“မွန်ပြည်သစ်ပါတီ ယခု သွားနေတဲ့ နိုင်ငံရေး လုပ်ငန်းစဉ် တွေကို ဆွေးနွေးဖို့ နှစ်ဖက် Techanical Team အဖွဲ့က အ ရင်တွေဆုံ ဆွေးနွေး ကြတာပါ။ မြိတ်ဘက်မှာ ဖြစ်ခဲ့တဲ့ တိုက်ပွဲကိစ္စတွေကြောင့် တွေ့ကြတာ မဟုတ်ပါဘူး။” ဟု ဆိုပါ သည်။
ဤဆွေးနွေးပွဲသည် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) ၏ ညီလာခံ ကျင်းပပြီး နောက် UNFC အဖွဲ့ဝင်အား အစိုးရမှ ပထမဆုံးအကြိမ် တွေ့ဆုံသော နိုင်ငံရေးဆွေးနွေး ပွဲလည်း ဖြစ်ပါသည်။ ဤ ဆွေးနွေးပွဲသည် UNFC ညီလာခံ၏ ရပ်တည်မှုကို ခြိမ်းခြောက်နိုင်ဖွယ် ရှိနေသည်ဟု ပြည်တွင်းရှိ မွန်နိုင်ငံရေးခေါင်းဆောင်က ဆိုပါ သည်။
အကြောင်းမှာ UNFC သည် ၄င်းတို့ဆုံးဖြတ်အပေါ် ပြတ်သားစွာ ရပ်တည်နိုင်ခဲ့ခြင်း မရှိခဲ့ပေ။ အပစ်အခတ်ရပ်စဲရေးကို တဖွဲ့ချင်း မဆွေးနွေးရန် အရင်က မူချခဲ့ဘူးသော်လည်း လက်တွေ့တွင် အပစ်အခတ်ရပ်စဲရေးကို တဖွဲ့ချင်းလည်း ဆွေး နွေးနိုင်သည်ဟု မူပြောင်းခဲ့ရဘူးပါသည်။ ထို့အပြင် ကချင် လွတ်လပ်ရေးအဖွဲ့ကို ၂၀၁၂ ဇွန်လ (၁၀) ရက် မတိုင်မှီ အ ပစ်ရပ်ပေးရန် ရာဇသံ ပေးခဲ့ဘူးသော်လည်း နောက်ဆုံးတွင် ပြောင်းလဲခဲ့ရပါသည်။ ဤသို့ကြောင့် ညီလာခံ၏ ဆုံး ဖြတ် ချက်အပေါ် UNFC ၏ ရပ် တည်ချက်မည်မျှ ခိုင်မာသည်ကို စမ်းသပ်သည့် ဆွေးနွေးပွဲလည်း ဖြစ်နိုင်ကြောင်း သံသယ ဖြစ်နေခဲ့ခြင်းဖြစ်ပါသည်။
အစိုးရသည် UNFC ၏ ရပ်တည်ချက်များကို ၄င်းတို့၏ အားနည်းသော အဖွဲ့ဝင်များဖြင့် ချေဖျက်ရန် တုန့်ပြန် လေ့ရှိသ ဖြင့် မွန်ပြည်သစ်ပါတီနှင့် နိုင်ငံရေးဆွေးနွေးပွဲ ကျင်းပရန် စီစဉ်ခြင်းသည် တုန့်ပြန် စမ်းသပ်ကွင်း ဖြစ်နိုင်ဖွယ်ရှိသည်ဟု မွန်ခေါင်းဆောင်များက ဆိုနေကြခြင်း ဖြစ်ပါသည်။
အစိုးရတပ်ဖွဲ့များသည် နယ်မြေလုံခြုံရေးကို အကြောင်းပြပြီး ပြီးခဲ့သည့်ဇူလိုင် (၁၆) ရက်နေ့တွင် တနင်္သာရီတိုင်း မြိတ်ခ ရိုင်ရှိ NMSP စခန်းကို တိုက်ခိုက်ခဲ့သည့်အပြင် သုမင်္ဂလံကျေးရွာကိုပါ မီးရှို့ဖျက်ဆီးခဲ့ပါသည်။ ဤပြသနာ၌ မှားယွင်းစွာ ပစ်ခတ်ခဲ့သည်ဟု အစိုးရဖက်မှ အကြောင်းပြသော်လည်း NMSP တပ်မှူးများကမူ တမင်ပစ်ခတ်ခဲ့သည်ဟု ဆိုနေပါ သည်။
ဤကဲ့သို့ အပေါ်စီးရရှိနိုင်သည့် အဖွဲ့များအား အစိုးရသည် UNFC ညီလာခံပြီးပြီးချင်း နိုင်ငံရေးအရ ဆွေးနွေးလိုသည်ဟု ဖိတ်ကြားခြင်းသည် သတိထားရမည့် အချက်ဟု မွန်နိုင်ငံရေးသမားများက ဆိုလိုခြင်းဖြစ်ပါသည်။ အကြောင်းမှာ UNFC အဖွဲ့ဝင်များသည် အစိုးရလိုလားသော တပြည်လုံး အပစ်အခတ်ရပ်စဲရေး လက်မှတ်ထိုးပွဲကို သတိထား တုန့်ပြန်လိုက် သည့်အပြင်၊ ၂၀၀၈ အခြေ ခံဥပဒေ ဆန့်ကျင်ခဲ့ပါသည်။ ဤသို့ကြောင့် အစိုးရဖက်မှ တုန့်ပြန်လာတော့မည်မှာ သေ ချာသည်ဟု ဆိုပါသည်။
မွန်ပြည်သစ်ပါတီသည် ၁၉၉၅ ခုနှစ်တွင် အစိုးရနှင့် ပထမအကြိမ် အပစ်အခတ် ရပ်စဲရေး သဘောတူခဲ့သည့် တိုင်း ရင်းသား လက်နက်ကိုင် အဖွဲ့ ဖြစ်သည်။ ၂၀၁၀ ခုနှစ်တွင် အစိုးရ၏ နယ်ခြားစောင့်တပ် ဖွဲ့စည်းရေးမူကို လက်မခံ သောကြောင့် နှစ်ဖက် အပစ်ရပ်ရေးကို ပျက်ပြယ်စေခဲ့ပါသည်။
၂၀၁၂ ခုနှစ် ဖေဖော်ဝါရီလ ၂၅ ရက်နေ့တွင် မွန်ပြည်သစ်ပါတီသည် ဒုတိယအကြိမ် အစိုးရအဖွဲ့နှင့် ပြည်နယ် အဆင့် အပစ်ရပ်ရေးကို ထပ်မံသဘောတူ လက်မှတ် ရေးထိုးခဲ့ပြီး ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော် မတီနှင့် ငါးကြိမ် တိုင်တိုင် တွေဆုံခဲ့သည်။ ဤအချိန်အထိ အစိုးရနှင့် ထပ်မံတိုက်ပွဲဖြစ်ပွားခဲ့ခြင်း မရှိပေ။
No comments:
Post a Comment