချက်များကို ထပ်မံ ညှိနှိုင်းရန်။ အချို့အချက်များမှာ သမ္မတ ဦးသိန်းစိန်ထံ တင်ပြရန် ရှိသေးသည်ဟု အစိုးရ ကိုယ်စားလှယ်ဘက်က ပြောဆိုကြောင်း ဦးအောင်ဆန်းမြင့်က ပြောသည်။
တွေ့ဆုံဆွေးနွေးပွဲသို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး(UNHCR) ၊ မြန်မာနိုင်ငံဆိုင်ရာ ဌာနေကိုယ်စားလှယ် Mr.Hanten Feld၊ ဗြိတိသျှသံရုံး ဒုတိယ အတွင်းဝန် Mr. Joe Fisher၊နှင့် အမေရိကန်သံရုံး ကောင်စစ်ဝန် Mr.Andrew Webster တို့လည်း တက်ရောက်ကြသည်။
ကေအဲန်ပီပီနှင့် အစိုးရတို့သည် အပစ်အခတ်ရပ်စဲရေး ဆွေးနွေးပွဲပြုလုပ်ရန် ပြီးခဲ့သည့် ၂၀၁၁ ခုနှစ် နိုဝင်ဘာလ ၂၉ ရက်နေ့က ထိုင်း နိုင် ငံ၊ မယ်ဆိုင်မြို့နှင့် ၂၀၁၂ ဖေဖော်ဝါရီလ ၆ ရက်နေ့က ထိုင်းနိုင်ငံ ချင်းမိုင်မြို့တို့တွင် ပဏာမ တွေ့ဆုံဆွေးနွေးခဲ့သည်။
ကေအဲန်ပီပီနှင့် အစိုးရတို့သည် ပြီးခဲ့သည့် ၁၉၉၅ ခုနှစ်မှာ မတ်လ ၂၁ ရက်နေ့တွင် အချက် ၁၆ ချက်ဖြင့် အပစ်အခတ်ရပ်စဲရေး သဘော တူခဲ့ကြသော်လည်း သုံးလအကြာ ၁၉၉၅ ခုနှစ် ဇွန်လ ၂၉ ရက်နေ့က စ၍ ပြန်လည်ပျက်ပြားခဲ့ကြသည်။
No comments:
Post a Comment