စစ်အစိုးရ နှင့် ရုရှားပူးပေါင်းသည့် လူ့အခွင့်အရေးချိုးဖေါက်မှု အကြောင်း ပအိုဝ်းလူငယ်များ ရှင်းလင်းပွဲလုပ်

သျှမ်းသံတော်ဆင့်

တောင်ကြီး မြို့ အရှေ့ တောင်ဘက် တွင် ရုရှား နှင့် စစ် အစိုး ရတို့ ပူးပေါင်း ၍ သတ္တု သန့်စင် စက်ရုံ တည်ဆောက် နေခြင်း ကြောင့် ဒေသ ခံများ လယ်ယာ မြေဆုံး ရှုံးခြင်း၊ လူ့ အခွင့် အရေး ဆုံးရှုံး နေခြင်း နှင့် ပတ်သက်ပြီး ထိုင်း နိုင်ငံ အခြေစိုက် ပအိုဝ်း လူငယ်များ ရှင်းလင်းပွဲ တရပ် ကျင်းပ ခဲ့ကြောင်း သိရ သည်။

ယနေ့ နံနက် ၁၀း၃၀ နာရီမှ ၁၂း၀၀ နာရီ အထိ ထိုင်းနိုင်ငံ ချင်းမိုင် တက္ကသိုလ်IC (International Center) ခန်းမတွင် ပအိုဝ်း လူငယ် များ ရှင်းလင်း ပွဲတရပ် ကျင်းပရာ လူအင် အား ၅၀ ကျော် တက်ရောက် ခဲ့သည် ဟုဆို သည်။

သတင်းစာ ရှင်းလင်း ပွဲနှင့် ပတ်သက် ၍ ပအိုဝ်း လူငယ် အစည်း အရုံး ပြောခွင့် ရပုဂ္ဂိုလ် ခွန်ချန်ကြည် က -“ကျနော်တို့ ရည်ရွယ် ချက်က ပင်း ပက်တောင် (လွယ်ပန်ပက်) သတ္တု တူးဖေါ်ရေး လုပ်ငန်းကြောင့် သစ်တော ပြုန်းတီးမှု၊ သဘာဝ ပတ်ဝန်းကျင် ပျက်စီး ဆုံးရှုံး မှု တွေဖြစ် လာ တယ်၊ ဒီတော့ ဒေသခံလူထုရဲ့ ယဉ်ကျေးမှု အမွေ အနစ် တွေကို ကာကွယ်မှု ရအောင် နိုင်ငံ တကာ အင်အား စုတွေ အနီး ကပ် စောင့် ကြည့် စစ်ဆေး မှုပြုပေး ဖို့၊ စီမံကိန်း မှာပါဝင် ပတ်သက်တဲ့ ကုမ္ပဏီ တွေ လုပ်ငန်း မှာရပ်ဆိုင်း ပြီး၊ ဒေသခံ တွေ နစ်နာ ဆုံး ရှုံးခဲ့တဲ့ အိုးအိမ် လယ် ယာတွေ အတွက် ထိုက်တန် တဲ့ နစ်နာ ကြေးရဖို့ -- ကျနော်တို့ သတင်းစာ ရှင်းလင်း ပြွဲုပ လုပ်ရ ခြင်းဖြစ် တယ်” ဟု ဆို၏။

စစ်အစိုးရ စီမံကိန်းက သံရိုင်းတူးဖေါ်သန့်စင်စက်ရုံဟု ပြောဆိုနေသော်လည်း ဒေသခံများကြားတွင် ယူရေနီယံ (နျူကရီး ယားလက် နက် ထုတ်လုပ်ရေး ကုန်ကြမ်း) တူးဖေါ်သန့်စင်နေသည်။ နျူကရီးယား စက်ရုံတည်ဆောက်နေသည်ဆိုသည့် သတင်း ပျံ့နှံ့ နေသော ကြောင့် ဆိုင်ရာအဖွဲ့ အစည်းများက စောင့်ကြည့် စစ်ဆေးမှုများ ပြုလုပ်နိုင်ရန်လည်း ပါဝင်ကြောင်း ဆက်ပြောပါသည်။

မဆလ အစိုးရခေတ် ၁၉၇၉ တွင်လည်း ဗိုလ်ချုပ်နေ၀င်း ညွှန်ကြားချက်ဖြင့် ဦးစိုးဝင်းဦးဆောင်သည့် သတ္တုရှာဖွေရေးအဖွဲ့ တဖွဲ့လည်း ပင်း ပက်တောင်ကြောတွင် စခန်းချပြီး ယူရေနီယံလျှို့ဝှက်ရှာဖွေမြှုပလုပ်ခဲ့ဖူးကြောင်း၊ ယခုလည်း ရုရှား နှင့် စစ်အစိုးရ ပူးပေါင်းပြီး နျူကရီးယားဓါတ်ပေါင်းဖို စက်ရုံတည်ဆောက်နေသည်ဟု သတင်းထွက်ရှိနေသောကြောင့် ဒေသခံလူထု က ပိုမိုစိုးရိမ်ကြောင်း ပအိုဝ်းလူ ငယ်အစည်းအရုံးက ဆိုသည်။

“၂၀၀၄ ခု အဲဒီစီမံကိန်းစတင်ကတည်းက လယ်ယာမြေ အများအပြား သိမ်းပိုက်တယ်။ အနီးတ၀ိုက်ကျေးရွာက မိသားစု တချို့ကို အဓမ္မ အိမ်ယာပြောင်းရွေ့ခိုင်းတယ်။ ရွာသားတွေ အသုံးပြုတဲ့ ချောင်းတွေလဲ ပိတ်ပစ်တယ်။ စိုက်ပျိုးလို့မရအောင် လုပ်တယ်။ ဆောက်လုပ် ရေးအတွက်လိုအပ်တဲ့ ကျောက်တုံး ကျောက်ခဲတွေကို ရွာအနီးတ၀ိုက်ကကျောက်တောင်/ကျောက် ကမ်းပါးတွေမှာ မိုင်းခွဲတဲ့အတွက် ကျောင်းကန် အဆောက်အဦး၊ စေတီပုထိုး၊ အက်ကွဲကုန်တယ်။” ဟု ပြောခွင့်ရပုဂ္ဂိုလ် ခွန်ချန်ကြည်က ရှင်းပြ၏။

ထိုစီမံကိန်းကြောင့် တောတောင်မှီခိုအားထားသည့် ဒေသခံများ တောင်ပေါ်တက်ခွင့် မရတော့ဘဲ မှို၊ မျှစ်၊ ထင်း ရှာဖွေရာ၌ အခက် အခဲဖြစ် သည့်အပြင် ကန့်သတ်နယ်မြေကြောင့် လွတ်လပ်စွာသွားလာရန် အခက်အခဲဖြစ်သောကြောင့် ရိုးရာပွဲတော် ကျင်းပခွင့်လည်း ဆုံးရှုံးကြောင်းပြောပါသည်။

ပင်းပက် (ခေါ်) လွယ်ပန်ပက် သတ္တုတူးဖေါ်ရေး စီမံကိန်းနေရာသည် သျှမ်းပြည်မြို့တော် တောင်ကြီးမြို့ ၏ အရှေ့ တောင်ဘက် ၇ မိုင် အကွာဝေးပြီး၊ အနီးအနားကျေးရွာ ၂၅ ရွာ၊ သျှမ်း နှင့် ပအိုဝ်း လူဦးရေ ၇ ထောင်ခန့်နေထိုင်ကြောင်း ပြောပါသည်။

အဆိုပါရှင်းလင်းပွဲနှင့်ပတ်သက်၍ အင်္ဂလိပ်/မြန်မာဘာသာဖြင့် စာမျက်နှာ ၅၉ မျက်နှာရှိ “အနာဂတ်ကိုလုယူဖျက်ဆီးခြင်း” ဆိုသည့် အစီ ရင်ခံစာ (ဖတ်ရှုရန့် http://paoyouthorganization.blogspot.com) လည်း ထုတ်ဝေဖြန့်ချီလိုက်ပြီဖြစ်ကြောင်း ဆိုပါသည်။