ABC
မြန်မာနိုင်ငံက ကမ္ဘာ့ဘဏ်ကနေ ရရှိမဲ့ချေးငွေတွေအထဲက ဒေါ်လာငွေ ၃၅သန်းကို ဆက်သွယ်ရေးကဏ္ဍဖွံ့ဖြိုးရေးနှင့် ပြုပြင်ပြောင်းလဲရေးအတွက် အသုံးပြုသွားဖို့ရှိတယ်လို့ သိရပါတယ်။
ကမ္ဘာ့ဘဏ်က မြန်မာနိုင်ငံကို အမေရိကန် ဒေါ်လာ ၂၆၁ ဒသမ ၅ဝ သန်း ချေးပေးမှာ ဖြစ်ပြီး အဲဒီထဲက ၃၅ သန်း ကို မြန်မာ့ ဆက်သွယ်ရေးဏ္ဍမှာ အသုံးပြုခွင့်ရဖို့အတွက် အစိုးရကနေ လွှတ်ရဲ့ အတည်ပြုချက်ကို တောင်းဆိုသွားမှာဖြစ်ပါတယ်။
အဆိုပါဒေါ်လာ ၃၅ သန်းကို ဆက်သွယ်ရေးကဏ္ဍဖွံ့ဖြိုးရေးနဲ့ ပြုပြင်ပြောင်းလဲရေး အတွက် ဦးစားပေး အဆင့်ဖြင့် အသုံးသွားမှာ ဖြစ်တယ်လို့ မြန်မာ့ဆက်သွယ်ရေးလုပ်ငန်းမှ တာဝန်ရှိများက အတည်ပြုဖြေကြားခဲ့ပေမယ့် ဘယ်လို အသုံးချမယ်ဆိုတဲ့ အသေးစိတ် ကိစ္စကိုတော့ ဖြေဆိုဖို့ငြင်း ဆိုခဲ့ပါတယ်။
ကမ္ဘာ့ဘဏ် ချေးငွေကနေ ၃၅ သန်းရမဲ့အကြောင်း အဲဒါ အကုန်လုံးကို ဖွံ့ဖြိုးရေးနဲ့ ပြုပြင်ရေး ကဏ္ဍတွေမှာ သုံးမှာဖြစ်တယ်ဆိုတဲ့အကြောင်း မြန်မာ့ဆက်သွယ်ရေးနှင့် သတင်း အချက်အလက် နည်းပညာ ဝန်ကြီးဌာန ညွှန်ကြားရေးမှူး ဦးသန်းထွန်းအောင်က မီဒီယာ တွေကို ပြောပါတယ်။
မြန်မာ့ဆက်သွယ်ရေး၊ သတင်းအချက်အလက်နဲ့နည်းပညာဝန်ကြီးဌာနက ဆက်သွယ်ရေး ပိုမိုကျယ်ပြန့်စေဖို့အတွက် ပြည်ပရင်းနှီးမြှပ်နှံမှုကုမ္ပဏီတွေကို တင်ဒါခေါ်ခဲ့ပြီး အဆိုပါကုမ္မဏီတွေကနေ ထုတ်လုပ်တဲ့ မိုဘိုင်းဖုန်းတွေကို စတင်ရောင်းချပေးနိုင်ရေးအတွက် ဆွေးနွေးဖို့ စက်တင်ဘာလလယ်လောက်ကျရင် နေပြည်တော်မှာ အစည်းအဝေး တရပ် ကျင်းပပြုလုပ်သွားဖို့ရှိတယ်လို့ သိရပါတယ်။
လက်ရှိအခြေအနေမှာတော့ ဆက်သွယ်ရေးဝန်ကြီးဌာနက တစ်နိုင်ငံလုံးအတိုင်းအတာဖြင့် မိုဘိုင်းလ်ဖုန်းအလုံးရေ ၅ ဒသမ ၂ သန်းကျော်ကို ဖြန့်ဖြူးရောင်းချလျက်ရှိပေမယ့် လိုင်းအင်အားမမျှတမှုကြောင့် အခက်အခဲများ ဖြစ်ပေါ်နေတယ်လို့ မိုဘိုင်းဖုန်းအသုံးပြုသူတွေက ကလည်း ပြောဆိုနေကြပါတယ်။
တဆက်တည်းမှာပဲ မြန်မာနိုင်ငံက အိမ်ရှင်အဖြစ်ပြုလုပ်ကျင်းပမဲ့ အရှေ့တောင်အာရှ အားကစားပြိုင်ပွဲအမီ 4G (LTE) စနစ် တပ်ဆင်ပေးနိုင်ရေး ဦးစားပေးဆောင်ရွက်နေတယ်လို့ မြန်မာ့ဆက်သွယ်ရေးလုပ်ငန်းက ပြောတယ်ဆိုတဲ့အကြောင်း မြစ်မခ သတင်းအရ သိရပါတယ်။
No comments:
Post a Comment