ဇူလိုင်လ ၂၄ ရက်နေ့က မြန်မာနဲ့တရုတ် ကုမ္ပဏီကြား သဘောတူညီမှု လက်မှတ်အသစ် ပြန်ထိုး ခဲ့တာ ဖြစ်ပါတယ်။
သဘောတူညီချက် သစ်ထဲမှာ၊ မြေယာမြေ ၂၈၂၈ ဧက သိမ်းစည်းခံခဲ့ရတဲ့ ဒေသခံ လယ်သမား အယောက် ၁၀၃၇ဦး အတွက် အမေရိကန် ဒေါ်လာ ၃သန်းနဲ့ ညီမျှတဲ့ လျှော်ကြေးငွေ၊ သိမ်းစည်းထားတဲ့ လယ်မြေ ၂၈၃.၆၉ ဧက ကိုလဲ လယ်သမား တွေကို ပြန်အပ် နေပြီ ဖြစ်တဲ့အကြောင်း ၇၉% အထိ ပြန်အပ်ခဲ့ပြီး ဆက်လက် အပ်နှံနေတယ်လို့ ဆိုပါတယ်။
နေအိမ်တွေကနေ ဖယ်ရှား ခံခဲ့ရတဲ့ ရွာသူရွာသားတွေ အိမ်ယာသစ် တည်ဆောက်ပေးတာတွေ၊ ဒေသခံရွာသားတွေအတွက် အလုပ်အကိုင် ဖန်တီးတာတွေ ပြုလုပ်နေပြီး အနီးအနားမှာ sulfuric acid ထုတ်လုပ်တဲ့ စက်ရုံတည်ဆောက်ဖို့လဲ ဆောင်ရွက်နေတယ်လို့ ဆိုပါတယ်။
စီမံကိန်းဒေသအတွင်း ပညာရေး၊ ကျန်းမာရေးနဲ့ လူမှုရေး စီမံကိန်းလုပ်ငန်းတွေကိုလဲ မြှင့်တင်ပေးနေပြီလို့ ဆိုပါတယ်။
သဘောတူညီချက်ထဲမှာ အမြတ်ငွေ ခွဲဝေပုံအရ Myanmar Mining Enterprise က ၅၁% Myanmar Economic Holding Ltd. က ၁၉% နဲ့ တရုတ် China's Wanbao Mining Ltd က ၃၀% ဝေစု ရကြမှာ ဖြစ်တယ်လို့ သိရပါတယ်။
အဲဒီထဲကမှ ၂% ဟာ လူမှုရေး အကျိုးပြုလုပ်ဆောင်ချက်တွေ အတွက် ရာထား ပြီး နိုင်ငံတကာ စံနှုန်းမှီတဲ့ သဘာဝပတ်ဝန်းကျင် ထိန်းသိမ်းရေးအဆင့်လုပ်ငန်းတွေကိုပါ လုပ်ဆောင် နိုင်မှာဖြစ်တယ်လို့လဲ ဆိုပါတယ်။
No comments:
Post a Comment