ဆက်သွယ်ရေး ကုမ္ပဏီတွေက အခုလို စီစဉ်ဆောင်ရွက်မှုတွေ လုပ်ဆောင်နေပြီးဆိုတဲ့အကြောင်းကို နေပြည်တော်မှာ ကျင်းပပြုလုပ်နေတဲ့ ဆက်သွယ်ရေးလုပ်ငန်း ဆွေးနွေးပွဲအတွင်းမှာပြောလိုက်တာ ဖြစ်ပါတယ်။ ဆွေးနွေးပွဲကို မြန်မာ့ဆက်သွယ်ရေးလုပ်ငန်း(MPT)နဲ့ ရတနာပုံတယ်လီပို့ ကုမ္ပဏီ(YPT) အပြင် ဆက်သွယ်ရေးလိုင်စင် ရရှိထားတဲ့ Telenor နဲ့ Ooredoo ကုမ္ပဏီတို့ ပါဝင်တက်ရောက် ဆွေးနွေးခဲ့ကြပါတယ်။
မြန်မာနိုင်ငံမှာ လာမယ့် ၂၀၁၅ ခုနှစ်ကျရင် လူဦးရေသန်း ၃၀ အထိ မိုဘိုင်းဖုန်း အသုံးပြုနိုင်အောင် ဆက်သွယ်ရေး လုပ်ငန်းတွေက ဆောင်ရွက်သွားမှာဖြစ်ပါတယ်။
ပြုပြင်ပြောင်းလဲမှုဆောင်နေချိန်မှာ စိန်ခေါ်မှုအသစ်တွေနဲ့ကြုံရပေမယ့် ဈေးကွက်မှာ ပြိုင်ဆိုင်နိုင်ဖို့အတွက် မိတ်ဖက် အဖွဲ့အစည်းတွေနဲ့ ပူးပေါင်းဆောင်ရွက်သွားမှာပါဖြစ်တယ်လို့ မြန်မာ့ဆက်သွယ်ရေးလုပ်ငန်း MPT က ဦးဆောင် ညွှန်ကြားရေးမှူး ဦးအောင်မော်ကပြောပါတယ်။
နိုင်ငံခြားကုမ္ပဏီတွေ မြန်မာ့ဆက်သွယ်ရေးကဏ္ဍာထဲကို ဝင်ရောက်လာတဲ့အတွက် ရင်းနှီးမြှုပ်နှံမှုသာမက နည်းပညာနဲ့ ကျွမ်းကျင်မှုတွေပါ ယူဆောင်လာမှာဖြစ်တဲ့အတွက် မြန်မာ့ ဆက်သွယ်ရေး လုပ်ငန်းအတွက် အလွန်အထောက်အကူပြုသလို ရတနာပုံ တယ်လီပို့ အနေနဲ့ ကလည်း ရေရှည်လက်တွဲလုပ်ကိုင်မဲ့ လုပ်ငန်းရှင်တွေလိုအပ်တယ်လို့ ရတနာပုံတယ်လီပို့ ကုမ္ပဏီကအမှုဆောင်အရာရှိချုပ် ဦးတင်ဝင်းက ပြောတဲ့အကြောင်း မြစ်မခ သတင်းအရ သိရပါတယ်။
No comments:
Post a Comment