အဆိုပါ ဖွင့်ပွဲအခမ်းအနားအား ဖေဖော်ဝါရီလ ၁၂ ရက် မနက် ၁၀ နာရီအချိန်တွင် စတင်ကျင်းပသွားမည်ဖြစ် ကြောင်း၊ သျှမ်းပြည်နယ်ဝန်ကြီးချုပ်နှင့်အဖွဲ့အားကြိုဆိုရန် သျှမ်းစာပေယဉ်ကျေးမှု လူငယ်မောင်မယ် အင်အား ၁၀၀ ၊ ပအိုဝ်း စာပေယဉ်ကျေးမှု လူငယ်မောင် မယ်အင်အား ၁၀၀ တို့က မိမိ ရိုးရာဝတ်စုံဖြင့်တက်ရောက်ရန် ဖိတ်ကြားထားသည်ဟု ဆိုသည်။
" ကျနော်ကြားထားတာတော့ ပြည်ထောင်စုနေ့ မနက်ဖြန်ပေါ့နော်။ ပြည်နယ်ဝန်ကြီးချုပ်က အခုမွမ်းမံပြီးတဲ့ ပြည်ထောင်စု အထိမ်းအမှတ်ကျောက်တိုင်ကို ဖွင့်လှစ်ပေးမယ်၊ ပြီးတော့ သမ္မတ ဦးသိန်းစိန်ပေးပို့လာတဲ့ သဝဏ်လွှာကို ဖတ်ကြားမယ် တဲ့ " ဟု ပင်လုံကျောက်တိုင်ဝင်းအတွင်းရှိ မဟာရဌာဘိသာမဂ္ဂီ ရွှေတိဂုံ ပုံတူစေတီတော် ဂေါပက လုံးလွမ်းမှိုင်းက ပြောသည်။
သမ္မတ ဦးသိန်းစိန်၏ ပြည်ထောင်စုနေ့ သဝဏ်လွှာအား လွိုင်လင်ခရိုင်ဥက္ကဌ ဖတ်ကြားပေးမည်ဟု ၎င်းကပြောသည်။
" ဖွင့်ပွဲ အစီအစဉ်ကတော့ တိုင်းရင်းသားအကနဲ့ စတင်မယ်၊ ပြီးတော့ ကျောင်းသူ/သားပေါင်း ၄၀၀ ကျော်က စည်းလုံးခြင်းသည်အင်အား သီချင်းနဲ့ သီဆိုကြမယ်" ဟု အကအဖွဲ့တွင်ပါဝင်သူတစ်ဦးကပြောသည်။
ပင်လုံကျောက်တိုင် ပြုပြင်မွမ်းမံရေးအတွက် နေပြည်တော်အစိုးရက ကျပ်ငွေသိန်းပေါင်း ရ၀၀၀ ချပေးမည်ဟုဆိုသော်လည်း လက်ရှိပြင်ဆင်ပြီးစီးမှုမှာ သျှမ်းပြည်နယ်အစိုးရနှင့် စည်ပင်ဝန်ကြီးဌာနက ငွေကျပ် ၁၄၀၀ စိုက်ထုတ်ကာ ပြင်ဆင်ထားခြင်းဖြစ်ကြောင်းပင်လုံမြို့ရပ်မိရပ်ဖတဦးကဆိုပါသည်။
နပြည်တော်အစိုးရမှ ဘတ်ဂျက် မရောက်လာသောကြောင့် ပြတိုက်ပါတည်ဆောက်ရန် အစီအစဉ်လည်း ပျက်ပြားခဲ့ရကြောင်း ဆိုပါသည်။
၁၉၄၇ ဖေဖေါ်ဝါရီ ၁၂ ရက် နေ့သည် အင်္ဂလိပ်အစိုးရထံ လွတ်လပ်ရေးအတူတကွယူရန် ဗိုလ်ချုပ်အောင်ဆန်း နှင့် တိုင်းရင်းသားခေါင်းဆောင်တို့ တောင်တန်း - မြေပြန့် ပူးပေါင်းရေးစာချုပ် ချုပ်ဆိုနိုင်သောနေ့ဖြစ်သည်။ ထို့နေ့ကို ပြည်ထောင်စုနေ့အဖြစ်သတ်မှတ်လာသည်မှာ ယနေ့ ၆၇ နှစ်မြောက်ရှိခဲ့ပြီဖြစ်သည်။
No comments:
Post a Comment