ဖြိုးကြီး
နအဖ အာဏာ ပိုင်များ ဘက်က ဒေါ်အောင်ဆန်း စုကြည်အား ပုဂ္ဂိုလ်ရေး အရ သိက္ခာ ကျစေ သည့် ဓါတ်ပုံများ ကို ပြည်သူ လူထု အ ကြား တွင် ဖြန့်ဝေခြင်း များ ပြုလုပ်နေ သောကြောင့် မြို့ခံ လူထုက မကျေ မနပ်ဖြစ် နေကြသည်။
မန္တလေးတိုင်း၊ ကျောက်ပန်းတောင်းမြို့ပေါ်တွင် ယနေ့နံနက်ပိုင်းက ဒေါ်အောင်ဆန်းစုကြည်နှင့် မစ္စတာယက်တောတို့ ပူးတွဲနေသည့်ပုံ ပြုလုပ်ထားသည့် ဓါတ်ပုံတွင် မဖွယ်မရာစာများရေးသားထားပြီး လိုက်လံဖြန့်ဝေခြင်းနေခြင်းကြောင့် ဖြစ်သည်။
“အဲဒီမှာက မစ္စတာ ယက်တောကို ဒေါ်အောင်ဆန်းစုကြည်က မှီနေတဲ့ပုံတွေ ဖြန့်တာ၊ စာတွေကလဲ မဖွယ်မရာ ရေးထားတာ၊ နောက်ခံနေရာကလဲ ဒေါ်အောင်ဆန်းစုကြည်ခြံဝန်းထဲမှာပဲ၊ ဓါတ်ပုံက ၃ လက်မဆိုဒ်နဲ့ လုပ်ထားတာ” ဟု မြို့ခံတဦးက ပြောသည်။
အဆိုပါဓါတ်ပုံများကို ဖြန့်ဝေသွားသူများမှာ ကြံ့ဖွံ့အဖွဲ့နှင့် စွမ်းအားရှင်များက လုပ်သွားခြင်းဖြစ်ကြောင်း မြို့ခံများက ပြောဆိုသည်။
“ဆိုင်ကယ်နဲ့ ဖြန့်သွားတာ၊ တချို့က ကိုယ်တိုင်လိုက်ဝေတာ၊ ကျနော်တို့စုံစမ်းကြည့်တာ လေးငါးခြောက်ယောက်လောက် ရှိမယ်၊ အဲဒါက သက်သက်ယုတ်မာတာ၊ မြို့ခံတဦးအနေနဲ့ပြောရမယ်ဆိုရင် တော်တော်ကို အောက်တန်းကျတဲ့ လုပ်ရပ်ပါ၊ တမြို့လုံးကလဲ မကျေနပ်ဘူး၊ အဲဒီပုံတွေကို တွေ့တဲ့သူတွေကလဲ အကုန်ဆုတ်ဖြဲပစ်လိုက်တာ” ဟု ဆက်ပြောသည်။
ထို့အပြင် မြင်းခြံမြို့နှင့် တောင်သာမြို့များတွင်လည်း မန္တလေးတိုင်း ကြံ့ဖွံ့အဖွဲ့က တိုက်ရိုက်ညွှန်ကြားပြီး ယခုကဲ့သို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည့်အား ဂုဏ်သိက္ခာကျဆင်းစေသည့် ဓါတ်ပုံများ၊ စာရွက်စာတမ်းများ ဖြန့်ဝေနေလျှက်ရှိသည်။
No comments:
Post a Comment