မိုးသူ ဗုဒ္ဓဟူးနေ့၊ ဖေဖေါ်ဝါရီလ 11 2009
ရန်ကုန် (မဇ္ဈိမ)။ ။ နေပြည်တော်သို့ လာရောက် လည်ပတ်သည့် အိန္ဒိယနိုင်ငံ ဒုသမ္မတ ရှရီ အမ် ဟာမစ် အန်စရီ၏ ယခုလ ၅ ရက်နေ့က ကြိုဆိုရေး ဂုဏ်ပြုတပ်ဖွဲ့မှ စစ်သည်တဦး မူးလဲကျခဲ့ရာ ယခုအခါ ဖမ်းဆီး ထိန်းသိမ်းထားကြောင်း စစ်တပ်နှင့် နီးစပ်သော အသိုင်းအ၀ိုင်းမှ သိရသည်။
ဂုဏ်ပြုတပ်ဖွဲ့ ရှေ့ဆုံးတန်းမှ မူးလဲကျနေသော စစ်သည်၏ ရုပ်ပုံလွှာမှာ ဖေဖော်ဝါရီလ ၆ ရက်နေ့ထုတ် အစိုးရထုတ် သတင်းစာများဖြစ်သော ကြေးမုံနှင့် New Light of Myanmar ၏ မျက်နှာစာတွင် ပါရှိခဲ့သည်။
ထိုဓာတ်ပုံပါလာခဲ့မှုကြောင့် ပြန်ကြားရေးဌာနမှ ၀န်ထမ်းများ ပေါ့ဆသည်ဟုဆိုကာ ပြန်ကြားရေးဝန်ကြီး ဗိုလ်မှူးချုပ် ကျော်ဆန်း အား နအဖ စစ်အုပ်စု နံပါတ်နှစ်အကြီးအကဲ ဒုတိယဗိုလ်ချုပ်မှူးကြီး မောင်အေးက ပြစ်တင်ဝေဖန်ခဲ့သည်။
အဆိုပါ နေ့စဉ်ထုတ်သတင်းစာများမှာ စစ်အစိုးရ ၀ါဒဖြန့်ချိသော သတင်းစာများဖြစ်သည်။
စစ်သည်မှာ ပူပြင်းသော ရာသီဥတုဒဏ်ကြောင့် မူးလဲကျခဲ့ခြင်းဖြစ်သည်ဟု နေပြည်တော်အခြေစိုက် သတင်းသမားတဦးက ဆိုသည်။ မည်သည့်အတွက်ကြောင့် သူ့အား ချုပ်နှောင်ထားခြင်းဖြစ်သည်ကိုမူ ရှင်းလင်းစွာ မသိရပေ။
အိန္ဒိယ ဒုသမ္မတသည် ဖေဖော်ဝါရီလ ၅ ရက်နေ့မှ ၈ ရက်နေ့အထိ ၄ ရက်ကြာ မြန်မာနိုင်ငံသို့ လာရောက်လည်ပတ်ခဲ့သည်။
No comments:
Post a Comment