မြန်မာနိုင်ငံမှ နာမည်ကြီး ရုပ်ရှင်မင်းသား ကိုနေတိုးအား မာန်အောင်မြို့နယ် အသင်းမှ အသင်း သာနာရေး အတွက် ကျပ်ငွေ တသိန်း အပါအ၀င် အသင်း၏ ပြက္ခဒိန်နှင့် မဂ္ဂဇင်း အတွက် မျက်နာဖုံးပုံများ ပေးပို့ကူညီခဲ့သဖြင့် မာန်အောင် မြို့နယ် အသင်းမှ ဂုဏ်ပြုလွှာများ ပေးအပ် ချီးမြှင့်ခဲ့သည်ဟု သတင်းရရှိသည်။အဆိုပါ ဂုဏ်ပြုလွှာအား ဇန္န၀ါရီလ ၂၅ ရက်နေ့က ရန်ကုန်မြို့ ဗဟန်းမြို့နယ် ရွှေတိဂုံဘုရား အရှေ့မုဒ်ရှိ ရခိုင်ပြည် ဓမ္မာရုံ၌ ပြုလုပ်သော မာန်အောင်မြို့နယ် နှစ်ပတ်လည် စည်းပွဲနှင့် ပညာရည်ဆုချွန်ပွဲ အခမ်းအနား အတွင်း ပေးအပ်ခြင်း ဖြစ်သည်။
အဆိုပါ ဂုဏ်ပြုလွှာကို အခမ်းအနားတွင် မာန်အောင် မြို့နယ်အသင်း ဥက္ကဌ ဗိုလ်မှူး အောင်စိန် (အငြိမ်းစား) က ပေးအပ်ခဲ့သည်။
၎င်းအပြင် အဆိုပါ အခမ်းအနား၌ မာန်အောင်မြို့နယ်မှ သမိုင်းဘာသာရပ်ဖြင့် ဒေါက်တာဘွဲ့ရရှိသူ မမာမာဝင်းနှင့် ဆယ်တန်း စားမေးပွဲတွင် ဂုဏ်ထူးဖြင့် အောင်မြင်ခဲ့သူ အသင်းဝင် သားသမီးများကို ဆုများ ချီးမြှင့်ခဲ့သည်။
အခမ်းအနားတွင် အသင်းအတွင်းရေးမှူး ဦးထွန်းရွှေနှင့် ဘဏ္ဍာရေးမှူး ဒေါ်သီသီအောင်တို့ အပါအ၀င် တခြား အသင်းကော်မီတီဝင် အသစ်များကို ရွှေးချယ်တင်မြှောက်ခဲ့ကြသည်ဟု သိရသည်။
No comments:
Post a Comment