ABC
မြန်မာ နိုင်ငံမှာ တနိုင်ငံလုံး အတိုင်းအတာ စာပို့စနစ်ကို ပြင်ဆင်မွန်းမံ ချမှတ်ရာမှာ ဂျပန် နိုင်ငံကနေ ကူညီပေးမှာဖြစ်ပြီး အစီအစဉ်ကို ၂၀၁၄ခု ဘဏ္ဍာ နှစ်မှာ စတင်မှာဖြစ်တယ်လို့ သိရပါတယ်။
အသေးစိတ် အကူအညီတွေ ဘယ်လို အကောင် အထည် ဖေါ်မလဲ ဆိုတာတွေကို လာမည့် နှစ်စ ပိုင်းလောက်မှာ ဆွေးနွေး သွားမယ်လို့လဲ သိရပါတယ်။
အကောင် အထည် ဖေါ်တဲ့ အခါ၊ စာပို့စနစ်ကို ထိထိရောက်ရောက် လုပ်ကိုင်ဆောင် ရွက်သွား နိုင်ဖို့ လူအင်အား အရင်း အမြစ်ကို ဖွံ့ဖြိုးတိုးတက် စနစ်ကျအောင် အသုံးချဖို့ ပါဝင်မယ်လို့လဲ သိရ ပါတယ်။
တနိုင်ငံလုံး အတိုင်းအတာ စာပို့စနစ်ကို post code လို့ သတ်မှတ်ထားတဲ့ ရပ်ကွက်ဒေသဆိုင်ရာ သတ်မှတ်ချက်တွေ စက်ကနေတဆင့် စာတွေကို ရှင်းထုတ် တန်းစီ ဖြန့်ဖြူးပေးတဲ့ စနစ်တွေ စာပို့ ရာမှာ လိုအပ်တဲ့ ကွန်ယက် တည်ဆောက်မှု တွေကိုပါ စီစဉ်ပေး သွားမယ်လို့ သိရပါတယ်။
မြန်မာ နိုင်ငံမှာ ကူညီပူပေါင်းဆောင် ရွက်ပေးဖို့ ပြီးခဲ့တဲ့ မေလတုံးက မြန်မာ အာဏာပိုင်တွေနဲ့ ဂျပန်တို့ သဘောတူ လက်မှတ်ရေးထိုး ခဲ့တယ်လို့လဲ သိရပါတယ်။
အလားတူ ဂျပန်နိုင်ငံက ဗီယက်နမ် နိုင်ငံ အဖို့ တနိုင်ငံလုံး အတိုင်းအတာ စာပို့စနစ်ကို ပြင်ဆင်မွန်းမံ ချမှတ်ရာမှာ ကူညီပေး သွားမယ်လို့ သိရပါတယ်။
မြန်မာ နိုင်ငံနဲ့ ဗီယက်နမ်လို တိုးတက်ဆဲ နိုင်ငံတွေမှာ စာပျောက်တာတွေ ကြံ့ကြာတာတွေ များတဲ့ အတွက်ကြောင့် ဂျပန် နိုင်ငံက အခုလို ခေတ်မှီ စက်ကရိယာတွေ ကူညီပေးတာဖြစ်တယ်လို့ ဆိုပါတယ်။
No comments:
Post a Comment