မြန်မာနိုင်ငံက လူမျိုးရေး ဘာသာရေး ပဋိပက္ခအကြောင်းနဲ့ ဗုဒ္ဓဘာသာ ဘုန်းကြီး ဦးဝီရသူ အကြောင်းတွေ ရေးသားထားတဲ့ ဆောင်းပါးပါ မဂ္ဂဇင်းကို နိုင်ငံအတွင်းမှာ ရောင်းချထုတ်ဝေခွင့် မပြုကြောင်းနဲ့ မဂ္ဂဇင်းကို နိုင်ငံတွင်းမှာတွေ့ရှိပါက တရားဥပဒေအရ သိမ်းယူသွားမယ်ဆိုတဲ့ အကြောင်း သီရိလင်္ကာအကောက်အခွန်ဌာနက ပြောရေးဆိုခွင့်ရှိသူက အေအက်ဖ်ပီသတင်းဌာန ကိုပြောပါတယ်။
အခုတကြိမ်ထုတ် ထိုင်းမ်မဂ္ဂဇင်းကို သီရိလင်္ကာနိုင်ငံထဲမှာ ဖြန့်ဝေခွင့်မပြုရခြင်းအကြောင်းကတော့ ဒီမဂ္ဂဇင်းနဲ့ပတ်သက်ပြီး လူတွေရဲ့ဘာသာရေး ထင်မြင်ယူဆချက်တွေကို ထိခိုက်မှာစိုးရိမ်တဲ့ အတွက် ကြောင့်ဖြစ်တယ်လို့ ဆိုပါတယ်။
ဒါပေမယ့် အင်တာနက်စာမျက်နှာပေါ်မှာ တင်ထားတဲ့ ဆောင်းပါးကတော့ သီရီလင်္ကာ နိုင်ငံမှာ ၀င်ရောက်ကြည့်ရှုနိုင်သေးတယ်လို့ သိရပါတယ်။
အခုဆိုရင် အကောက်အခွန်ဌာနက မဂ္ဂဇင်း အုပ်ရေ တစ်ထောင်ကို သိမ်းဆည်းထားတယ်လို့ သီရိလင်္ကာနိုင်ငံထဲက မဂ္ဂဇင်း ဖြန့်ဝေတဲ့ ကိုယ်စားလှယ်တခုက ပြောပါတယ်။
ဘာသာရေး လူမျိုးရေး ပဋိပက္ခကို ကာကွယ်တယ်ဆိုတဲ့အကြောင်းပြချက်နဲ့ မြန်မာနိုင်ငံမှာလည်း အခု ဇွန်လိုင်လ တစ်ရက်နေ့ထုတ် ထိုင်းမ်မဂ္ဂဇင်းကို ပြည်တွင်းမှာ ဖြန့်ဝေခွင့်ပိတ်ပင်ထားတယ်လို့လည်း သိရပါတယ်။
No comments:
Post a Comment