မုံရွာမြို့ရှိ ချင်းတွင်း ရတနာ ဈေးသစ်ကြီး ယနေ့ နံနက်က မီးလောင်ကျွမ်းသဖြင့် ဆိုင်ခန်းပေါင်း ၄၀၀ ကျော် မီးထဲပါသွားပြီး သန်းပေါင်း ၇၀၀ နီးပါး ဆုံးရှုံးသွားသည်ဟု သတင်းရရှိသည်။ မီးကို ပုလဲ၊ မြင်းမူ၊ အလုံ၊ ဆားလင်းကြီး တို့မှ မီးသတ်ကား များလာရောက်ကာ ၀ိုင်းဝန်း မီးငြိမ်း သတ်ခဲ့သည်ဟု သိရသည်။
“မီးစလောင်တာက လျှပ်စစ်မီးက လျှော့ဖြစ်ပြီး ကြိုးတွေကတဆင့် မီးစလောင်တာ ဖြစ်တယ်လို့ သိရပါတယ်။ မီးလောင်တဲ့ အချိန်မှာလူ တွေကလည်း အိပ်ပျော်နေတဲ့ အချိန်ဖြစ်တဲ့အတွက် ချက်ချင်း လောင်ကျွမ်းသွားတာ ဖြစ်ပါတယ်။ မီးစလောင်တာနဲ့ ပေါက်ကွဲ သံတခုကြားလိုက်ရတယ်။ ပီးရင်မီးက တဟုန်ထိုး ထလောင်တာ ဖြစ်ပါတယ်” ဟု ဈေးအနီးရှိ ဒေသခံတဦးကပြောပြသည်။
နံနက် ၉ နာရီခန့်မှ မီးညွန့်ကျိုးကျသွားခဲ့သည်ဟု မျက်မြင်များက ပြောသည်။
ဆိုင်ခန်း ၁၀၀ ကျော် မီးထဲမှ ကင်းလွတ်ခဲ့သည်ဟု သိရသည်။ အများစု ဈေးဆိုင်ပိုင်ရှင်များမှာ မီးနှင့် အတူ အပူမီးလောင်မြိုက်ကာ ပူဆွေး ငိုယိုနေကြသည်ဟု သိရသည်။
လွန်ခဲ့သော မေလ ၂၄ ရက်နေ့ ကလည်း ရန်ကုန်မြို့ မင်္ဂလာဈေးကြီး မီးလောင်ကျွမ်းမှုကြောင့် ဆိုင်ခန်း ၈၄၅ ခန်းမီးထဲပါသွားခဲ့သည်။
No comments:
Post a Comment