အဖမ်းခံရသူဟာ သန်းရွှေလို့အမည်ရတဲ့ အသက် ၂၉ နှစ်အရွယ်ရှိသူ ရိုဟင်ဂျာမွတ်စလင်ဖြစ်ပါတယ်။
ရခိုင်ပြည်နယ်တွင်းက ရဲတစ်ဦးကတော့ အဲဒီပုဂ္ဂိုလ်ဟာ ကုလသမဂ္ဂ လူ့အခွင့်အရေး ကိုယ်စားလှယ် သောမတ်စ် အိုဟေး ကင်တားနား ရခိုင်ပြည်နယ်ကို လာရောက် လေ့လာတုန်း ပြဿနာ လုပ်ဖို့ ကြိုးစားတဲ့အတွက် ဖမ်းဆီးခံရတာလို့ ပြောကြောင်း အေပီသတင်းမှာ ဖော်ပြထားပါတယ်။
ပြီးခဲ့တဲ့ သောကြာနေ့က ချောင်းတစ်ချောင်းမှာ တွေ့ရတဲ့ အလောင်းတစ်လောင်းကို ရဲတွေက မှုခင်းဆိုင်ရာ စစ်ဆေးဖို့လုပ်တာကို မွတ်စလင်တွေက သူတို့ရဲ့ ရိုးရာဓလေ့အတိုင်း နေ့တွင်းချင်း သဂြိုလ်ရမှာ ဖြစ်တဲ့အတွက် အလောင်းကို ပြန်ပေးဖို့ တောင်းဆိုရာက ရဲတွေနဲ့ ပဋိပက္ခ ဖြစ်ခဲ့ပါတယ်။
ရဲတွေက ရာဘာကျဉ်ဆံနဲ့ ပစ်ခဲ့တဲ့အတွက် လူတစ်ဦး သေဆုံးပြီး ဆယ်ယောက်လောက် ဒဏ်ရာရရှိ ခဲ့ပါတယ်။
No comments:
Post a Comment