RCSS/SSA ၏အမြင့်ဆုံးရာထူး ဉက္ကဌ သက်တမ်း သုံးကြိမ် ဆက်တိုက်တာဝန်ထမ်းဆောင်သူ လက်ရှိ ဒုတိယဗိုလ်ချုပ်ကြီးယွက်စစ် ယခုရွေးချယ်ပွဲတွင် ‘မိမိ၏အမည်တင်သွင်းခြင်းမပြုရန်’ ဂျန္နဝါရီလက ကျင်းပသည့် နှစ်ပတ်လည်အစည်းအဝေးကတည်းက တင်ပြထားသောကြောင့်၊ ဥက္ကဌ လောင်းအဖြစ် လျာထားခြင်းခံရသူ (စဝ်စိုင်းရီ၊ စဝ်ခေးငင်း၊ စဝ်ပေါင်ခေး၊ စဝ်သီရိ၊ စဝ်ဂွဏ်းဇင့်) တို့ ၅ ဦးရှိကြောင်း ဗဟိုကော်မတီဝင် တဦးကပြောသည်။
“ခေါင်းဆောင်သစ်ရွေးချယ်တင်မြောက်ဖို့ RCSS အဖွဲ့ဝင် အရာရှိတွေ စုံစုံညီညီရောက်နေပြီ။ မဲပေး ပိုင်ခွင့်ရှိသူ ၁၀၀ လောက် ရှိမယ် ။ သျှမ်းပြည်တပ်မတော်ကို အစဉ်အဆက် ထောက်ပံ့လာတဲ့ လူထုနဲ့ ရပ်မိရပ်ဖတချို့လဲ မဲပေးနိုင်ဖို့ ပြင်ဆင်ပေးထားတယ်။ ဒီမိုကရေစီနည်းကျကျ ရွေးကောက်တင်မြှောက် မယ်” - ဟု သျှမ်းပြည်တပ်မတော်၏နာယက စဝ်ခွန်းဆေ က ပြောသည်။
အကြောင်းအမျိုးမျိုးကြောင့် ခေါင်းဆောင်သစ် ရွေးချယ်နိုင်ခြင်းမရှိပါက စတုတ္ထသက်တမ်း ဥက္ကဌ ရာထူးအား မလွဲမသွေ ပြန်လည်ထမ်းရွက်သွားမည်ဖြစ်ကြောင်းလည်း ဒုတိယ ဗိုလ်ချုပ်ကြီး ယွက်စစ်က သျှမ်းသံတော်ဆင့်သို့ပြောဖူးပါသည်။
“စဝ်ယွက်စစ် ရာထူးက နားမယ်ဆိုတဲ့ကိစ္စ လူတော်တော်များများက နားစွင့်ကြတယ်။ တချို့ကလဲ စဝ်ယွက်စစ်က အစိုးရနဲ့ သဘောတူညီချက်ကို လမ်းကြောင်းပြောင်းလိုလို့ လူသစ်အစားထိုးမယ် အစ ရှိသဖြင့် စိုးရိမ်ပူပန်ကြသူတွေ လဲရှိပါတယ်။ ပရိယာယ်ဆင်တာ မဟုတ်ပါဘူး။ ဘယ်သူတက်လာ တက်လာ ဒီလမ်းအတိုင်းသွားဖို့ ချထားပြီးသားဘဲ” - ဟု နီးစပ်သည့် အရာရှိ တဦးကပြောသည်။
RCSS/SSA ၏ အမြင့်ဆုံး ဥက္ကဌ ရာထူးနှင့် ဗဟိုကော်မတီဝင်များ အား ၄ နှစ် တစ်ကြိမ် ရွေးချယ် တင်မြောက်၏။ ထို့အတွက် သုံးကြိမ်ဆက်တိုက်ဉက္ကဌ ရာထူး ထမ်းရွက်လာသည့် စဝ်ယွက်စစ်က အရည်အချင်းပြည့် ပုဂ္ဂိုလ်များ ခေါင်းဆောင်ဖြစ်လာရေးတွက် အခွင့်အလှမ်းပေးသည့်အနေဖြင့် ယခု စတုတ္ထအကြိမ် ခေါင်းဆောင်ရွေးချယ်ပွဲ၌ မိမိအမည်နာမ ထည့်သွင်းခြင်းမပြုရန် တောင်းဆို ထားခြင်း ဖြစ်သည်။
No comments:
Post a Comment