KIO အပေါ် မစ္စတာ ဗီဂျေနမ်ဘီးယား၏ တိုက်တွန်းချက်

အဲာပိုန်

ကုလသမဂ္ဂ အထွေထွေ အတွင်း ရေးမှူး၏ မြန်မာနိုင်ငံ ဆိုင်ရာ အထူး အကြံပေး ပုဂ္ဂိုလ် မစ္စတာ ဗီဂျေနမ်ဘီးယားသည် ကချင် လွတ်လပ်ရေး အဖွဲ့ (KIO) ဌာနချုပ် လိုင်ဇာသို့ ခေတ္တ ရောက်ရှိစဉ် အစိုးရနှင့် ဆွေးနွေး ခဲ့သည့် မြစ်ကြီးနား သဘော တူညီချက် အတိုင်းသာ ဆက်လက် အကောင်အထည် ဖေါ်သွား သင့်သည်ဟု KIO အား တိုက်တွန်း ခဲ့ကြောင်းတွေ့ဆုံ ဆွေးနွေးရေး ခေါင်းဆောင် ဆရာ ဆွမ်လွတ်ဂမ်က ဆိုပါသည်။

“ မေလကုန်က တွေ့ခဲ့တဲ့ မြစ်ကြီးနား ပွဲမှာ သူပါတယ်လေ။ အဲဒီ သဘော တူညီချက် အတိုင်း အကောင်အထည် ဖေါ်ဖို့ တိုက်တွန်း ခဲ့တာပါ။ လိုင်ဇာကို ရောက်ဖို့ အရေးမှာလည်း သူက အချိန် သိပ်မရ လိုက်ဘူးလေ။ (၃) နာရီ လောက်ဘဲ ကချင်ပြည်နယ် ဝန်ကြီးက ခွင့်ပေးတယ် ဆိုတော့ စကား ပြောခွင့်တောင် သိပ်မရ လိုက်ပါဘူး” ဟု ဆိုပါသည်။

ထို့အတူ KIO ကလည်း နောက်နောင် ကျင်းပသည့် KIO နှင့် အစိုးရ တို့၏ တွေ့ဆုံ ဆွေးနွေးပွဲ များတွင် UN ကိုယ်စားလှယ် အဖြစ် ပါဝင်ပေးပါရန် ဗီဂျေနမ်ဘီးယားအား တောင်းဆို ခဲ့ပါသည်။ ဤကဲ့သို့ တောင်းဆို လိုက်သဖြင့် ဗီဂျေနမ်ဘီးယားသည် အတတ်နိုင်ဆုံး ကြိုးစား ပါဝင် ပေးမည် ဖြစ်ကြောင်း သဘော ထားပေး ခဲ့သည်ဟု ဆိုပါသည်။

ဗီဂျေနမ်ဘီးယား တင်ပြသော သဘော တူညီချက် ဆိုသည်မှာ ပြီးခဲ့သည့် မေလ (၂၉) ရက်နေ့တွင် KIO နှင့် အစိုးရတို့ မြစ်ကြီးနား မြို့ ၌ ဆွေးနွေးစဉ် ရရှိထားသော သဘော တူညီချက် (၇) ချက်ကို ဆိုလိုခြင်း ဖြစ်ပါသည်။ ၄င်းတို့မှာ-

(၁)-နိုင်ငံတော် အစိုးရနှင့် ကေအိုင်အိုတို့ နိုင်ငံရေး ဆွေးနွေးမှုများ ဆက်လက် ဆောင်ရွက်ရန် သဘောတူသည်။

(၂)-နှစ်ဖက် တပ်ဖွဲ့များမှ ပစ်ခတ် တိုက်ခိုက်မှုများ လျော့ချခြင်း၊ တိုက်ပွဲများ ထပ်မံ မဖြစ်ပွားအောင် ထိန်းသိမ်းခြင်း တို့ကို ဆောင်ရွက် သွားရန် သဘောတူသည်။

(၃)-နှစ်ဖက် ကိုယ်စားလှယ်များ ပါဝင်သော စောင့်ကြည့် ကြီးကြပ်ရေး အဖွဲ့ ဖွဲ့စည်းရန် မူအားဖြင့် သဘောတူသည်။

(၄)-နယ်မြေ လုံခြုံရေး အရ နေရပ် စွန့်ခွာ ရွှေ့ပြောင်းနေထိုင်သည့် ပြည်သူ များအတွက် ပြန်လည် ထူထောင်ရေး ကိစ္စရပ်များကို ညှိုနှိုင်းကာ ဆက်လက် ဆောင်ရွက်သွားရန် သဘော တူသည်။

(၅)-တပ်ပိုင်း ဆိုင်ရာ တပ်နေရာ ချထားမှုများနှင့် ပတ်သက်ပြီး ဆက်လက် ညှိုနှိုင်း ဆောင်ရွက်ရန် သဘောတူသည်။

(၆)-လိုအပ်သော လုပ်ငန်း စဉ်များကို ညှိုနှိုင်း ဆောင်ရွက်ရန် ကေအိုင်အို ကိုယ်စားလှယ်နှင့် အလုပ် အဖွဲ့ကို မြစ်ကြီးနား မြို့တွင် ထားရှိ သွားရန် သဘော တူသည်။

(၇)-နောက်တကြိမ် ဆွေးနွေးပွဲတွင် ယခုအကြိမ် တက်ရောက်သည့် အဖွဲ့များမှ ကိုယ်စားလှယ်များ ပြန်လည် တက်ရောက်ရန် သဘော တူညီသည်။ အခြား ဖိတ်ကြား လိုသော အဖွဲ့များ ရှိပါက နှစ်ဖက် ညှိုနှိုင်း ဆောင်ရွက် သွားရန် သဘော တူညီကြပါသည်။

ဤသဘော တူညီချက်များကို အကောင်အထည် ဖေါ်ရန် KIO သည် နည်းပညာ ရှင်များ အဖွဲ့ (Technical Team) ကိုဖွဲ့ စည်းပြီး အစိုးရ နည်းပညာ အဖွဲ့၏ ညှိနှိုင်းရေး ကမ်းလှမ်း မှုကို စောင့်နေ ခဲ့သော်လည်း ယနေ့အထိ ဖိတ်ကြားခြင်း မရှိသေးဟု ဆွမ်လွတ်ဂမ်က ဆိုပါသည်။

အစိုးရ နည်းပညာရှင် အဖွဲ့ကမူ KIO နည်းပညာရှင် အဖွဲ့နှင့် တွေ့ဆုံ ဆွေးနွေးရန် ရှိသည်ဟု မကြာခဏ ပြောဆိုနေသော်လည်း မည်သည့် အချိန်တွင် တွေ့ဆုံ ဆွေးနွေးနိုင်မည်ကို ထုတ်ဖေါ် ပြောဆိုခြင်း မရှိသေးပေ။ ဤသို့ကြောင့် KIO အား သဘော တူညီချက် အတိုင်းသာ ဆောင်ရွက်ရန် ဗီဂျေနမ်ဘီးယားမှ တိုက်တွန်း နေသော်လည်း လက်တွေ့တွင် အစိုးရတပ် များသည် KIO အား တိုက်ခိုက် နေဆဲ ရှိပါသည်။

KIO သည် မစ္စတာ ဗီဂျေနမ်ဘီးယား၏ လိုင်ဇာ ခရီးစဉ် အတွက်ကချင် ငြိမ်းချမ်းရေး အကျိုးဆောင် အဖွဲ့မှ အရာရှိ (၄) ဦး နှင့် KIO အလုပ်အဖွဲ့မှ အရာရှိ (၂) ဦးပါသော အဖွဲ့ဖြင့် အစအဆုံး အကူအညီ ပေးခဲ့ပါသည်။ ဗီဂျေနမ်ဘီးယား အဖွဲ့သည် သြဂုတ်လ ၂၈ ရက်နေ့မနက် ၇ နာရီခွဲ အချိန်တွင် ကချင်ပြည်နယ် မြစ်ကြီးနားမြို့ မှ ထွက်ခွာ လာခဲ့ပြီး နေ့လည် ၁၁ နာရီ အချိန်တွင်KIO လိုင်ဇာ ဗဟိုဌာနချုပ်သို့ ရောက်ရှိ လာခဲ့သော်လည်း မွန်းလွဲ (၃) နာရီတွင် ပြန်လည် ထွက်ခွာ သွားခြင်းဖြစ် ပါသည်။

ယင်းခရီးစဉ်၌ ဗီဂျေနှင့် အတူ ICRC အဖွဲ့ဝင် (၁၂) ဦးလည်း ပါလာခဲ့ပါသည်။ ICRC အဖွဲ့တို့သည်လိုင်ဇာ ဆေးရုံ အတွက် ခွဲစိတ်ခန်း သုံးပစ္စည်းများ၊ ဆေးဝါး အမျိုးပေါင်း (၅၀)ခန့်၊ဆေးထိုး အပ်များနှင့် ဓါတ်ဆား ရည်များ ကူညီခဲ့ပါ သည်။ ထို့အပြင် ခွဲစိတ်ရမည့် လူနာ များအားကူညီ ခွဲစိတ်ပေးခြင်း၊ စစ်ပြေး ဒုက္ခသည်များ အတွက် ကိုယ်ဝန်ဆောင် စောင့်ရှောက်မှုနှင့် ကလေးပြုစုနည်းများ သင်တန်းပေးခြင်း အပြင် ဒုက္ခသည်များ၏ ကျန်းမားရေး အခြေအနေများကို စစ်ဆေး ပေးခဲ့ပါသည်။

၎င်းတို့ အဖွဲ့၏ ခရီးစဉ်သည် လာမည့် စက်တင်ဘာ တရက်နေ့တွင် အဆုံးသတ်မည် ဖြစ်သည်ဟု ကချင် စစ်ပြေး ဒုက္ခသည် စခန်းများ တာဝန်ခံ ဦးဒွဲဗီဆာက ဆိုပါသည်။ ICRC ကိုယ်စားလှယ် အဖွဲ့သည် လိုင်ဇာမြို့သို့ဒုတိယ အကြိမ် လာရောက်ခြင်း ဖြစ်သော်လည်း ခွဲစိတ် ကုသပေးမှုကို ပထမဆုံးကြိမ် အကူအညီ ပေးခဲ့ခြင်းဖြစ်ပါသည်။