KT/ဖေဖော်ဝါရီ ၅ ၊ ၂၀၀၉
ကရင်နီ (ကယား) ပြည် ဒီမောဆိုမြို့နယ် အတွင်းရှိ နန်းမယ်ခုံ ကျေးရွာအုပ်စု ဆီလီဒုန်းကျေးရွာတွင် သခင်ယေရှုသည် ရွာသူ၊သားများအား ၎င်း၏ ကိုယ်ယောင် ထင်ပေါ်ပြသပေးခဲ့သည်ဟု ဒေသခံများက ပြောဆိုကြသည်။
ကရင်နီပြည်ရှိ ကက်သလစ်သာသနာမှ ကိုယ်တော်တပါးက " ဘုရားကျောင်းထဲက မယ်တော်ရုပ်တုနားမှာနဲ့ မယ်တော်ဂူနားမှာ ပေါ်ပါတယ်။ နှစ်နေရာ ပေါ်တာပေါ့၊ ပေါ်တာက ၄ ရက်လောက်ရှိပြီ။ ကိုင်လို့ မရပါဘူး။ ဓါတ်ပုံရိုက်ရင်လည်း မရပါဘူး၊ မဲမဲပဲ ပေါ်လာတယ်၊ ပြောတယ် " ဟု ပြောသည်။
သခင် ယေရှုကိုယ်ယောင်ပြပေးခဲ့သော နေရာကို သွားရောက်ဖူးမြော်သူတိုင်း မတွေ့ခဲ့ရကြောင်း သိရသည်။ သွားရောက်ဖူးမြော်ခဲ့သည့် ဒေသခံ ရွာသူ၊သား ၁၀ ဦးအနက် ၇ ဦးသာ တွေ့ရှိခဲ့ရပါသည်။
ဆက်လက်ပြီး ကိုယ်တော်တပါးက " တချို့က ရောင်ခြည်ပဲ တွေ့တယ်။ တချို့က ငိုနေတဲ့ပုံ တွေ့တယ်၊ တချို့က ခေါင်းငုံ့နေတဲ့ပုံ။ တချို့က ထိုင်နေတဲ့ပုံ။ တချို့ လက်ဝါးကပ်တိုင်ပုံ မြင်တယ်လို့ ပြောကြတယ် " ဟု ပြောသည်။
သခင်ယေရှု ကိုယ်ယောင်ပြသည့်အကြောင်းနှင့် ပတ်သက်၍ အစမျက်မြင်တွေ့ရှိသူများ ပြောပြချက်အရ ရွာသားတဦးက နာမကျန်းဖြစ်နေတုန်း အိပ်မက် မက်ခဲ့သည်။ ယခင်က ၎င်းကျေးရွာအနီးတွင် မီးရှို့ဖျက်ဆီးထားသည့် လက်ဝါးကပ်တိုင် တခုရှိကြောင်း သိရသည်။
ထိုသူ၏ အိပ်မက်တွင် ဘုရားကသူ့ကို ဖျက်ဆီးထားခံရသည့် လက်ဝါးကပ်တိုင်းအား ပြန်ယူခိုင်းသည်ဟုဆိုကာ ၎င်းအဖော် ၈ ယောက်နှင့်အတူ ကျန်ရှိခဲ့သော အငုတ်ကို သယ်ဆောင်လာပြီး ဘုရားကျောင်းတွင် ပြန်ထားခဲ့သည်ဟု ပြောဆိုကြောင်း သိရသည်။
ဖျက်ဆီးခံခဲ့ရသော ရောမကက်သလစ် လက်ဝါးကပ်တိုင်သည် မည်သူ၊မည်ဝါက ဘယ်နှစ်ခုနှစ်၌ ဖျက်ဆီးခဲ့သည်ကို အတိအကျ မသိရှိသေးပေ။
No comments:
Post a Comment