မြန်မာ အစိုးရ၏ ပြုပြင် ပြောင်းလဲမှု များကို အသိ အမှတ် ပြုသည့် အနေဖြင့် ပြည်ဝင်ခွင့် ဗီဇာ ပိတ်ပင်ထား ခြင်းကို ပယ်ဖျက် ကြောင်း ယမန် နေ့က ပြုလုပ်သည့် ဥရောပ သမဂ္ဂ နိုင်ငံခြားရေး ၀န်ကြီးများ အစည်း အဝေးမှ ထုတ်ပြန် ကြေညာ လိုက်သည်။
ဥရောပ သမဂ္ဂ၏ ပိတ်ပင်ထား မှုများကို ရုပ်သိမ်း ရာတွင် ပထမ အဆင့် အနေဖြင့် သမ္မတ၊ ဒု သမ္မတ၊ လွှတ်တော် နှစ်ရပ်မှ ဥက္ကဋ္ဌများ၊ ပြည်သူ့ လွှတ်တော် ကိုယ်စား လှယ်များနှင့် အစိုးရ အဖွဲ့ဝင် များကို ပြည်ဝင်ခွင့် ဗီဇာ ပိတ်ပင်ထား မှုမှ ရုပ်သိမ်း လိုက်ခြင်း ဖြစ်သည်။
မြန်မာ အစိုးရ၏ ရှေ့ဆက်လက် လုပ်ဆောင်မည့် ပြုပြင် ပြောင်းလဲရေး လုပ်ငန်းများ အပေါ်တွင် မူတည်ပြီး နောက်ထပ် ရုပ်သိမ်း မှုများ ကို ဆက်လက် လုပ်ဆောင်မည် ဟုလည်း သိရသည်။
ယခင် စစ် အစိုးရ လက်ထက်က ဗီဇာ ပိတ်ပင် ခံထားရသည့် အစိုးရ အဖွဲ့ဝင် ဟောင်းများနှင့် မိသား စုများ၊ စီးပွားရေး လုပ်ငန်းရှင် များ ကို မူ ဆက်လက် ပိတ်ပင်ထား မည်ဖြစ်သည်။
ဥရောပ သမဂ္ဂ နိုင်ငံခြားရေး မူဝါဒဆိုင်ရာ အကြီးအကဲ ကက်သရင်း အက်ရ်ှတန်က “ပြီးခဲ့တဲ့လတွေက ပြုလုပ်ခဲ့တဲ့ အပြောင်း အလဲတွေ ကတော့ အရမ်း ထူးခြား ပါတယ်” ဟု ဆိုသည်။
ထို့အပြင် လာမည့် ဧပြီလ အတွင်း ၎င်း အနေဖြင့် မြန်မာ နိုင်ငံသို့ သွားရောက်ကာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစု ကြည်နှင့် သွားရောက် တွေ့ဆုံ မည်ဖြစ်ပြီး မကြာမီ ဥရောပ သမဂ္ဂ ရုံးကို မြန်မာ နိုင်ငံတွင် ဖွင့်လှစ် တော့မည် ဟုလည်း ပြောသည်။
သမ္မတဦးသိန်းစိန် အစိုးရသည် သက်တမ်းကိုးလအတွင်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် ဆွေးနွေးမှုများ ပြု လုပ်ကာ လာမည့် ကြားဖြတ်ရွေးကောက်ပွဲကို ၀င်ရောက်ယှဉ်ပြိုင်စေခြင်း၊ တိုင်းရင်းသား လက်နက်ကိုင် တပ်ဖွဲ့များနှင့် အပစ်အခတ် ရပ်စဲ ရေး ဆွေးနွေးခြင်း၊ နိုင်ငံရေး အကျဉ်းသားများအား လွတ်ငြိမ်းချမ်းသာခွင့်ပြုခြင်း စသည့် သိသာသော အပြောင်းအလဲတို့ကို ပြုလုပ်ခဲ့ သည်။
မြန်မာအစိုးရအပေါ် ချမှတ်ထားသည့် ပြည်ဝင်ခွင့်ဗီဇာပိတ်ပင်ထားမှု ပယ်ဖျက်လိုက်ခြင်းနှင့် ပတ်သက်၍ အမျိုးသားဒီမိုကရေစီ အဖွဲ့ချုပ် (NLD) ၏ ပြောရေးဆိုခွင့်ရှိသူ ဦးဉာဏ်ဝင်းက နိုင်ငံတကာမှ ချမှတ်ထားသည့် ပိတ်ဆို့အရေးယူမှုများ ပယ်ဖျက်ရန် ကိစ္စသည် အစိုးရ၏ ပြုပြင်ပြောင်းလဲရေး များနှင့်သာ သက်ဆိုင်ကြောင်း ပြောသည်။
“ပိတ်ဆို့ အရေးယူမှုဆိုတာ သူ့အလိုလို မိုးပေါ်က ကျလာတာ မဟုတ်ပါဘူး။ အကြောင်းကြောင့် အကျိုး ဖြစ်လာတာပါ။ ဒါကြောင့် ပိတ်ဆို့အရေးယူမှုဆိုတဲ့ အကျိုးတရားကို ဖယ်ရှားချင်ရင် အကြောင်းတရားကို မသိချင်အောင် မဆောင်ပါနဲ့လို့ ပြောချင်ပါတယ်။ အကြောင်း တ ရားကို ဖယ်ရှားဖို့အတွက် ဆိုရင်တော့ ကျနော်တို့အားလုံး ၀ိုင်းဝန်းကူညီ ဆောင်ရွက်ပေး နိုင်ပါတယ်” ဟု ၈၈ မျိုးဆက် ကျောင်းသား ခေါင်းဆောင် ကိုမင်းကိုနိုင်က ဇန်နဝါရီ ၂၁ ရက်နေ့က ကျင်းပသည့် သတင်းစာ ရှင်းလင်းပွဲတွင် ပြောဆို သည်။
အလားတူ ၈၈ မျိုးဆက် ကျောင်းသားခေါင်းဆောင် တဦးဖြစ်သူ ကိုကိုကြီးကလည်း နိုင်ငံသားအားလုံး အကျိုးစီးပွားကို ရှေ့ရှုသည့် ပြု ပြင် ပြောင်းလဲရေး လုပ်လာသည်နှင့် အမျှ အရေးယူမှုများ တဖြည်းဖြည်းရုပ်သိမ်းလာလိမ့်မည် ဟု ယနေ့ ဧရာဝတီသို့ ပြောသည်။
No comments:
Post a Comment