ယနေ့ ၁၈.၉.၂၀၁၃ သည် လွန်ခဲ့သည့် ၂၅ နှစ်က ပြည်သူအားလုံး၏ ဒီမိုကရေစီနှင့် လူ့အခွင့်အရေး တောင်းဆိုခဲ့မှု အပေါ် ဗိုလ်စောမောင် ဦးဆောင်သော န.ဝ.တ (နိုင်ငံတော်ငြိမ်ဝပ် ပိပြာမှု တည်ဆောက်ရေး ကောင်စီ)မှ ရက်ရက် စက်စက် ပစ်ခတ် ဖြိုခွဲပြီး နိုင်ငံတော်အာဏာကို သိမ်းယူလိုက်သည့်နေ့ ဖြစ်ပေသည်။
၎င်းနေ့မှ စတင်ပြီး တတိုင်းပြည်လုံးရှိ ဆန္ဒပြ တောင်းဆိုသည့် ဒီမိုကရေစီ ဘက်တော်သားများ၏ သပိတ်စခန်းများကို အကြမ်းဖက် ဝင်ရောက်စီးနင်းခြင်း၊ လိုက်လံဖမ်းဆီးခြင်း၊ စစ်ဆေးရေးစခန်းများတွင် နှိပ်စက်ညှင်းပန်းခြင်းများကို ပြုလုပ်ခဲ့သည်။ယနေ့ အချိန်အထိ ဒဏ်ရာရ၊ သေဆုံးနှင့် ပျောက်ဆုံးနေသည့် တိုက်ပွဲဝင်သူရဲကောင်း အရေအတွက် မည်၍မည်မျှရှိသည်ကို အတိအကျ မသိရှိနိုင်လျက် ရှိနေသည်။
ဆက်လက်ပြီး လက်နက်အားကိုးဖြင့် တိုင်းပြည်အာဏာကို သိမ်းယူခဲ့သော စစ်ဗိုလ်ကြီးများ တယောက်ပြီး တယောက် ပြောင်းလည်းသွားပြီး အပေါ်ယံ ဟန်ပြလုပ်ဆောင်မှုများနှင့် တိုင်းပြည် အာဏာကို ဆက်လက် အုပ်စိုး ချယ်လှယ်ရန် နည်းအမျိုးမျိုးဖြင့် လုပ်ဆောင်နေလျှက်ရှိသည် ။
ယခုလက်ရှိ အရပ်သားအရေခြုံ စစ်ဗိုလ်ချုပ်တို့၏ ဒီမိုကရေစီအယောင်ဆောင် အစိုးရမှလည်း ၎င်းတို့ ကျူးလွန်ခဲ့သည်များကို ဝန်ခံရန်နှင့် ထိခိုက်နစ်နာခဲ့သူများကို ကုစားပေးမည့် အရိပ်ယောင် များကိုလည်း မြင်တွေ့ရခြင်း မရှိသေးပေ။
ထို့ကြောင့် ကျွန်ုပ်တို့ အိန္ဒိယရောက် ဒီမိုကရေစီ အင်အားစုများအနေဖြင့်
(၁) ရှစ်လေးလုံးပြည်သူ့ အရေးတော်ပုံအတွင်းနှင့် အာဏာသိမ်းယူပြီးနောက် ဒီမိုကရေစီတောင်းဆိုသည့် ပြည်သူ လူထုကြီးအပေါ် ပြစ်မှုကျူးလွန် သတ်ဖြတ်ခဲ့သော သူများအား အမှု့မှန် စုံစမ်းဖော်ထုတ် အပြစ်ဒဏ်ပေးရေးနှင့် နစ်နာခဲ့သူများကို ထိုက်သင့်သည့် ကုစားမှုများ ရရှိရေး
(၂) ၂၀၀၈ ဖွဲ့ စည်းပုံဖျက်သိမ်းပြီး ဒီမိုကရေစီစံနှုံးနှင့်ညီသော လူထုထောက်ခံသည့် ဖွဲ့စည်းပုံရေးဆွဲရေး
(၃) စစ်မှန်သောပြည်တွင်း ငြိမ်းချမ်းရေးတည်ဆောက်ရေး ။
(၄) တိုင်းရင်းသားများ ကိုယ်ကြမ္မာ ကိုယ်ဖန်တီး နိုင်သည့် စစ်မှန်သော ဖက်ဒရယ် ပြည် ထောင်စု ဖော်ဆောင်ရေး
စသည့် ပြည်သူ့ဆန္ဒများကို မရမချင်း ဆက်လက်တိုက်ပွဲဝင်သွားမည်ဖြစ်ကြောင်း ကြေငြာအပ်ပါသည်။
အိန္ဒိယရောက် ဒီမိုကရေစီ အင်အားစုများ
No comments:
Post a Comment