၈၈ အရေးအခင်း ငွေရတု စတင်ကျင်းပ

ABC

မြန်မာနိုင်ငံက ​စစ်အာဏာရှင်စနစ်ကို ​တွန်းလှန်ခဲ့တဲ့ ​၈၈ ​အရေးတော်ပုံကြီး ​၂၅နှစ်ပြည့် ​ငွေရတုအကြို ​ဖွင့်ပွဲကို ​သြဂုတ်လ ​၆ရက်နေ့က ​ရန်ကုန်မြို့မှာ ​စတင်ကျင်းပခဲ့ပြီး ​သြဂုတ်လ ​၈ရက်နေ့အထိ ​ကျင်းပ ​သွားဖို့ရှိပြီးတော့ ​၂၅နှစ်တာအတွင်း ​ပထမအကြိမ် ​တရားဝင် ​ကျင်းပခွင့်ရတာဖြစ်ပါတယ်။

သြဂုတ်လ ​၈ ​ရက်နေ့မှာ ​ကျရောက်မဲ့ ​၈ ​လေးလုံးအရေးအခင်း ​လို့လူသိများခဲ့ပြီး ​၈ရက် ​၈လ ​၈၈ခုနှစ်မှာဖြစ်ခဲ့တဲ့ ​ဒီမိုကရေစီအရေးတော်ပုံကြီး ​ငွေရတုအကြိုဖွင့်ပွဲကို ​နိုင်ငံရေးပါတီတွေ၊ ​တိုင်းရင်းသား ​အဖွဲ့အစည်းတွေ၊ ​လက်နက်ကိုင် ​အဖွဲ့အစည်းတွေ၊ ​ဒီမိုကရေစီအင်အားစုတွေနဲ့ ​ပညာရှင်တွေ ​တက်ရောက်ခဲ့ကြပါတယ်။ ​အခမ်းအနားကို ​လူပေါင်း ​လေးထောင်နီးပါးတက်ရောက်ခဲ့ ​ပါတယ်။

သုံးရက်ကြာ ​ကျင်းပသွားမဲ့ ​၂၅နှစ်မြောက် ​၈လေးလုံး ​ငွေရတု ​အခမ်းအနား ​အဖွင့်အမှာစကားကို ​ကိုမင်းကိုနိုင်ကပြောကြားခဲ့ပြီး ​အခမ်းအနားမှာ ​မြန်မာ့နိုင်ငံရေးနဲ့ပတ်သက်တဲ့ ​ခေါင်းစဉ်တွေခွဲပြီး ​ဆွေးနွေးပွဲတွေပြုလုပ်သွားဖို့ရှိတယ်လို့ ​၈၈မျိုးဆက်ကျောင်းသားခေါင်းဆောင်တဦးဖြစ်တဲ့ ​ကိုပြုံးချိုက ​အခုလို ​ပြောပါတယ်။

“ဒီနေ့ကနေဆွေးနွေးပွဲတွေကို ​စတင်ကျင်းပတာဖြစ်ပြီး ​ခေါင်းစဉ်ကို ​၆ခုခွဲပြီးဖိတ်ခေါ်ထားတာ ​ရှိပါတယ်။ ​ဒီမို ​ကရေစီရေးတွေ၊ ​လူ့အခွင့်အရေး ​ဖော်ဆောင်မှုတွေ၊ ​နောက်ပြီးတော့ ​တိုင်းရင်းသား ​ရေးရာ၊ ​အနာဂတ်မြန်မာနိုင်ငံရဲ့ ​ပြန်လည် ​တည်ဆောက်ရေးကိစ္စတွေမှာ ​ပူးပေါင်းပါဝင် ​ဆောင်ရွက် ​နိုင်မဲ့ ​နည်းလမ်းတွေရှာဖွေနိုင်ဖို့ ​အတွက် ​ဆွေးနွေးပွဲတွေကို ​ခေါင်းစဉ်တွေခွဲပြီး ​ဆွေးနွေးကြမှာ ​ဖြစ်ပါတယ်။”

၃ရက်တာဆွေးနွေးပွဲကနေပြီးတော့ ​လွန်ခဲ့တဲ့ ​၂၅နှစ်က ​စွန့်လွတ်အနစ်နာခံခဲ့ကြတဲ့သူတွေရဲ့ ​ဆန္ဒကို ​အကောင်အထည်ဖော်ဆောင်ရွက်ပေးနိုင်မယ်လို့ ​ယုံကြည်တဲ့အကြောင်းလည်း ​ကိုပြုံးချိုက ​အခုလိုဆက်ပြောပါ ​တယ်။

“ဒီအခမ်းအနားကနေပြီးတော့ ​လာမဲ့အနာဂတ်မှာ ​ကျနော်တို့နည်းလမ်းကောင်းတွေ ​ဘယ်လိုရှာ ​ဖွေနိုင်သလဲ၊ ​နောက်ပြီးတော့ ​အတူတကွပူးပေါင်းဆောင်ရွက်မှုတွေ ​ဘယ်လောက်နီးနီး ​ကပ်ကပ် ​ဖော်ဆောင် ​နိုင်သလဲဆိုတဲ့ ​ရည်မှန်းချက်တွေအပြင်ကို ​လွန်ခဲ့တဲ့ ​၂၅နှစ်က ​အရေးတော်ပုံကြီးမှာ ​ပေးဆပ်စွန့်လွတ် ​အနစ်နာ ​ခံခဲ့ကြတဲ့ ​သူတွေရဲ့ယုံကြည်ချက်တွေ၊ ​ရည်ရွယ်ချက်တွေကို ​အကောင် ​အထည်ဖော်နိုင်ဖို့အတွက် ​အခြေခံဆုံးဖြတ်ချက် ​တွေ ​ရရှိလိမ့်မယ်လို့ ​ကျနော်တို့ ​တထစ်ချ ​ယုံကြည်ထားပါတယ်။”

၁၉၈၈ခုနှစ်ဒီမိုကရေစီအရေးတော်ပုံအတွင်း ​ကျဆုံးခဲ့တဲ့သူတွေကို ​ရည်စူးပြီး ​ဆွမ်းကပ်လှူဒါန်းမှုလည်း ​ပြုလုပ်သွားမယ်လို့ ​သိရပါတယ်။ ​၂၅နှစ်မြောက်၈လေးလုံးငွေရတုအခမ်းအနားကို ​ဒီနှစ်မှာတရားဝင် ​ကျင်းပခွင့် ​ရရှိလာတာဖြစ်တဲ့ ​အတွက် ​မန္တလေးမြို့နဲ့ ​တချို့နယ်မြို့တွေမှာလည်း ​ဒီကနေ့ကျင်းပ ​ခဲ့ကြတဲ့ ​အကြောင်း ​ရေဒီယို ​သြစတြေးလျ ​သတင်းထောက် ​မြတ်မိုးက ​သတင်းပေးပို့ထားတာ ​ဖြစ်ပါတယ်။


မြိတ်မြို့က ​ကျင်းပမဲ့ ​၂၅နှစ်ပြည့် ​ငွေရတုအခမ်းအနားကို ​အာဏာပိုင်တွေနှောင့်ယှက်

သြဂုတ်လ ​ရှစ်ရက်နေ့မှာ ​ကျရောက်တဲ့ ​ရှစ်လေးလုံး ​ငွေရတုအခမ်းအနားကို ​တခြားမြို့တွေမှာ ​သုံးရက်ကြာ ​ကျင်းပနေကြသလို ​မြိတ်မြို့နယ်မှာလည်း ​သြဂုတ်လ ​၈ ​ရက်နေ့မှာ ​ကျင်းပမှာဖြစ်ပေမယ့် ​အခမ်းအနားကြေညာဆိုင်းဘုတ်နဲ့ ​ပတ်သက်ပြီး ​အာဏာပိုင်တွေရဲ့ ​ဖိအားပေးမှုတွေ ​ခံခဲ့တယ်လို့ ​သိရပါတယ်။

မြိတ်ခရိုင်အုပ်ချုပ်ရေးမှူး ​ဦးလွင်ကိုဦးက ​ရှစ်လေးလုံးအရေးတော်ပုံ ​အခမ်းအနားကြော်ငြာတဲ့အနေနဲ့ ​စိုက်ထူထားတဲ့ ​ဗွီနိုင်း ​ဆိုင်းဘုတ်ပါ ​စာသားတွေဟာ ​ပြည်သူတွေကို ​သွေးထိုးလှုံ့ဆောက်ရာ ​ရောက်တဲ့အတွက် ​အဲဒီဆိုင်းဘုတ်တွေကို ​ဖြုတ်ချပေးဖို့ ​မြိတ်ခရိုင် ​၈၈ ​မျိုးဆက်အဖွဲ့နဲ့ ​အန်အယ်လ်ဒီအဖွဲ့ ​တာဝန်ရှိသူတွေကို ​ဖိအားပေး ​ပြောကြားခဲ့ပါတယ်။

ဆိုင်းဘုတ်ပါ ​စာသားတွေထဲမှာ ​မြန်မာနိုင်ငံ ​စစ်အာဏာရှင် ​ဖယ်ရှားရေး၊ ​ဒီမိုကရေစီအရေးတို့အတွက် ​တိုင်းရင်းသား၊ ​ရဟန်းရှင်၊ ​လူ၊ ​ကျောင်းသား၊ ​ပြည်သူတစ်ရပ်လုံး ​ပါဝင်ခဲ့သော ​ရှစ်လေးလုံး ​ဒီမိုကရေစီအရေးတော်ပုံ ​လှုပ်ရှားမှုကြီး ​၂၅ ​နှစ်မြောက် ​ငွေရတုအခမ်းအနားသို့ ​မြိတ်မြို့ပြည်သူ ​တစ်ရပ်လုံး ​တက်ရောက်ဖို့ ​ဖိတ်ကြားအပ်ပါသည် ​ဆိုတဲ့ ​စာသားတွေ ​ပါရှိပါတယ်။

ဆိုင်းဘုတ်မှာ ​ပါဝင်တဲ့ ​စစ်အာဏာရှင် ​ဖယ်ရှားရေး ​နဲ့ ​ဒီမိုကရေစီ ​အရေးတော်ပုံ ​လူထုလှုပ်ရှားမှု ​ဆိုတဲ့ ​အရေးအသားက ​ပြည်သူတွေကို ​လှုံ့ဆော်ရာ ​ရောက်တဲ့အတွက် ​ဖြုတ်သိမ်းပေးဖို့ ​ပြောခဲ့တာ ​ဖြစ်ပါတယ်။

အခမ်းအနားစီစဉ်သူတွေကတော့ ​ဆိုင်းဘုတ်ပါစာသား ​ဖော်ပြရတာဟာ ​လူငယ်တွေ ​သိရှိနိုင်ဖို့အတွက်သာဖြစ်ပြီး ​သွေးထိုးလှုံ့ဆော်တဲ့အနေနဲ့ ​ရေးသားတာမဟုတ်ဘူးလို့ ​ပြန်လည်ရှင်းပြပြီးနောက် ​ဆိုင်းဘုတ်တွေကို ​ဖြုတ်သိမ်းပေးလိုက်ပြီး ​ဖြစ်ပါတယ်။ ​ဒီလိုအခြေအနေကြောင့် ​ငွေရတုအခမ်းအနား ​ကျင်းပမယ့် ​ကလွင်ရွာ ​တောရအောက်ကျောင်းရှေ့မှာ ​တင်ထားတဲ့ ​ဆိုင်းဘုတ်အပြင် ​အန်အယ်လ်ဒီရုံးနဲ့ ​နေအိမ်တချို့က ​ဆိုင်းဘုတ်တွေကို ​ဖြုတ်သိမ်းခဲ့ကြပါတယ်။ ​ဆိုင်းဘုတ်ပါစာသားနဲ့ ​ပတ်သက်ပြီး ​ဖိအားပေးခံခဲ့ရတဲ့အပေါ် ​မကျေမနပ်ဖြစ်နေကြတယ်လို့ ​သိရပါတယ်။

မြိတ်မြို့မှာ ​ကျင်းပမယ့် ​ရှစ်လေးလုံး ​ငွေရတု ​အခမ်းအနားကို ​နိင်ငံရေးပါတီတွေ၊ ​ကျောင်းသား ​သမဂ္ဂ၊ ​မြိတ် ​ဆရာ/ဆရာမများ ​သမဂ္ဂ၊ ​မြိတ်မြို့နယ်လုံး ​ဆိုင်ရာ ​အလုပ်သမားများ ​သမဂ္ဂ၊ ​မြိတ်ခရိုင် ​တောင်သူ ​လယ်သမား ​အစည်းအရုံး၊ ​ကရင်အမျိုးသား ​အစည်းအရုံး ​KNU၊ ​ဘာသာရေး ​အဖွဲ့တွေ၊ ​လူမှု ​အထောက်အကူပြု ​အဖွဲ့တွေ၊ ​မြိတ်ခရိုင် ​ဆရာဝန်လူငယ်များ ​ကွန်ယက်၊ ​ABSDF ​ကျောင်းသား ​တပ်မတော်သားဟောင်းတွေပါ ​တက်ရောက်ဖို့ ​ရှိတဲ့အကြောင်း ​အလွတ်သတင်းထောက် ​ရွှေမြိတ်သားလေး ​ဇော်ဇော်က ​သတင်းပေးပို့ခဲ့ပါတယ်။