ဘူးသီးတောင်ထောင်ထဲရှိ နိုင်ငံရေး အကျဉ်းသား အများအပြားကို သီးသန့် မထားဘဲ ရာဇ၀တ် ပြစ်မူ ကျူးလွန် သူများနှင့် အတူရောထား သဖြင့် နိုင်ငံရေး အကျဉ်းသားများ အနေဖြင့် အခက်ကြုံနေရကြောင်း သတင်း ရရှိသည်။ များမကြာမှီက ထောင်ထဲမှ လွတ်လာသူ တဦးက � အခု လောလောဆယ် ရာဇ၀တ်သားတွေနဲ့ အတူ ရောထားတာက နိုင်ငံရေးသမား ၅ ဦး ဖြစ်ပါတယ်။ သူတို့ကိုကျွန်တော်တို့နေတဲ့ အဆောင် ၃ မှာထားပါတယ်။� ဟု ပြောသည်။
ရာဇ၀တ်သားများနှင့် အတူ ထားခံရသည့် နိုင်ငံရေးသမား ၅ ဦးမှာ ၂၀၀၇ ခုနှစ် စစ်တွေ ရွှေဝါရောင်တော်လှန်ရေးကို ဦးဆောင်ခဲ့သဖြင့် ဖမ်းဆီး လူဝတ်လဲခံရသူ ဦးအိသရိယ၊ တောင်ကုတ်မြို့မှ အဖွဲ့ချုပ် လူငယ်များ ဖြစ်ကြသည့် ကိုမိုးနေစိုး၊ ကိုချစ်မောင်မောင်၊ ကိုသန်းဌေးနှင့် ကိုမောင်မောင်သက် တို့ ဖြစ်ကြသည်။
ခုလို ရာဇ၀တ် ပြစ်မူ ကျူးလွန်တဲ့ ထောင်သားတွေ အတူထားတဲ့ အတွက် သူတို့ လုံခြုံရေးကို စိုးရိမ်ရတယ်။ ထောင်ထဲမှာက ကြီးနိုင် ငယ်ညှဉ်း စနစ် တွေရှိပါတယ်။ ပီးရင် မကြာခဏ ထောင်သားတွေ ရန်ဖြစ် တာတွေလည်း ရှိပါတယ်။ ထောင်အာဏာပိုင်တွေကို နေရာ ပြောင်းရွှေ့ပေးဖို့ ပြောပေမယ့် လည်း ထောင်အာဏာာပိုင်တွေက ဆောင်ရွက်ပေးမယ်ဆိုပီး ဘယ်တော့မှ မပြောင်းပေးဘူး။ ချိုးမယ့် ရေဆိုရင်လည်း သူတို့က တခြား ထောင်သား တွေလိုဘဲ ၆ ဖလားဘဲ ရပါတယ်။ ကျွေးတဲ့ ထမင်းကလည်း ပုံစံ ထမင်း ဖြစ်ပါတယ်� ဟု သူက ဆက်ပြောသည်။
ရှစ်ဆယ်ရှစ် ကျောင်းသား ခေါင်းဆောင် ကိုဌေးကြွယ်ကိုမူ အတွင်း ထောင်တွင် သီးသန့်ထားရှိပြီး တီဗွီ တလုံးနှင့် မီးစက် တလုံးအား များမကြာမှီက တပ်ဆင် ပေးထားသည်ဟု သူက ပြောသည်။
� ကိုဌေးကြွယ်နဲ့ ထောင်သားတွေကို တွေ့ခွင့်မပေးပါဘူး။ သူ့ကို သီးသန့်ထားပါတယ်။ သူကိုတွေ့နိုင်တာက ဥပုတ်နေ့တွေမှာဆိုရင် ဘုရား ၀တ်ပြုတဲ့ ခမ်းမဆောင်မှာ တွေ့နိုင်ပါတယ်။ ဒါပေမယ့်လည်း ထောင်သား တွေက အများကြီးဆိုတော့ စကားပြောရဖို့ဆိုတာ မလွယ်ပါဘူး။ သူ့ကို သတင်းစာ ဖတ်ခွင့်ပေးတယ်။ လတိုင်း အစားအသောက်နဲ့ ဆေးဝါးတွေ အပြင်က ပုံမှန်လာပါတယ်။ တခြားထောင်ထဲက နိုင်ငံရေး အကျဉ်းသား တွေကို သူက စားစရာ သောက်စရာတွေနဲ့ ဆေးဝါးတွေ မျှဝေပေးပါတယ်။ သူ့ရဲ့ အခြေအနေက ကောင်းတယ်လို့ ပြောမယ်ဆိုရင် ပြောလို့ ရမယ်ထင်ပါတယ်။ ဒါပေမယ့် ကျွန်တော်ထွက်မလာခင် ကိုဌေးကြွယ် နေမကောင်း ဖြစ်နေတယ်လို့ ကြားခဲ့ရပါတယ်။�
တောင်ကုတ်မြို့မှ ကျောင်းသူ တဦးဖြစ်သူ မနီနီမေမြင့်ကိုလည်း အတွင်းဆောင်တွင် အမျိုးသမီးများနှင့် အတူထားသဖြင့် သူမ၏ အခြေအနေကို တိတိကျကျ မသိရှိကြောင်းသူက ပြောသည်။
ဘူးသီးတောင်ထောင်ထဲတွင် ထောင်သား ၁၄၅၀ ဦးရှိပြီး နိုင်ငံရေး အကျဉ်းသား ၂၀ ကျော်ရှိကြောင်း သိရသည်။ တနေ့အတွက် ဆန်အိတ် ၂၄ လုံး ထုတ်ပေးသော်လည်း ၁၇ အိတ်ကို ချက်ပြီး ကျန် ၇ အိတ်ကို ထောင်ပိုင်၊ ထောင်မှူးများက ရောင်းစားကြသည်ဟု သူက ပြောသည်။
လက်ရှိ ဘူးသီးတောင် ထောင်ပိုင်မှာ ဦးတင့်ဆွေ ဖြစ်ပြီး ထောင်မှူးမှာ ဦးကြည်ဦး ဖြစ်ကြောင်း သိရသည်။
၎င်းပြင် ဘူးသီးတောင် ထောင်ထဲတွင် လွတ်ရက်နီး ထောင်သားများကို အပြင်သို့ ထုတ်ကာ အလုပ်ခိုင်းစေလေ့ရှိပြီး အလုပ် မလုပ်လိုသူ ထောင်သားများ အနေဖြင့် ထောင်ပိုင်၊ ထောင်မှူးတို့ကို ငွေ ၃၀၀၀၀ ကျပ်ကနေ တသိန်းထိပေးရသည်ဟု သူက ပြောသည်။
No comments:
Post a Comment