သျှမ်းသံတော်ဆင့်
ပြီးခဲ့သည့် ဩဂတ်စ်လ လကုန်ရက်တွင် သျှမ်းပြည်မြောက်ပိုင်း နမ့်ခမ်းမြို့နယ်မှ ကျောင်းဆရာ ဆရာမများ လစာအပြည့်အဝ မရသဖြင့် ပညာ ရေးရုံးရှေတွင် စုရုံးရောက်ရှိခဲ့ကြကြောင်းဒေသခံများပြောပြချက်အရသိရသည်။
သတ်မှတ် ပညာရေးဝန်ထမ်းလစာထက် ကျပ် ၅၀၀၀ လျော့နည်းနေသောကြောင့် စုရုံးရောက်ရှိ နေကြခြင်းဖြစ် ကြောင်း အောက်ပြည်အောက်ရွာမှ ပြောင်း ရွှေ့လာသည့် ဆရာမတဦးက ပြောကြောင်း ဒေသခံ အမျိုးသားတဦး ကပြောပါသည်။
အစိုးရ လစား ဆရာ/မ တစ်ယောက် လစာနှုန်းမှာ တစ်လ ၉၇၀၀၀ ကျပ်နှင့် ၉၈၀၀၀ ကျပ်ဖြစ်ကြောင်း သိရ သည်။ သို့သော် ၀န်ထမ်းများ၏ လစာမှ ကျပ် ၅၀၀၀ ကို အဘယ်ကြောင့် ပညာရေးမှူး ဒေါ်သန်းလှ က နှုတ်ယူ ထားရသည်ကို သိရအောင် စုရုံးရောက်ရှိခဲ့ကြခြင်းဖြစ်ကြောင်း ဆရာမ များကပြောသည်ဟု ဆိုပါသည်။
“ ဘာကိစ္စ ၅၀၀၀ ကျပ် လျော့နေရတာလဲ။ ဘာအတွက်ကောက်တာလဲ ။ဘယ်သူ့အတွက် ကောက် တာလဲ ။ဒီ အဖြေကို တော့ ဒေါ်သန်းလှ ကိုယ်တိုင် တာဝန်ယူ ဖြေရှင်းရပါမယ်။ အထက်က ပညာရေး ၀န်ကြီး တွေကကော ဒေါ်သန်း လှ ကျွေးတဲ့ ထမင်းကို ပဲစားပြီးဗိုက်ပွတ် နေမှာလား ။ ၀န်ထမ်းအသစ် ဆိုရင် လစာက ၆၀၀၀၀ တောင်မပြည့်တဲ့အထဲ အခုလို ဖြတ်တောက်ခံရလိုပြန်တော့ ဘာနဲ့စားတော့ မလဲ။ ကိုယ်ချင်းစာ သင့်တာပေါ့။ ကျမတို့ရောက်လာတာ ဆန္ဒပြတာလဲမဟုတ်ပါဘူး။ အကြောင်း သိချင်ရုံသက်သက်ပါ ” ဟု အလယ်တန်းပြ ကျောင်းဆရာမ (၀န်ထမ်းသစ်) ကပြောဆို ကြောင်း အဆိုပါ ဒေသခံ အမျိုးသားက သျှမ်းသံတော်ဆင့်အားပြောပြသည်။
ပညာရေးမှူးရုံးဝန်ထမ်းတဦးကမူ စာရွက်စာတမ်းဖိုး ပုံစံဖိုးအတွက် ပိုက်ဆံဖြတ်ယူခြင်းဖြစ်ကြောင်း ပြောဆိုခဲ့သည်ဟု အဆိုပါဝန်ထမ်းသစ်ကပြောဆိုပါသည်။
နမ့်ခမ်းမြို့တွင် ယခုနှစ် ၀န်ထမ်းသစ် ၁၈၆ ဦးရှိကြောင်း ၊ ထို့ကြောင့် ဖြတ်ယူခံရငွေ စုစုပေါင်းတန်ဖိုးမှာ ၉ သိန်းကျော်ဖြစ် နေကြောင်း ပညာရေးဝန်ထမ်းကပြောပါသည်။
“ဆိုတော့ တလမှာ စာရွက်စာတမ်းဖိုးက အဲလောက် ကုန်မှာလား စဉ်းစားစရာပေါ့။ အဲဒီရုံးဝန်ထမ်း တွေက ကျမကိုပြန်ရွဲ့ ပြောတယ် ။ ခင်ဗျား အသေအချာ စုံစမ်းကြည့်။ ခင်ဗျားကိုယ်တိုင်ပါ ပါဝင် ပတ် သက် နေမလားမသိဘူး - တဲ့ ။ ကျမတို့ အောက်ပြည်သူတွေအနေနဲ့ ဒီလိုလက်နက်ကိုင်တွေ ပေါများတဲ့ နယ်မြေဘက်ကိုသက်စွန့် ကြိုးပမ်းပြီးလာရတာပါ။ သွားလာ ရေးစရိတ်ကဘဲ မနည်းတော့ ပါဘူး။ အဲတာ အထက်က ပညာရေးဝန်ကြီးတွေကို ဒီကိစ္စ ကူညီဖြေရှင်းပေး စေချင်ပါတယ် ” - ဟု အဆိုပါဝန်ထမ်း သစ်က ပြောပါသည်။
အဆိုပါ လစာဖြတ်တောက်ခံရမှုအပေါ် မကျေမနပ်ဖြစ်နေသည်မှာ တွန့်ဟုန်း၊ မိုင်းဝီး၊ တွန့်ယုံး၊ ပန်းဆေး နယ်ဘက်ကျသည့် မူလတန်းပြ ၀န်ထမ်းသစ်များဖြစ်ကြောင်း အဆိုပါ မြို့ခံက ပြောပြပါသည်။
No comments:
Post a Comment