သီဟကိုကို | တနင်္လာနေ့၊ စက်တင်ဘာလ ၀၉ ရက် ၂၀၁၃
ဟံသာဝတီလေဆိပ်စီမံကိန်းကြောင့် ပဲခူးဒေသမြေဈေးနှုန်းများ မြင့်တက်လာပြီးနောက်တွင် ရန်ကုန်-ပဲခူး လမ်းပိုင်းမြေဈေးများပါ မြင့်တက်ကာ အရောင်းအ၀ယ်ဖြစ်လာသည်ဟု အိမ်ခြံမြေ၀န်ဆောင်မှုလုပ်ငန်း ရှင်များက ပြောသည်။
စိုင်းခွန်နောင် အိမ်ခြံမြေ၀န်ဆောင်မှုကုမ္ပဏီမှ အထွေထွေမန်နေဂျာ ဦးရန်အောင်က “ဟံသာဝတီလေဆိပ် စီမံကိန်းကြောင့်ပဲ ပဲခူးမြေဈေးတွေတက်တယ်။ ရန်ကုန်နဲ့ပဲခူးကြားကလည်း နောက်ဆိုရင် အဓိကကျလာမှာဖြစ်တဲ့အတွက် အရောင်းအ၀ယ်ဖြစ်လာကြတယ်”ဟု ပြောသည်။
Estate Myanmar အိမ်ခြံမြေ၀န်ဆောင်မှု ကုမ္ပဏီ၏ ပဲခူးဒေသအကျိုးဆောင် ဦးပြည်ဟိန်းက အမှတ်(၂) လမ်းမကြီး တစ်လျှောက်တွင် ယခုရက်ပိုင်းအတွင်း၌ပင် မြေကွက်ရှစ်ကွက်ခန့် အရောင်းအ၀ယ်ဖြစ်ကြောင်း စီမံကိန်းမစမီက ဆိုလျှင် အရောင်းအ၀ယ်မရှိသည့်နေရာများဖြစ်ကြောင်း ဆိုသည်။အခြားအကျိုး ဆောင်လုပ်ငန်းများလည်း ယင်းလမ်းတစ်လျှောက်တွင် အရောင်းအ၀ယ်ဖြစ်ကြသည်ဟု ဆိုသည်။
ရန်ကုန် - ပဲခူး လမ်းမတစ်လျှောက်ရှိ လှည်းကူး၊ အင်းတကော်၊ အင်းတိုင်တို့တွင် မြေဈေးများ မြေအမျိုး အစားပေါ် မူတည်ကာ နှစ်ဆခန့် မြင့်တက်လာပြီး တစ်ပေပတ်လည်လျှင် ကျပ် ၄၀,၀၀၀ ကျော် ဈေးပေါက် လာကြောင်း အိမ်ခြံမြေ ၀န်ဆောင်မှုလုပ်ငန်းများက ဆိုသည်။
ရန်ကုန်နှင့် ပဲခူးလမ်းမကြီးပိုင်းပေါ်ရှိ ရွာသာကြီးမြေဈေးများမှာ ပေ ၇၀ × ၁၀၀လျှင် သိန်း ၂၅၀၀ ၀န်း ကျင်ခန့်အထိဈေးများမြင့်တက်လာပြီး အရောင်းအ၀ယ်ဖြစ်နေကြောင်း ဆိုသည်။
ရန်ကုန်-ပဲခူး လမ်းပိုင်းကြားရှိ မြေနေရာများမှာ လေဆိပ်စီမံကိန်းကြောင့် ကုန်သွယ်မှုအရ ရန်ကုန်နှင့် ပဲခူး တစ်ဆက် တည်းဖြစ်လာပြီး ဟိုတယ်များ၊ အခြားအဆောင်အအုံများစွာ တိုးပွားလာနိုင်သည့်အတွက် ရင်းနှီးမြှုပ်နှံလာကြခြင်းဖြစ်ကြောင်း အိမ်ခြံမြေ၀န်ဆောင်မှုလုပ်ငန်းများက ဆိုသည်။
ဦးပြည်ဟိန်းက “အမှတ် (၂) လမ်းပိုင်းမှာ မြေရောင်းဝယ်တာတွေရှိတယ်။ လေဆိပ်ပြီးရင် ကုန်ဝင်ကုန်ထွက်အရ ဒဂုံဆိပ်ကမ်းနဲ့နီးတယ်။ အဲဒီဘက်မှာ အရောင်းအ၀ယ်တွေ ဖြစ်လာတယ်”ဟု ပြောသည်။
ပဲခူး
ဟံသာဝတီလေဆိပ်စီမံကိန်းကြောင့် မြင့်တက်လာသော ပဲခူးဒေသမြေဈေးနှုန်းများမှာ အမြင့်ဈေးဖြင့်ပင် အရောင်း အ၀ယ် ဖြစ်လျက်ရှိကြောင်း အိမ်ခြံမြေ၀န်ဆောင်မှုလုပ်ငန်းများက ဆိုသည်။“ပဲခူးဘက်ကတော့ အမြင့်ဈေးနဲ့ပဲ အရောင်းအ၀ယ်သွက်နေတယ်။ တချို့ဆို့ကျပ်သိန်း ၂၀၀၀ လောက်အကွက်တွေက ကျပ် သိန်း ၂၅၀၀ လောက်အထိဈေးတိုးပြီး ရသွားတာ တောင်ရှိတယ်”ဟု ဦးရန်အောင်က ပြောသည်။
ဟံသာဝတီလေဆိပ်စီမံကိန်းဧရိယာအနီးရှိ ပေ ၆၀ × ၈၀ မြေကွက်များမှာ ကျပ်သိန်း ၂၅၀၀ ၀န်းကျင် ခန့်ဈေးဖြင့် အရောင်းအ၀ယ်ဖြစ်နေကြောင်း ဆိုသည်။
မြေဈေးနှုန်းများ အဆမတန်ကြီးမြင့်ခြင်းအား အစိုးရမှ တစ်ပေပတ်လည်မြေဈေးနှုန်းဖြင့် တိုင်းနှင့်ပြည်နယ်အလိုက် သတ်မှတ် ထိန်းချုပ်မည့် သတင်းများကြောင့် ရန်ကုန်မြို့ရှိမြေဈေးနှုန်းများ ကျဆင်းသွားခြင်း မရှိသော်လည်း အရောင်းအ၀ယ်မှာ ငြိ်မ်သက်သွားကြောင်း အိမ်ခြံမြေလုပ်ငန်းများက ပြောသည်။
ရန်ကုန်မြို့ရှိ မြေဈေးကွက်အတွင်း အရောင်းအ၀ယ်ငြိမ်သက်သွားသော်လည်း လေဆိပ်ဝန်းကျင်၊ ပဲခူးနှင့် ရန်ကုန်နှင့် ပဲခူးကြားရှိ မြေဈေးများအရောင်းအ၀ယ်သွက်လျက်ရှိကြောင်း အိမ်ခြံမြေ လုပ်ငန်းရှင်များက ပြောသည်။
No comments:
Post a Comment