(၂) ရက်တာ ကြာမြှင့်မည့် ညီလာခံအား ရခိုင် လူမူ ကွန်ယက် ရခိုင်ပြည်နယ် (၁၈) မြို့နယ် ညီလာခံဟု အမည်ပေးထားပြီးတောင်ကုတ် မြို့ကိုင်းရှည်ကျေး ရွာ စေတျာရာမ ကျောင်းတိုက် ဓမ္မဗိမာန်တွင် ကျင်းပ ပြုလုပ်နေခြင်း ဖြစ် သည်။
ညီလာခံ ကျင်းပရသည့် ရည်ရွယ်ချက်နှင့်ပတ်သက်ပြီး တောင်ကုတ်မြို့ လူမှု ကွန်ယက် ဥက္ကဌ ကိုသန်းလွင်က နိရဉ္စရာသို့ ပြောသည်။
“ ကျွန်တော်တို့ ရခိုင်ပြည်သူ/သားတွေအတွက် လုပ်ဆောင်ဖို့ နေရာမှာ ရခိုင်ပြည်နယ် ၁၈ မြို့နယ်စလုံးက တညီတည်း၊ တသံတည်း အတူ လက်တွဲပြီးတော့ ဘာမဆို တမြို့နယ်တည်းမဟုတ်ဘဲ ရခိုင်ပြည်နယ် ၁၈ မြို့နယ်စလုံး ပူးပေါင်းလုပ် ဆောင်သွားဖို့ ရည်ရွယ်ချက်နဲ့ ညီလာခံ ကျင်းပရတာ ဖြစ်ပါတယ်” ဟု ဆိုသည်။
ယခု ကျင်းပသည့် ညီလာခံမှ ရခိုင်ပြည်နယ် ၁၈ မြို့နယ်စလုံး ပူးပေါင်းပါဝင်သည့် ရခိုင်ပြည်နယ် လူမှုကွန်ယက် အဖွဲ့ အ စည်း တစ်ခုကို ဖွဲ့စည်း သွားမည်ဟုလည်း ကိုသန်းလွင်က ပြောသည်။
“ ကျွန်တော်တို့ ဒီညီလာခံက ရခိုင်ပြည်နယ်တခုလုံး ပူးပေါင်းပါဝင်တဲ့ ရခိုင်လူမှု ကွန်ယက် အဖွဲ့အစည်း တစ်ခုကို ဖွဲ့သွားမယ်။ တစ်ခုတည်း သော အလံတော် အောက်မှာ စုစည်းပြီး လုပ်ဆောင်နိုင်ရန် အတွက် နိုင်ငံတော် အစိုးရထံ တရားဝင် တင်ပြပြီး ခွင့်ပြုချက် တောင်းခံ သွားမှာ ဖြစ်ပါတယ်” ဟု ဆိုသည်။
ယနေ့ ကျင်းပသည့် ပထမနေ့ ညီလာခံအခြေအနေနှင့် ပတ်သက်ပြီး ညီလာခံ တက်ရောက်နေသူ ကိုအောင်စိုးသန်းက နိရဉ္စရာသို့ ယခုကဲ့သို့ ပြောသည်။
“ ပထမနေ့ ညီလာခံမှာတော့ ၈၈ ကျောင်းသားတွေ ပေးပို့တဲ့ သ၀ဏ်လွှာ၊ NLD မှ ပေးပို့သော သ၀ဏ်လွှာ၊ ALP က ပေးပို့တဲ့ သ၀ဏ် လွှာ၊ စစ်တွေ လူမှုကွန်ယက်မှ ပေးပို့သော သ၀ဏ်လွှာတွေကို ဖတ်ပြပါတယ်။ ပြီးတော့ ရခိုင် ပြည်နယ်မှာ ဘယ်မြို့နယ်မှာ ဘယ်လိုကိစ္စ ပေါ်ပေါ်၊ တမြို့နယ်တည်း မလုပ်ဘဲ ၁၈ မြို့နယ်စလုံးက စဉ်းစား ဆုံးဖြတ်ပြီးတော့ လုပ်သင့် လုပ်ထိုက်တာတွေကို လုပ်ဆောင်သွားနိုင်ဖို့ အဓိက ဆွေး နွေးကြပါတယ်” ဟုဆိုသည်။
ပထမနေ့ ညီလာခံတွင် ရခိုင် တပြည်နယ်လုံး လူမှုကွန်ယက် ဖွဲ့စည်းရန် ဆုံးဖြတ်ချက်တခုကိုအဓိကသဘောတူ ချမှတ်နိုင်ခဲ့သည်ဟု တောင် ကုတ်မြို့ လူမှုကွန်ယက်အဖွဲ့ ဥက္ကဌ ကိုသန်းလွင်က ဆက်ပြောသည်။
“ ကျွန်တော်တို့ ရခိုင်ပြည်နယ်အတွင်းက မြို့နယ်တွေရဲ့ ကြုံတွေ့နေရတဲ့ အခြေအနေတွေကို ပြဿနာတွေကို မြို့နယ်အလိုက် တင်ပြဆွေး နွေးကြပါတယ်။ အဲဒီ ဆွေးနွေးချက်တွေအပေါ်မှာ မူတည်ပြီးတော့ ၁၈ မြို့နယ်လုံး ပါဝင်တဲ့ ရခိုင်လူမှု ကွန်ယက်အဖွဲ့ ဖွဲ့ပြီးတော့ တရားဝင် မှတ်ပုံတင်သွားဖို့ ဆုံးဖြတ်ချက်တခု ချမှတ်နိုင်ခဲ့ပါတယ်။”
ယနေ့ကျင်းပသည့် ညီလာခံကို ၁၈ မြို့နယ်ရှိ ၁၆ မြို့နယ်မှ လူမှုကွန်ယက်အဖွဲ့ကိုယ်စားလှယ်များ၊ ရန်ကုန်မှ ဖိတ်ကြားထားသည့်လူ မှု ကွန် ယက်အဖွဲ့အစည်းမှ တာဝန်ရှိသူများ၊ NLD တောင်ကုတ်မြို့နယ်မှ ကိုယ်စားလှယ်များ စုစုပေါင်း ၈၀ ခန့် တက်ရောက်ခဲ့သည်ဟု သိရသည်။
ယနေ့ ကျင်းပမည့် ညီလာခံတွင် ရခိုင်ပြည်နယ် ၁၈ မြို့နယ်စလုံးမှ ကိုယ်စားလှယ်များ ကိုယ်စားပြု ပါဝင်သော ရခိုင် ပြည်နယ်လုံး ဆိုင်ရာ ရခိုင်လူမှုကွန်ယက် အဖွဲ့အစည်းကို ဖွဲ့စည်းမည်ဟု သိရသည်။
No comments:
Post a Comment