မိုးသည်းထန်စွာ ရွာသွန်းမှုကြောင့် မြေမြုပ်ထားတဲ့ အပြာရောင် ကွန်တိန်နာတခု ပေါ်ထွက်လာပြီး အဲဒီထဲမှာ စိတ်ကြွဆေးပြားပေါင်း ခြောက်သိန်းငါးသောင်းလောက် ထည့်ထားတာတွေ့ရတယ်လို့ တနင်္ဂနွေနေ့ထုတ် အစိုးရသတင်းစာမှာ ဖော်ပြ ထားပါတယ်။
အဆိုပါ မူးယစ်ဆေးဝါးတွေဟာ လွန်ခဲ့တဲ့ တစ်နှစ်ကျော် လောက်က မူးယစ်ဆေးဝါး မှောင်ခိုကုန်ကူးတဲ့ ဂိုဏ်းခေါင်းဆောင် နော်ခမ်း အဖွဲ့ကနေ မြုပ်နှံထားတာ ဖြစ်တယ်လို့ ဆိုပါတယ်။
ရွှေတြိဂံဘုရင်အဖြစ် နံမည်ကြီးခဲ့တဲ့ နော်ခမ်း ဦးဆောင်တဲ့ မူးယစ်ဆေးဝါးဂိုဏ်းဟာ ၂၀၁၂ခုနှစ်က ပြိုကွဲသွားခဲ့တာဖြစ်ပြီး နောက်ပိုင်း နော်ခမ်းနဲ့ အပေါင်းပါ သုံးဦးက တရုတ်သင်္ဘောသား ၁၃ဦးကို သတ်ဖြတ်မှုနဲ့ တရုတ်နိုင်ငံက ဖမ်းဆီးတရားစီရင်ပြီး သေဒဏ်အမိန့်ချခံခဲ့ရတာ ဖြစ်ပါတယ်။
ရွှေတြိဂံနယ်မြေဟာ မြန်မာ၊ လာအိုနဲ့ ထိုင်းနိုင်တို့ နယ်စပ်နယ်နမိတ်ထိစပ်တဲ့နေရာဖြစ်ပြီး မူးယစ်ဆေး မှောင်ခိုကုန်ကူးဖြတ်ကျော်တဲ့နေရာဖြစ်ပါတယ်။ ကုလသမဂ္ဂရဲ့ ခန့်မှန်းချက်အရ အာရှတိုက်တ၀ှမ်းက နှစ်စဉ်မူးယစ်ဆေးပြားထုတ်လုပ်မှုပမာဏဟာ ၁ ဒသမ ၄ ဘီလီယံကျော်ရှိပြီး တန်ဖိုးအားဖြင့် အမေရိကန်ဒေါ်လာ ၈ ဒသမ ၅ ဘီလီယံကျော် ရှိတယ်လို့ ဆိုပါတယ်။
No comments:
Post a Comment