ဒီကနေ့ သြဂုတ်လ ၆ ရက် မနက် တစ်နာရီ လေးဆယ့်ငါး မိနစ်လောက်မှာ လုံထိန်းအင်အား ရာနဲ့ချီက ဇီးတောရွာ ဘုန်းကြီးကျောင်းကို ဝင်ရောက်လာပြီး လက်ပံတောင်ကြေးနီစီမံကိန်း ဆန့်ကျင်မှုမှာ ပါဝင်တဲ့ ကျောင်းသားတွေကို ရှာဖွေခဲ့ပြီး ဘုန်းကြီးကျောင်းသားကိုလည်း ရိုက်နှက်တာတွေ လုပ်ခဲ့တဲ့အပြင် ရွာသား လေးယောက်ကိုလည်း ဖမ်းဆီးခဲ့တယ်လို့ သိရပါတယ်။
ဖမ်းဆီးခံရသူ ရွာသား လေးယောက်ထဲက နှစ်ယောက်ကတော့ လက်ထိပ်တန်းလန်းနဲ့ ထွက်ပြေးလွတ်မြောက်လာခဲ့တယ်လို့ သိရပါတယ်။ လက်ပံတောင်းတောင် အရေးလှုပ်ရှားသူတွေနဲ့ ဘုန်းကြီးတွေကတော့ ရွာသားတွေရဲ့ အသိပေးမှုကြောင့် အချိန်မှီ တိမ်းရှောင်နိုင်ခဲ့တယ်လို့ သိရပါတယ်။
No comments:
Post a Comment